Salman Khan: హైదరాబాద్‌లో సల్మాన్ సినిమా షూటింగ్.. భద్రత మరింత కట్టుదిట్టం.. రక్షణగా ఎంతమంది ఉన్నారంటే?
బాలీవుడ్ నటుడు సల్మాన్ ఖాన్‌కు ఇటీవల బెదిరింపులు ఎక్కువయ్యాయి. ఈ నేపథ్యంలో అతని భద్రతను మరింత కట్టుదిట్టం చేశాఉ. సల్మాన్ ఖాన్ ప్రస్తుతం 'సికిందర్' సినిమా షూటింగ్‌లో పాల్గొంటున్నాడు. అతనికి రక్షణగా దాదాపు 70 మందిని కేటాయించారు. వీరు మొత్తం నాలుగు స్థాయిల్లో భద్రత కల్పిస్తారు. ఇక సల్మాన్ సెక్యూరిటీ విషయంలో చిత్ర బృందం కూడా చాలా జాగ్రత్తలు తీసుకుంటోంది.
Updated on: Nov 09, 2024 | 7:26 AM
కొద్ది రోజుల క్రితం సల్మాన్ ఖాన్ సన్నిహితుడు బాబా సిద్ధిఖీ హత్యకు గురయ్యాడు. ఆ తర్వాత సల్మాన్ ఖాన్‌కు కూడా చంపేస్తామని బెదిరింపులు వచ్చాయి. దీంతో సల్మాన్ ఖాన్ సన్నిహితులు, కుటుంబ సభ్యులు, అభిమానులు ఆందోళన చెందుతున్నారు. అలాగనీ ప్రాణహాని ఉందన్న కారణంతో సల్మాన్ ఖాన్ ఇంట్లో కూర్చోవడం లేదు. సినిమా, బిగ్ బాస్ షూటింగ్ లో పాల్గొంటున్నాడు. అయితే అతని భద్రతను మాత్రం మరింత పెంచారు. నివేదికల ప్రకారం, మొత్తం 70 మంది సల్మాన్ ఖాన్ ను కాపలా కాస్తున్నారు. సల్మాన్ ఖాన్ నటించిన ‘సికిందర్’ సినిమాలో రష్మిక మందన్న హీరోయిన్. ప్రముఖ దక్షిణాది దర్శకుడు మురుగదాస్‌ ఈ చిత్రాన్ని తెరకెక్కిస్తున్నారు. ప్రస్తుతం ఈ సినిమా షూటింగ్ హైదరాబాద్‌లో జరుగుతుంది. ఇందుకోస నగరంలో 2 సెట్లు ఏర్పాటు చేశారు. మిగిలిన షూటింగ్‌ని ఓ ప్రైవేట్ హోటల్‌లో చేయనున్నారు. ఈ ప్రదేశాలన్నింటికీ కట్టుదిట్టమైన భద్రత ఉంది. ప్రయివేట్ హోటల్‌లోని ఒక భాగంలో మాత్రమే షూటింగ్ జరుపుకోనుంది. అయితే సెక్యూరిటీ పరంగా హోటల్ మొత్తాన్ని సల్మాన్ ఖాన్ సెక్యూరిటీ టీమ్ ఆధీనంలోకి తీసుకుంది. హోటల్‌కి వచ్చే సందర్శకులందరినీ క్షుణ్ణంగా తనిఖీ చేస్తున్నారు. హోటల్ సెక్యూరిటీ సిబ్బంది తనిఖీ చేసిన తర్వాత రెండో దశలో సల్మాన్ ఖాన్ ప్రైవేట్ సెక్యూరిటీ టీమ్ కూడా తనిఖీలు నిర్వహించనుంది.
షూటింగ్ సమయంలో ఏదైనా ప్రమాదం జరిగితే అది ‘సికిందర్’ టీమ్‌కి చెడ్డ పేరు. అందుకే చిత్రబృందం మరింత జాగ్రత్తలు తీసుకుంటోంది. NSG కమాండోలు, పోలీసు అధికారులు, ప్రైవేట్ సెక్యూరిటీ సిబ్బంది సహా మొత్తం 70 మంది సల్మాన్ ఖాన్‌కు రక్షణగా నిలుస్తున్నారు. అలాగే సల్మాన్ ఖాన్ బాడీగార్డ్ షేరా కూడా బెస్ట్ బాడీగార్డ్స్ ని సెలెక్ట్ చేసి తన టీమ్ లో చేర్చుకున్నాడని తెలుస్తోంది.
హైదరాబాద్ లో సల్మాన్ మూవీ షూటింగ్..
Exclusive video from the set of #Sikandar #SalmanKhan @BeingSalmanKhan @iamRashmika @MsKajalAggarwal
— 𝐁𝐄𝐈𝐍𝐆 𝐓𝐈𝐆𝐄𝐑…🐅!!! (@Only4Salman27) November 4, 2024
సికిందర్ చిత్రాన్ని సాజిద్ నడియాడ్‌వాలా నిర్మిస్తున్నారు. ఈ సినిమాలో రష్మిక మందన్నతో పాటు కాజల్ అగర్వాల్ కూడా నటిస్తోంది. ఇటీవల విడుదలైన ‘సింగం ఎగైన్’ సినిమాలోనూ సల్మాన్ ఖాన్ అతిథి పాత్రలో నటించారు.
Raakhi ji ne sahi kaha tha film mein ki mere Karan Arjun aayenge … November 22 ko duniya bhar ke cinema gharon mein!@RakeshRoshan_N #RajeshRoshan @iamsrk @itsKajolD #MamtaKulkarni #Rakhee #AmrishPuri @tipsofficial @PenMovies #30yearsOfKaranArjun pic.twitter.com/dQl8cdBlt6
— Salman Khan (@BeingSalmanKhan) October 28, 2024
మరిన్ని సినిమా వార్తల కోసం ఇక్కడ క్లిక్ చేయండి.
