Hyderabad: రమ్మంటూ వేధిస్తున్నాడు.. ఓ పార్టీ నాయకుడిపై మహిళ సంచలన ఆరోపణలు..

Kukatpally: హైదరాబాద్‌లోని ఓ పార్టీకి చెందిన నాయకుడు తనను వేధింపులకు గురిచేస్తున్నాడంటూ ఓ మహిళ పోలీసు స్టేషన్ మెట్లెక్కింది.  ఓ ఎమ్మెల్యే అనుచరుడి లైంగిక వేధింపులతో తాను మానసిక వేదనకు గురవుతున్నానని.. న్యాయం చేయకపోతే ఆత్మహత్య చేసుకుంటానంటూ సోమవారం (Hyderabad) సైబరాబాద్ సీపీ కార్యాలయంలో బాధిత మహిళ ఫిర్యాదు చేసింది. బాధితురాలు తెలిపిన వివరాల ప్రకారం.. కూకట్ పల్లి నియోజకవర్గ పరిధిలో నివసించే బాధితురాలు గతంలో వసంతనగర్‌లో ఉంటూ బోటిక్ నడిపేది. ఆమె ఇంటిపక్కనే ఉన్నవారు ఓ భవన నిర్మాణం చేపట్టిన క్రమంలో ఇంటి గేట్ ముందు కార్లు నిలపడం, బిల్డింగ్ సామగ్రి ఉంచడంతో ఇబ్బందులు ఎదురవుతున్నాయని తొలగించాలంటూ సూచించింది. దీంతో ఓ పార్టీకి కో ఆర్డినేటర్ గా ఉన్న  నాయకుడి డ్రైవర్ తనను నోటికి వచ్చిన విధంగా బూతులు తిట్టాడని మహిళ ఫిర్యాదులో పేర్కొంది.

అనంతరం పార్టీకి కూకట్‌పల్లి కో ఆర్డినేటర్ ఉన్న వ్యక్తి  తనను లైంగిక వేధింపులకు గురిచేశాడని పేర్కొంది. తాను ఎక్కడికి వెళితే అక్కడ మనుషులను పెట్టించి తిట్టిస్తున్నాడండటూ తెలిపింది. వ్యక్తిగతంగా టార్గెట్ చేసి ఇబ్బందులు పెడుతున్నాడని.. పోలీసులతో, థర్డ్ జెండర్స్ తో కూడా బెదిరింపులకు గురిచేసినట్లు తెలిపింది. తనతో గడపాలంటూ వేధిస్తున్నాడంటూ ఆరోపించింది. ఎస్సై సైతం అవమానకరంగా మాట్లాడారని, కేసులు పెడతామంటూ బెదిరించారని పేర్కొంది. తన ఫోన్ తీసుకుని రెండు రోజుల వరకు ఇవ్వలేదని ఆరోపించింది. అతని నుంచి  తనకు ప్రాణహాని ఉందని, తనను, తమ కుటుంబాన్ని రక్షించాలంటూ మహిళ ఫిర్యాదులో పేర్కొంది.

Also Read:

Viral Video: అచ్చం మనుషుల్లానే..! పొట్టు పొట్టుగా కొట్టుకున్న ఎలుకలు.. వీడియో చూస్తే బిత్తరపోవాల్సిందే

Viral Video: భార్యాభర్తల పంచాయితీ..! మంచం మీద సీన్ మామూలుగా లేదుగా.. వీడియో వైరల్