Road Accident: యూపీలో ఘోర రోడ్డు ప్రమాదం.. ఆర్టీసీ బస్సు బోలెరో ఢీ.. ఆరుగురు మృతి.. 10మందికి సీరియస్

Road Accident: ఉత్తరప్రదేశ్‌(Uttar Pradesh)లోని డియోరియాలో ఘోర రోడ్డు ప్రమాదం జరిగింది. వేగంగా వచ్చిన బొలెరో యూపీ రోడ్‌వేస్‌కు చెందిన కాంట్రాక్ట్ బస్సును బలంగా ఢీకొట్టింది.ఈ రోడ్డు ప్రమాదంలో ఆరుగురు అక్కడికక్కడే మృతి చెందగా, 10 మందికి పైగా తీవ్రంగా గాయపడ్డారు. రెండు బోల్తా పడటంతో ఇందులో చాలా మంది చిక్కుకున్నారు. ప్రస్తుతం జిల్లా ఆస్పత్రిలో క్షతగాత్రులకు చికిత్స కొనసాగుతోంది. అదే సమయంలో, డిఐజి, డిఎంతో సహా పలువురు అధికారులు ఆసుపత్రిని పరిశీలించారు.

స్థానిక పోలీసుల సమాచారం ప్రకారం, ఖుషీనగర్‌లోని కోహ్రా గ్రామాని చెందిన ప్రయాణికలు బోలెరో తిలక్ కార్యక్రమానికి హాజరైన తర్వాత డియోరియాకు తిరిగి వస్తున్నారు. డియోరియాలోని గౌరీబజార్ పోలీస్ స్టేషన్ పరిధిలోని పనాహా గ్రామ సమీపంలో ఈ ఘోర ప్రమాదం జరిగింది. బస్సు గోరఖ్‌పూర్ నుంచి ప్రయాణికులను తీసుకువస్తోంది. ఈ దుర్ఘటన తర్వాత ఒక్కసారిగా కలకలం రేగింది. అదే సమయంలో ీ సంఘటన గురించి సమాచారం అందుకున్న పోలీసులు, జిల్లా యంత్రాంగం సంఘటనా స్థలానికి చేరుకున్నారు. జిల్లా యంత్రాంగం గ్యాస్ కట్టర్ యంత్రాల సహాయంతో బొలెరో బస్సును కత్తిరించి ప్రయాణికులను బయటకు తీసుకువచ్చారు. కాగా, మృతుల్లో ఐదుగురు బొలెరో ప్రయాణికులు కాగా, ఒక బస్సు ప్రయాణీకుడు ఉన్నారు. మృతదేహాలను పోలీసులు స్వాధీనం చేసుకుని పోస్టుమార్టంకు తరలించారు. అదే సమయంలో ఈ ప్రమాదంలో మృతుల సంఖ్య మరింతగా పెరిగే అవకాశం ఉందని పోలీసులు తెలిపారు.

బొలెరో యుపి రోడ్‌వేలు ఢీకొన్న ప్రమాదం గురించి సమాచారం అందుకున్న డిఐజి మరియు డిఎంతో సహా పలువురు అధికారులు ఆసుపత్రికి చేరుకున్నారు. డిఐజి డాక్టర్ శ్రీపతి మిశ్రా, డిఎం జితేంద్ర ప్రతాప్ సింగ్, సిఎంఓ డాక్టర్ అలోక్ కుమార్ పాండేతో సహా పలువురు ఉన్నతాధికారులు జిల్లా ఆసుపత్రికి చేరుకున్నారు. ఈ సందర్భంగా క్షతగాత్రుల పరిస్థితిని పరిశీలించడంతో పాటు మెరుగైన వైద్యం అందించేందుకు అధికారులు చర్యలు చేపట్టారు. ఇదొక్కటే కాదు, పలువురు వైద్యులు మరియు వైద్య కళాశాల నిర్వాహకులు కూడా ఆసుపత్రికి చేరుకున్నారు.

యూపీలోని డియోరియాలో జరిగిన రోడ్డు ప్రమాదంలో ప్రాణాలు కోల్పోయిన వారి పట్ల సీఎం యోగి ఆదిత్యనాథ్ తీవ్ర సంతాపం వ్యక్తం చేశారు. దీంతో పాటు ప్రమాదంలో గాయపడిన వారికి సరైన వైద్యం అందించాలని జిల్లా యంత్రాంగాన్ని ఆదేశించారు. అలాగే, మృతుల కుటుంబాలకు సీఎం ప్రగాఢ సానుభూతి తెలిపారు. వారి కుటుంబాలను అన్ని విధాలు ఆదుకుంటామన్నారు.

Read Also…  Ghost Messages: దెయ్యం నా ఫోన్‌ నుంచి మెసేజ్‌లు పంపుతోంది.. భయంగా ఉంది.! ఇదిగో ప్రూఫ్..