Tollywood : స్టార్ హీరోలకు ధీటుగా విలనిజం.. అంత పర్సనాలిటీ ఉన్న రామిరెడ్డి ఎలా చనిపోయారంటే..

టాలీవుడ్ ఇండస్ట్రీలో ఒకప్పుడు పాపులర్ విలన్ అంటే ఠక్కున గుర్తొచ్చే పేరు రామిరెడ్డి. అప్పట్లోనే స్టార్ హీరోలకు ధీటుగా విలనిజంతో రఫ్పాడించారు. అయితే వరుస సినిమాలు చేస్తూ నటుడిగా బిజీగా ఉన్న సమయంలోనే రామిరెడ్డి అనారోగ్యంతో మరణించారు. ఇటీవల నటుడు కోట శంకర్ రావు ఓ ఇంటర్వ్యూలో రామిరెడ్డి గురించి ప్రస్తావించారు.

Rami Reddy

Rajitha Chanti |
Updated on: Sep 24, 2026 | 1:19 PM

టాలీవుడ్ సీనియర్ నటుడు కోట శంకర్ రావు ఓ ఇంటర్వ్యూలో తన సినీ, టీవీ రంగాల అనుభవాలను, తన సహనటులతో ఉన్న స్నేహబంధాలను పంచుకున్నారు. ముఖ్యంగా విలన్ రామి రెడ్డితో తన అనుబంధం, సినీ పరిశ్రమలో వచ్చిన మార్పులపై ఆయన వివరణాత్మకంగా మాట్లాడారు. దూరదర్శన్ కాలంలో టీవీ సీరియల్స్ నిర్మాణం నెమ్మదిగా సాగేదని, రోజుకు రెండు మూడు ఎపిసోడ్‌లు మాత్రమే తీసేవారని, అప్పుడు రెమ్యూనరేషన్ వెయ్యి, రెండు వేల రూపాయలు మాత్రమే ఉండేదని ఆయన గుర్తు చేసుకున్నారు. ఆ రోజుల్లో అది మంచి మొత్తంగా భావించేవారని తెలిపారు. దూరదర్శన్ ఉన్నంత కాలం టీవీ నటులకు అంతగా గుర్తింపు లభించేది కాదని, హైదరాబాదు లోకల్ షోలలో నటించినా ప్రజలు అంత త్వరగా గుర్తుపట్టేవారు కాదని ఆయన పేర్కొన్నారు.

ఎక్కువ మంది చదివినవి : Cinema : వెంకటేశ్ హీరోగా లవ్ స్టోరీ.. తమిళంలో బ్లాక్ బస్టర్ హిట్.. తెలుగులో పెద్ద డిజాస్టర్..

విలన్ నటులైన రామి రెడ్డి, శ్రీహరి, జయప్రకాష్ రెడ్డి వంటి వారితో తనకున్న స్నేహాన్ని కోట శంకర్ రావు గారు నెమరువేసుకున్నారు. రామి రెడ్డిది విలక్షణమైన శైలి అని, ఆయన ఒక “జమత్ జాతి” అని అన్నారు. మోహన్ బాబు నటించిన “అడవిలో అన్న” సినిమాలో రామి రెడ్డితో కలిసి బ్రదర్స్‌గా నటించిన విషయాన్ని గుర్తు చేసుకున్నారు. రామి రెడ్డి, శ్రీహరి, బర్నీ, ఎల్.వి. శ్రీరాము, రైటర్ దివాకర్ బాబు వంటి వారంతా తమ ఏజ్ గ్రూప్ వారని, మంచి స్నేహితులని తెలిపారు.

ఎక్కువ మంది చదివినవి : Folk Song: అబ్బబ్బ ఏమున్నది పాట.. డీజేలో మోత మోగిపోతుందిగా.. వింటే స్టెప్పేయాల్సిందే..

రామి రెడ్డి మరణం క్యాన్సర్‌తో జరిగిందని విన్నానని, మంచి ఆరోగ్యవంతుడైన శ్రీహరి మరణం మాత్రం తమతో పాటు అందరికీ షాకింగ్ న్యూస్ అని ఆయన ఆవేదన వ్యక్తం చేశారు. గతంలో గోపాల రావు వంటి వారు తోటి నటులు కష్టాల్లో ఉంటే ఆర్థికంగా సహాయం చేసేవారని, మంచి సలహాలు ఇచ్చేవారని తెలిపారు. ఇప్పుడు అలాంటి సామూహిక భావన తగ్గిపోయిందని, కారవాన్ కల్చర్ వచ్చిన తర్వాత అంతా ఎవరికి వారే అన్నట్లుగా ఉంటుందని చెప్పారు. పాత రోజుల్లో అందరూ కలిసి కూర్చుని, పేకాట ఆడుకుంటూ, కబుర్లు చెప్పుకునే వారని, అలాంటి సంస్కృతి ఇప్పుడు లేదని ఆయన విచారం వ్యక్తం చేశారు.

ఎక్కువ మంది చదివినవి : Udaya Bhanu: పస్తులు ఉండి ఇతరులకు అన్నం పెట్టిన గొప్ప వ్యక్తి ఆయన.. చివరకు అలాంటి పరిస్థితుల్లో.. ఉదయభాను ఎమోషనల్..