Abha Ranta: ఫోన్ చేసి రమ్మంటారు.. కానీ అడిషన్ కోసం కాదు.. హీరోయిన్ షాకింగ్ కామెంట్స్..

డైరెక్టర్ సంజయ్ లీలా భన్సాలీ తెరకెక్కించిన హీరామండి సిరీస్ విజయవంతంగా స్ట్రీమింగ్ అవుతుంది. ఈ సూపర్ హిట్ వెబ్ సిరీస్ ప్రముఖ ఓటీటీ ప్లాట్ ఫామ్ నెట్ ఫ్లిక్స్ లో అందుబాటులో ఉంది. మే 1 నుంచి ఈ సిరీస్ హిందీ, తెలుగు భాషల్లో స్ట్రీమింగ్ అవుతుండగా.. ఇప్పుడు నెట్టింట హీరామండి సిరీస్ గురించి చర్చ నడుస్తుంది. ఇందులో మనీషా కొయిరాలా, సోనాక్షి సిన్హా, అదితి రావు హైదరీ, రిచా చద్దా అద్భుతమైన నటనతో మెప్పించారు. ఒక్కొక్కరి నటనకు అడియన్స్ ఫిదా అయ్యారు. డైరెక్టర్ సంజయ్ లీలా భన్సాలీ ఈ సిరీస్ తెరకెక్కించిన విధానం సినీ ప్రియులను ఆశ్చర్యపరిచింది. ఇక ఇందులో మనీషా కొయిరాలా యుక్తవయసు అమ్మాయి పాత్రలో హిందీ నటి అభా రతా నటించింది. ఈ సిరీస్ లో అభా కనిపించింది తక్కువ సమయమే అయినా తనదైన నటనతో ఆకట్టుకుంది. ఇటీవల ఓ ఇంటర్వ్యూలో పాల్గొన్న అభా.. తనకు సినీ పరిశ్రమలో ఎదురైన పరిస్థితుల గురించి చెప్పుకొచ్చింది.

కెరీర్ తొలినాళ్లలో కొందరు పరొక్షంగా ఇబ్బందులకు గురిచేశారని తెలిపింది. కొందరు ఫోన్ చేసి మీటింగ్ ఉంది రమ్మని చెప్పేవారని.. కానీ అది అడిషన్ కాదని ముందే చెప్పేవారని తెలిపింది. అప్పట్లో ఆ ఫోన్ కాల్స్ గురించి అంతగా అర్థమయ్యేది కాదని.. ఫోన్ చేసి మీటింగ్ రమ్మంటారు.. కానీ అడిషన్ కాదంటున్నారేంటీ అంటూ సందీగ్దంలో పడిపోయేదాన్ని. ఎందుకో అక్కడికి వెళ్లాలనిపించేది కాదు. అందుకు ధైర్యం కూడా రాలేదు. కానీ ఎప్పుడు తనను నేరుగా ఎవరు సంప్రదించలేదని.. నేరుగా అలాంటి పరిస్థితులు ఎదురుకాలేదని తెలిపింది. కేవలం నటన గురించి మాత్రమే సలహాలు ఇచ్చేవారని చెప్పుకొచ్చింది. కేవలం అడిషన్లకు వెళ్లి.. ఆ తర్వాత కాల్స్ కోసం ఎదురుచూసినట్లు తెలిపింది అభా.

అభా సోదరి ప్రతిభా రంతా కూడా హీరామండి సిరీస్ లో నటించింది. అలాగే ఇటీవల సూపర్ హిట్ అయిన లాపాట లేడీస్ చిత్రంలోనూ అభా సోదరి నటించింది. సంజయ్ లీల భన్సాలీ తెరకెక్కించిన ఈ హీరామండి సిరీస్ పై విమర్శకుల ప్రశంసలు వస్తున్నాయి.

View this post on Instagram

A post shared by Abha Ranta (@abharanta_)

మరిన్ని సినిమా వార్తల కోసం ఇక్కడ క్లిక్ చేయండి.