Christian Oliver: సముద్రంలో కుప్పకూలిన విమానం.. కూతుళ్లతో సహ మరణించిన హీరో..
సెయింట్ విన్సెంట్ అండ్ గ్రెనడైన్స్ పోలీసులు తెలిపిన వివరాల ప్రకారం.. వెకేషన్లో భాగంగా ఒలివర్ తన కుటుంబంతో కలిసి గ్రెనడైన్స్లోని బెక్వియా ద్వీపం నుంచి సెయింట్ లూసియాకు వెళ్తున్నారు. ఈ క్రమంలోనే బెక్వియాలో టేక్ఆఫ్ అయిన కాసేపటికే విమానం కరేబియన్ సముద్రంలో కుప్పకూలింది. దీంతో 51 ఏళ్ల ఒలివర్తోపాటు ఆయన ఇద్దరు కుమార్తెలు మడిత (10), అన్నీక్ (12) అక్కడికక్కడే మరణించారు. ఈ ప్రమాదంలో పైలట్ కూడా మృతిచెందారు.
Updated on: Jan 06, 2024 | 10:28 AM
ప్రముఖ హాలీవుడ్ నటుడు క్రిస్టియన్ ఒలివర్.. అతని ఇద్దరు కూతుళ్లు విమాన ప్రమాదంలో మరణించారు. జనవరి 4న తూర్పు కరేబియన్ లోని బెక్వియా సమీపంలోని ప్రైవేట్ ద్వీపం పెటిట్ నెవిస్ ద్వీపం సమీపంలో ఈ ప్రమాదం జరిగింది. సెయింట్ విన్సెంట్ అండ్ గ్రెనడైన్స్ పోలీసులు తెలిపిన వివరాల ప్రకారం.. వెకేషన్లో భాగంగా ఒలివర్ తన కుటుంబంతో కలిసి గ్రెనడైన్స్లోని బెక్వియా ద్వీపం నుంచి సెయింట్ లూసియాకు వెళ్తున్నారు. ఈ క్రమంలోనే బెక్వియాలో టేక్ఆఫ్ అయిన కాసేపటికే విమానం కరేబియన్ సముద్రంలో కుప్పకూలింది. దీంతో 51 ఏళ్ల ఒలివర్తోపాటు ఆయన ఇద్దరు కుమార్తెలు మడిత (10), అన్నీక్ (12) అక్కడికక్కడే మరణించారు. ఈ ప్రమాదంలో పైలట్ కూడా మృతిచెందారు. సమాచారం అందుకున్న కోస్ట్ గార్డ్ సిబ్బంది మత్య్సకారులతో కలిసి వారి మృతదేహాలను వెలికితీశారు. ప్రమాదానికి గల కారణాలు వెంటనే తెలియరాలేదు. నటుడిని క్రిస్టియన్ క్లెప్సర్ అని కూడా పిలుస్తారు.
ఒలివర్ జర్మనీలో జన్మించాడు. వెండితెరపై ఎన్నో హిట్ చిత్రాల్లో నటించి మెప్పించాడు. స్పీడ్ రేసర్, 2008 స్పోర్ట్స్ యాక్షన్ కామెడీ ది గుడ్ జర్మన్ , స్టీవెన్ సోడర్‌బర్గ్ తెరకెక్కించిన 2006 ప్రపంచ యుద్ధం II సినిమాలతో గుర్తింపు తెచ్చుకున్నాడు. మొత్తం 60కి పైగా చిత్రాల్లో నటించాడు. అలాగే బుల్లితెరపై అనేక షోలలో పాల్గొన్నాడు. కెరీర్ ప్రారంభంలో “సేవ్డ్ బై ది బెల్: ది న్యూ క్లాస్” , మూవీ “ది బేబీ-సిట్టర్స్ క్లబ్” లో నటించాడు. అతను కోబ్రా 11 టెలివిజన్ సిరీస్‌లో కూడా కనిపించాడు .
View this post on Instagram
ఇటీవల న్యూయర్ సందర్భంగా బీచ్ ఫోటోను షేర్ చేస్తూ.. “2024కి చాలా ఉత్తమమైనది. అందరికీ కొత్త సంవత్సరం శుభాకాంక్షలు. ప్రేమను పంచండి. ఎక్కడో స్వర్గం శుభాకాంక్షలు. ప్రపంచానికి ప్రేమతో 2024లోకి అడుగుపెట్టాము” అంటూ రాసుకొచ్చాడు. కొత్త ఏడాది ప్రారంభమైన నాలుగు రోజుల్లోనే అనుకోని ప్రమాదంలో ఒలివర్ మృతిచెందడంతో అతడి ఫ్యాన్స్ దిగ్ర్భాంతి వ్యక్తం చేస్తున్నారు.
View this post on Instagram
మరిన్ని సినిమా వార్తల కోసం ఇక్కడ క్లిక్ చేయండి.
