Pawan Kalyan Movie Update: పవన్ సినిమాలో ఛాన్స్ కొట్టేసిన రంగమ్మత్త.. స్పెషల్ సాంగ్‏లో మెరవనున్న ముద్దుగుమ్మ ?

పవర్ స్టార్ పవన్ కళ్యాణ్, డైరెక్టర్ క్రిష్ జాగర్లమూడి కాంబినేషన్లో ఓ సినిమా రాబోతున్న విషయం తెలిసిందే. ఇటీవలే ఈ మూవీ రెగ్యులర్ షూటింగ్ ప్రారంభమైంది. వకీల్ సాబ్ సినిమా చిత్రీకరణ పూర్తికాగానే పవన్.. క్రిష్ సినిమాలో షూటింగ్‏లో బిజీగా మారిపోయారు. మెగా సూర్య ప్రొడక్షన్స్ బ్యానర్ పై స్టార్ ప్రొడ్యూసర్ ఏంఎం రత్నం ఈ సినిమాను నిర్మిస్తున్నారు.

ఇక ఈ సినిమాలో పవన్ సరసన బాలీవుడ్ హీరోయిన జాక్వెలిన్ ఫెర్నాండెజ్ నటిస్తుండగా.. అర్జున్ రాంసల్ విలణ్గా ఓ కీలక పాత్రలో నటిస్తున్నారు. తాజా సమాచారం ప్రకారం ఈ మూవీలో ప్రముఖ యాంకర్ అనసూయ కూడా నటించనుందట. ఇందులోని ఓ స్పెషల్ సాంగ్‏లో అనసూయ కనిపించనున్నట్లుగా టాక్. అయితే గతంలో అత్తారింటికి దారేది సినిమాలోని ‘ఓరి దేవుడో దేవుడో ఏం పిల్లగాడే’ పాటలో నటించడానికి అనసూయకు అవకాశం వచ్చిందట. కానీ కొన్ని కారణాల వల్ల ఆ అవకాశాన్ని వదులుకున్నారట అనసూయ. ఇక మళ్ళీ పవన్ సినిమాలో నటించే అవకాశం రావడంతో అనసూయ ఓకే చెప్పినట్లుగా తెలుస్తోంది. రామ్ చరణ్ నటించిన రంగస్థలం సినిమాలో రంగమ్మాత్తగా నటించింది అనసూయ. ఇక ప్రస్తుతం వరుస సినిమాల్లో నటిస్తు బిజీగా ఉంది ఈ ముద్దుగుమ్మ.

Also Read:

Director Trivikram: పవన్ కోసం రంగంలోకి త్రివిక్రమ్.. ఆ సినిమాకు మాట సాయం చేయనున్న డైరెక్టర్..

Zombie Reddy Movie: జాంబీ రెడ్డి సినిమా నుంచి ‘గో కరోనా’ సాంగ్ రిలీజ్.. ఇంట్లోనే ఉండమంటే ఊరుకుంటమా అంటూ..