ఫన్ అండ్ ఫస్ట్రేషన్ హిందీలో..

వెంకటేష్, వరుణ్ తేజ్ ప్రధాన పాత్రలో నటించిన చిత్రం ‘ఎఫ్2’. ఈ సినిమా తెలుగు ప్రేక్షకులకు చక్కటి వినోదాన్ని పంచిపెట్టిన విషయం విదితమే. అనిల్ రావిపూడి తెరకెక్కించిన ఈ చిత్రం.. సంక్రాంతి సందర్భంగా విడుదలై.. మంచి విజయాన్ని సాధించింది. అయితే.. త్వరలోనే ఈ చిత్రం హిందీలో రిమేక్ కానుంది. ప్రముఖ నిర్మాత బోనీ కపూర్‌తో కలిసి దిల్‌రాజు ‘ఎఫ్2’ చిత్రాన్ని హిందీలో నిర్మించబోతున్నారు. హిందీలో దిల్ రాజు నిర్మిస్తున్న మొదటి చిత్రమిదే కావడం విశేషం. హిందీలో ఈ సినిమాకు అనీస్ బజ్మీ దర్శకత్వం వహించనున్నారు.