Neha Marda: పెళ్లయిన పదేళ్లకు ప్రెగ్నెన్సీ.. సంతోషంలో మునిగితేలుతోన్న చిన్నారి పెళ్లికూతురు నటి

చిన్నారి పెళ్లికూతురు సీరియల్ చూసిన వారికి గెహ్నా పాత్ర తప్పక గుర్తుండిపోతుంది. దాదీ సా పెద్ద కోడలి పాత్రలో నటించి అందరి మన్ననలు అందుకుంది నేహా మర్దా. తన అద్భుతమైన నటనతో అందరి మనసుల్లో నిలిచిపోయింది నేహా.

Neha Marda

Basha Shek |

Updated on: Nov 25, 2022 | 9:27 AM

బాలికా వధు (తెలుగులో చిన్నారి పెళ్లి కూతురు).. బుల్లితెరపై ఈ సీరియల్‌కు ఉన్న పాపులారిటీ అంతా ఇంతా కాదు. బాల్య వివాహాలకు వ్యతిరేకంగా తెరకెక్కించిన ఈ ధారావాహిక బుల్లితెర ప్రేక్షకులను బాగా ఆకట్టుకుంది. సీరియల్‌తో పాటు ఇందులో నటించిన తారలు కూడా బోలెడు క్రేజ్‌ సొంతం చేసుకున్నారు. చిన్నారి పెళ్లికూతురు సీరియల్ చూసిన వారికి గెహ్నా పాత్ర తప్పక గుర్తుండిపోతుంది. దాదీ సా పెద్ద కోడలి పాత్రలో నటించి అందరి మన్ననలు అందుకుంది నేహా మర్దా. తన అద్భుతమైన నటనతో అందరి మనసుల్లో నిలిచిపోయింది నేహా. ఇదిలా అదిరిపోయే శుభవార్త చెప్పిందీ అందాల తార. తాను తల్లికాబోతున్నట్లు సోషల్‌ మీడియా వేదికగా ప్రకటించి తన సంతోషాన్ని ఫ్యాన్స్‌తోనూ షేర్‌ చేసుకుంది. ఈ సందర్భంగా నేహా తన భర్తతో ఉన్న ఫొటోను షేర్‌ చేసింది. ఇందులో ఆమె బేబీ బంప్ స్పష్టంగా కనిపిస్తుంది. ప్రస్తుతం ఈ ఫొటో నెట్టింట్లో వైరల్‌గా మారింది. బాలీవుడ్ కు చెందిన బుల్లితెర ప్రముఖులు, అభిమానులు, నెటిజన్లు నేహా దంపతులకు అభినందనలు తెలుపుతున్నారు.

చిన్నారి పెళ్లి కూతురు సీరియల్‌తో పాటు పలు టీవీ షో, డాన్స్‌లో షోలో పాల్గొంది నేహా. బుల్లితెర జీవితంలో బిజీగా ఉండగానే 2012లో ఆయూష్మాన్‌ అగర్వాల్‌తో కలిసి వైవాహిక బంధంలోకి అడుగుపెట్టింది. ఈనేపథ్యంలో పదేళ్ల సుదీర్ఘ నిరీక్షణ తర్వాత ఆమె తల్లిగా ప్రమోషన్‌ పొందనున్నారు. కాగా 2023లో బేబీ తమ జీవితాల్లోకి రాబోతున్నట్లు పేర్కొంది నేహా. ఈ సందర్భంగా నువ్వునేను ఫేం అనితా హస్సానందిని, రష్మీ దేశాయ్‌, చాందినీ లాంటి బుల్లితెర సెలబ్రిటీలు నేహా దంపతులకు అభినందనలు తెలిపారు.

ఇవి కూడా చదవండి