Karthikeya 2: అక్కినేని హీరో కోసం వెనక్కి తగ్గుతోన్న నిఖిల్‌..? కార్తికేయ2 విడుదల వాయిదా తప్పదా..
Karthikeya 2: నిఖిల్‌ (Nikhil) హీరోగా చందు మొండేటి దర్శకత్వంలో కార్తికేయ 2 సినిమా తెరకెక్కిన విషయం తెలిసిందే. 2014లో వచ్చిన 'కార్తికేయ' చిత్రానికి సీక్వెల్‌గా ఈ సినిమా తెరకెక్కించారు...
Updated on: Jul 04, 2022 | 4:23 PM
Karthikeya 2: నిఖిల్‌ (Nikhil) హీరోగా చందు మొండేటి దర్శకత్వంలో కార్తికేయ 2 సినిమా తెరకెక్కిన విషయం తెలిసిందే. 2014లో వచ్చిన ‘కార్తికేయ’ చిత్రానికి సీక్వెల్‌గా ఈ సినిమా తెరకెక్కించారు. అనుపమ పరమేశ్వరన్‌ హీరోయిన్‌గా తెరకెక్కుతోన్న ఈ సినిమాను ద్వారకా నగరంపై జరిగే అన్వేషణ నేపథ్యంలో తెరకెక్కించారు. ఈ సినిమాను జూలై 22న విడుదల చేయనున్నట్లు చిత్ర యూనిట్ ప్రకటించిన విషయం తెలిసిందే. ప్రమోషన్స్‌ కూడా మొదలు పెట్టేశారు.
అయితే తాజాగా ఈ సినిమా వాయిదా పడనుందని తెలుస్తోంది. నాగ చైతన్య హీరోగా తెరకెక్కిన ‘థాంక్యూ’ సినిమా విడుదల కానుంది. ఈ నేపథ్యంలో కార్తికేయ 2 వాయిదా పడనుందని సమాచారం. థ్యాంక్యూ సినిమా ప్రొడ్యుసర్‌ దిల్‌ రాజు చిత్రాన్ని సోలోగో తీసుకొచ్చే ప్రయత్నాలు చేస్తున్నారని, ఇందులో భాగంగానే కార్తికేయ టీమ్‌తో సంప్రదింపులు కూడా జరిపారని సమాచారం.
ఒక వేళ ఈ ప్రపోజల్‌కు చిత్ర యూనిట్ ఒకే అంటే కార్తికేయ 2 ఆగస్టుకు వాయిదా పడనుందని తెలుస్తోంది. ఈ విషయమై చిత్ర యూనిట్ త్వరలోనే అధికారిక ప్రకటన చేయనున్నట్లు సమాచారం. మరి కార్తికేయ 2 వాయిదాపై క్లారిటీ రావాలంటే అధికారిక ప్రకటన వచ్చే వరకు వేచి డాల్సిందే. ఇదిలా ఉంటే కార్తికేయ 2 చిత్రాన్ని పీపుల్స్ మీడియా ఫ్యాక్టరీ బ్యానర్ పై నిర్మిస్తున్నారు. తెలుగుతో పాటు, తమిళ, కన్నడ, మలయాళ, హిందీ భాషల్లో ఏక కాలంలో విడుదల చేయనున్నారు. ఇందుకు అనుగుణంగానే చిత్ర యూనిట్ బాలీవుడ్ నటుడు అనుపమ్ ఖేర్ ను ఈ సినిమాలో కీలక పోత్రలో తీసుకున్నారు.
మరిన్ని సినిమా వార్తల కోసం క్లిక్ చేయండి…
