మీరట్‌లో టెర్రర్ ఆపరేషన్.. ఖలిస్థాన్‌ ఉగ్రవాది అరెస్ట్..

యూపీలో యాంటీ టెర్రరిస్ట్‌ స్క్వాడ్‌ వాంటెడ్‌ ఉగ్రవాది కోసం ఆపరేషన్ చేపట్టింది. మీరట్‌లో పంజాబ్‌ పోలీసులతో కలిపి.. యూపీకి చెందిన ఏటీఎస్ పోలీసులు దాడులు జరిపారు. ఈ ఘటనలో ఖలిస్థాన్‌ మూమెంట్‌కు సంబంధించి లింకులు ఉన్న మోస్ట్‌ వాంటెడ్‌ ఉగ్రవాది తీరత్‌ సింగ్‌ను అరెస్ట్ చేశారు. ఇతను ఖలిస్థాన్ మూమెంట్‌కు సంబంధించి సోషల్ మీడియా వేదికగా ప్రచారం చేసినట్లు ఆరోపణలు కూడా ఉన్నాయి. ఈ విషయాన్ని యూపీ పోలీసులు వెల్లడించారు. ఘటనపై కేసు నమోదు చేసి.. దర్యాప్తు చేపడుతున్నామని అధికారులు తెలిపారు. కాగా, గతంలో మీరట్లో ఉగ్రకదలికలు కూడా ఉన్నాయి. ఈ ప్రాంతంలో పాక్ ప్రేరేపిత ఉగ్రవాదుల కోసం గతంలో అనేక సార్లు ఎన్ఐఏ దాడులు జరిపింది. ఐఎస్ మాడ్యుల్స్ కూడా ఈ ప్రాంతంలో ఉన్నట్లు ఆరోపణలు వచ్చాయి. తాజాగా.. ఖలిస్థాన్ కు సంబంధించిన లింకులు కూడా ఇక్కడే బయటపడటంతో కలకలం రేపుతోంది.