రిలీజ్కి సిద్ధమైన జీవా ‘కీ’
కోడంబాక్కం: “రంగం” సినిమాతో తెలుగులో బ్లాక్ బాస్టర్ విజయం అందుకోవడమే కాకుండా ఆడియెన్స్కు కూడా చేరువయ్యాడు హీరో జీవా. కాని ఈ హీరో నటించిన చిత్రాలన్నీ ఇటీవల కమర్షియల్గా గుర్తింపు తెచ్చుకోలేకపోయాయి. అయినప్పటికి కసిగా ప్రయత్నాలు చేస్తూ ఓ మంచి బ్రేక్ కోసం ఎదురుచూస్తున్నాడు. కాళీస్ దర్శకత్వంలో జీవా నటించిన సైంటిఫిక్ థ్రిల్లర్ చిత్రం ‘కీ’ ఇప్పుడు విడుదలకు సిద్ధమవుతోంది. గ్లోబల్ ఇన్ఫోటైన్మెంట్ బ్యానరుపై మేఖెల్ రాయప్పన్ ఈ చిత్రాన్ని నిర్మిస్తున్నారు. జీవాకు జోడీగా నిక్కీ గల్రాణి […]
కోడంబాక్కం: “రంగం” సినిమాతో తెలుగులో బ్లాక్ బాస్టర్ విజయం అందుకోవడమే కాకుండా ఆడియెన్స్కు కూడా చేరువయ్యాడు హీరో జీవా. కాని ఈ హీరో నటించిన చిత్రాలన్నీ ఇటీవల కమర్షియల్గా గుర్తింపు తెచ్చుకోలేకపోయాయి. అయినప్పటికి కసిగా ప్రయత్నాలు చేస్తూ ఓ మంచి బ్రేక్ కోసం ఎదురుచూస్తున్నాడు. కాళీస్ దర్శకత్వంలో జీవా నటించిన సైంటిఫిక్ థ్రిల్లర్ చిత్రం ‘కీ’ ఇప్పుడు విడుదలకు సిద్ధమవుతోంది. గ్లోబల్ ఇన్ఫోటైన్మెంట్ బ్యానరుపై మేఖెల్ రాయప్పన్ ఈ చిత్రాన్ని నిర్మిస్తున్నారు. జీవాకు జోడీగా నిక్కీ గల్రాణి హీరోయిన్గా నటించింది. కొన్ని నెలల క్రితమే ఈ సినిమా చిత్రీకరణ పూర్తయింది. పోస్ట్ ప్రొడక్షన్ వర్క్స్తో సెన్సార్కు కూడా కంప్లీట్ చేసుకున్న ఈ మూవీకి ‘యూ’ సర్టిఫికెట్ వచ్చింది.
అయితే కొన్ని కారణాలతో సినిమాను విడుదల చేయలేదు. ఈ నేపథ్యంలో ఆశించిన స్థాయిలో థియేటర్లు లభించినందున ఏప్రిల్ 12న చిత్రాన్ని విడుదల చేయనున్నట్లు చిత్ర వర్గాలు అధికారికంగా ప్రకటించాయి. విశాల్ చంద్రశేఖర్ సంగీతం ఈ మూవీకి అభినందన్ రామానుజం సినిమాటోగ్రాఫర్గా వ్యవహరించారు. ఈ సినిమా తర్వాత జీవా నటించిన ‘జిప్సి’, ‘గొరిల్లా’ చిత్రాలు విడుదల కానున్నాయి. మొత్తానికి ఈ సంవత్సరంలో ఏకంగా మూడు సినిమాలతో జీవా వెండితెరపై సందడి చేసే అవకాశాలు కన్పిస్తున్నాయి