జబర్దస్త్ కమెడియన్ల పారితోషికాలు తెలిస్తే షాక్ అవ్వాల్సిందే!

సినిమా వాళ్ళు, యాంకర్లు రెమ్యునరేషన్ గురించి అభిమానుల్లో ఎల్లప్పుడూ ఆసక్తికరంగా చర్చ జరుగుతూనే ఉంటుంది. ఎందుకంటే వారి పారితోషిక వివరాలను ఎప్పుడూ రహస్యంగానే ఉంచుతారు. అయితే ఎంత గోప్యంగా ఉంచుదాం అని చూసినా.. ఏదో ఓ రకంగా లీక్ అవుతూనే ఉంటాయి. ఇది ఇలా ఉండగా బుల్లితెరపై గత కొన్నేళ్లుగా ప్రేక్షకులను అలరిస్తున్న ‘జబర్దస్త్ కామెడీ షో’లో కంటెస్టెంట్ల దగ్గర నుంచి జడ్జీల వరకు ఎవరెవరు ఎంతెంత పారితోషికం తీసుకుంటున్నారనేది అందరిలోనూ మెదులుతున్న ప్రశ్న. ఇప్పుడు తాజాగా ఆ షోకు జడ్జీలుగా వ్యవహరిస్తున్న నాగబాబు, రోజాతో పాటు కమెడియన్ల రెమ్యునరేషన్‌ వివరాలు లీక్ అయ్యాయి.

మెగా బ్రదర్ నాగబాబుకు నెలకు రూ.16 లక్షలు, ఎమ్మెల్యే రోజాకు నెలకు 20 లక్షలు అందుతున్నట్లు ఇన్‌సైడ్ టాక్. అటు యాంకర్లగా వ్యవహరిస్తున్న అనసూయ, రష్మిలకు నెలకు 3.5 లక్షల నుంచి 4 లక్షల వరకు ఇస్తారని సమాచారం.

ఇక టీమ్ లీడర్స్ విషయంలో చమ్మక్ చంద్ర అందరికంటే ఎక్కువగా నెలకు 4 లక్షలు తీసుకుంటారని తెలుస్తోంది. సుడిగాలి సుధీర్ 3.5 లక్షలు, అదిరే అభి రూ. 3 లక్షలు, రైటర్ కమ్ యాక్టర్ రాంప్రసాద్ 3 లక్షలు, హైపర్ ఆది రూ. 3 లక్షలు అందుకుంటుండగా.. గెటప్ శ్రీను, రాకెట్ రాఘవ, కిరాక్ ఆర్పీలు చెరో 2.5 లక్షల పారితోషికం తీసుకుంటున్నారు. ఇకపోతే బులెట్ భాస్కర్‌కు 2 లక్షలు, ఇతర కామెడియన్లకు 50 వేల నుంచి లక్ష రూపాయల వరకు రెమ్యునరేషన్ అందుకుంటున్నట్లు ప్రచారం జరుగుతోంది.