Drug Confiscation: మణిపుర్‌లో మాదకద్రవ్యాల పట్టివేత.. ముగ్గురు అరెస్ట్.. సరుకు విలువ తెలిస్తే షాకవుతారు..

Drug Confiscation: మణిపుర్‌లో రూ.14కోట్ల విలువైన మాదకద్రవ్యాలు పట్టుబడ్డాయి. 1.4 లక్షల నిషేధిత డబ్ల్యూవై మాత్రలను స్వాధీనం చేసుకున్నట్లు పోలీసులు తెలిపారు.

  • uppula Raju
  • Publish Date - 12:10 am, Tue, 23 February 21
Drug Confiscation: మణిపుర్‌లో మాదకద్రవ్యాల పట్టివేత.. ముగ్గురు అరెస్ట్.. సరుకు విలువ తెలిస్తే షాకవుతారు..

Drug Confiscation: మణిపుర్‌లో రూ.14కోట్ల విలువైన మాదకద్రవ్యాలు పట్టుబడ్డాయి. 1.4 లక్షల నిషేధిత డబ్ల్యూవై మాత్రలను స్వాధీనం చేసుకున్నట్లు పోలీసులు తెలిపారు. ముగ్గురు వ్యక్తులను అరెస్టు చేసినట్లు వెల్లడించారు. మణిపుర్​ ఇంఫాల్​ వెస్ట్​ జిల్లాలోని అంతర్జాతీయ మార్కెట్​లో మాదక ద్రవ్యాలు సరఫరా చేస్తున్న ముగ్గురు వ్యక్తులను అరెస్టు చేశారు పోలీసులు. వారి నుంచి రూ.14 కోట్ల విలువైన డ్రగ్స్​ను స్వాధీనం చేసుకున్నట్లు తెలిపారు.

జిల్లాలో మాదకద్రవ్యాల అక్రమ రవాణా జరుగుతుందనే పక్కా సమాచారంతో కంగ్లాటోంగ్బి-శాంతిపుర్​ ప్రాంతానికి సమీపంలో పోలీసు బృందాలు తనిఖీలు నిర్వహించాయి. ఈ నేపథ్యంలో డ్రగ్స్​ తరలిస్తున్న రెండు ట్రక్కులను అడ్డుకుని.. వాటి నుంచి 1.4 లక్షల నిషేధిత డబ్ల్యూవై మాత్రలను స్వాధీనం చేసుకున్నాయి. ఈ విషయమై నిందితుల్ని విచారించగా.. అసోం గువహటిలోని ఓ ఏజెంటుకు ఆ డ్రగ్స్​ను తరలిస్తున్నట్లు చెప్పారని అధికారులు పేర్కొన్నారు.

AP SEC Orders : మార్చి10ని సెలవుదినంగా ప్రకటించాలి..! కలెక్టర్లకు ఆదేశాలు జారీ చేసిన ఏపీ ఎస్‌ఈసీ