రానా పెళ్లి ప్లాన్ ఇదే.. అదిరింది గురూ

దుగ్గుబాటి కుటుంబంలో పెళ్లి సందడి మొదలైంది. రానా ఆగస్టు 8న మిహీకా బజాజ్ మెడలో మూడు ముళ్లు వేయబోతున్నారు. వీరి వివాహం హైదరాబాద్‌లోనే జరిపేందుకు దగ్గుబాటి, బజాజ్ కుటుంబాలు ఏర్పాట్లు చేస్తున్నాయి. పెళ్లి వేడుకల్ని మూడు రోజులపాటు నిర్వహించేందుకు ప్లాన్ చేస్తున్నారు. పెళ్లికి రెండు రోజుల ముందు ఆగస్టు 6, 7 తేదీల్లో వేడుకలు జరగబోతున్నాయి. అతి కొద్దిమంది స్నేహితులు, బంధువులు, సన్నిహితుల సమక్షంలో రానా మిహికాల పెళ్లి జరగనుంది. పెళ్లికి సంబంధించిన అన్ని కార్యక్రమాలు ప్రభుత్వ నియమ నిబంధనలకు లోబడే జరగనున్నాయి. పెళ్లిని తెలుగు, మార్వాడీ సంప్రదాయాల ప్రకారం ఈ వేడుకల్ని నిర్వహిస్తారు. అగస్టు నాటికి దేశంలో కరోనా వ్యాప్తి తగ్గితే… వివాహ వేడుకల్లో మార్పులు చేద్దామనే ఆలోచనలో ఉన్నారు వధూవరుల కుటుంబాలు.

ముహూర్తం నాటికి పరిస్థితుల్నిబట్టి వేడుకకి హాజరయ్యే అతిథుల సంఖ్య ఉండనుంది. రానాకి కాబోయే భార్య మిహీకా వెడ్డింగ్‌ ప్లానర్‌. ఆమె ఆలోచనలకు అనుగుణంగా, స్పెషల్  థీమ్‌తో పెళ్లి వేడుకలు జరగబోతున్నాయట. మంచి స్నేహితులుగా ఉంటూ మనసులు ఇచ్చి పుచ్చుకున్న రానా, మిహీకా జంట తమ ప్రేమ విషయాన్ని పెద్దలకి చెప్పి ఒప్పించారు. ఇటీవలే ఇరు కుటుంబాల సమక్షంలో “రోకా” వేడుక జరిగింది. కానీ కరోనా నేపథ్యంలో రాబోయే రోజుల్లో పెళ్లికి సంబంధించి ప్రభుత్వ నియమాలు ఎలా ఉంటాయో తెలియదు. అందుకే మా ప్రయత్నంలో భాగంగా మేం ప్లాన్‌ ఎ, ప్లాన్‌ బి, ప్లాన్‌ సీలను సిద్ధం చేసుకున్నామని మిహికా బజాజ్‌ తల్లి బంటీ బజాజ్‌ వెల్లడించారు.