Karthikeya 2: కార్తికేయ సీక్వెల్‌ నుంచి క్రేజీ అప్‌డేట్‌.. పాత్రలను పరిచయం చేసిన చిత్ర యూనిట్..
Karthikeya 2: నిఖిల్‌ హీరోగా 2014లో వచ్చిన 'కార్తకేయ' సినిమా ఎంతటి విజయాన్ని సాధించిందో ప్రత్యేకంగా చెప్పాల్సిన పనిలేదు. చందు మొండేటి దర్శకత్వంలో తెరకెక్కిన ఈ సినిమా బాక్సాఫీస్‌ ముందు...
Updated on: Jun 11, 2022 | 7:30 AM
Karthikeya 2: నిఖిల్‌ హీరోగా 2014లో వచ్చిన ‘కార్తకేయ’ సినిమా ఎంతటి విజయాన్ని సాధించిందో ప్రత్యేకంగా చెప్పాల్సిన పనిలేదు. చందు మొండేటి దర్శకత్వంలో తెరకెక్కిన ఈ సినిమా బాక్సాఫీస్‌ ముందు కలెక్షన్ల వర్షం కురిపించింది. ఓ దేవాలయంలో జరుగుతోన్న రహస్యాలను చేధించే క్రమంలో హీరో, అతని స్నేహితులు ఎలాంటి కష్టాలు ఎదుర్కొన్నారన్న కథాంశంతో వచ్చిన ఈ సినిమా ప్రేక్షకులకు సరికొత్త అనుభూతిని కల్పించింది. ఇదిలా ఉంటే తాజాగా ఈ సినిమాకు సీక్వెల్‌ తెరకెక్కుతోన్న విషయం తెలిసిందే.
కార్తికేయ 2 పేరుతో రానున్న ఈ సినిమాపై భారీగానే అంచనాలు ఉన్నాయి. ‘సముద్రం దాచుకున్న అతి పెద్ద ప్రపంచ రహస్యం.. ఈ ద్వారకా నగరం’ అనే థీమ్‌తో తెరకెక్కుతోన్న ఈ సినిమా ప్రేక్షకుల్లో ఒక్కసారిగా క్యూరియాసిటీని పెంచేసింది. ఇప్పటికే దాదాపు షూటింగ్‌ పూర్తి చేసుకున్న ఈ సినిమాను జూలై 22న విడుదల చేయనున్నారు.
సినిమా విడుదల తేదీ దగ్గర పడుతోన్న నేపథ్యంలో చిత్ర యూనిట్ సినిమా ప్రమోషన్స్‌ను పెంచే పనిలో పడింది. ఇందులో భాగంగానే తాజాగా సినిమాలోని పాత్రలను పరిచయం చేస్తూ ఓ వీడియోను విడుదల చేసింది. ఈ సినిమాలో నిఖిల్‌ కార్తికేయగా, అనుపమ పరమేశ్వరన్‌ ముగ్ధ పాత్రలో, బాలీవుడ్‌ నటుడు అనుపమ్‌ ఖేర్‌ ధన్వంతరి పాత్రలో నటిస్తున్నారు. ఇక ఆదిత్యమీనన్‌, శాంతనుగా, సదానందగా శ్రీనివాస్‌ రెడ్డి, సులేమాన్‌ పాత్రలో వైవా హర్ష నటిస్తున్నారు. భారీ తారాగణంతో ఇంట్రెస్టింగ్ కథాంశంతో వస్తోన్న ఈ సినిమా జూలై 22న ప్రపంచవ్యాప్తంగా విడుదల చేయనున్నారు. మరి కార్తికేయ అందుకున్న విజయాన్ని సీక్వె్ల్‌ బీట్ చేస్తుందో చూడాలి.
The World of #karthikeya2 is opening up… Teaser Coming soon ☺️
India’s epic mystical adventure?? releasing on July 22nd @actor_Nikhil @anupamahere @AnupamPKher @harshachemudu @AdityaMenon22 @chandoomondeti @vishwaprasadtg @AbhishekOfficl @vivekkuchibotla @kaalabhairava7 pic.twitter.com/wHgMj4l72B
— Nikhil Siddhartha (@actor_Nikhil) June 10, 2022
మరిన్ని సినిమా వార్తల కోసం క్లిక్ చేయండి..
