నువ్వే నా క్యూటీ.. నువ్వే నా హాటీ

సోషల్ మీడియా వేదికగా మరోసారి తన భర్తపై ప్రేమను చాటింది బాలీవుడ్ బ్యూటీ దీపికా పదుకొనే. కొన్నేళ్లుగా బాలీవుడ్ నటుడు రణ్‌వీర్‌తో ప్రేమలో ఉన్న దీపికా.. గతేడాది అతడిని వివాహం చేసుకుంది. వివాహం తరువాత ఒకరి ఇష్టాలను మరొకరు గౌరవించుకంటూ వస్తోన్న ఈ జంట ప్రేమ విషయంలో ఏ మాత్రం వెనక్కి తగ్గడం లేదు. అవసరమైన ప్రతి చోట ఒకరిపై మరొకరి ప్రేమను వ్యక్తపరుస్తూనే ఉన్నారు. ఈ నేపథ్యంలో తాజాగా సోషల్ మీడియాలో తన భర్తపై హాట్ కామెంట్లు చేసింది దీపికా.

గ్రేజియా మ్యాగజైన్‌పై ఇటీవల రణ్‌వీర్ సింగ్ కవర్ ఫొటో రాగా.. దాన్ని అతడు సోషల్ మీడియాలో షేర్ చేసుకున్నాడు. వెంటనే ఆ ఫొటోకు స్పందించిన దీపికా.. ‘‘క్యూటీ నం.1, హాటీ నం.1, హజ్‌బ్యాండ్ నం.1’’ అంటూ కామెంట్ పెట్టింది. ఇక ఇదే ఫొటోకు ‘సింబా’ నటి సారా అలీ ఖాన్ స్పందిస్తూ.. ఫైర్ ఎమోజీలను పెట్టింది.