నిమ్మకూరులో ఎమ్మెల్యే బాలకృష్ణ సందడి

హిందూపురం ఎమ్మెల్యే బాలకృష్ణ తన స్వగ్రామం నిమ్మకూరులో పర్యటిస్తున్నారు. నిమ్మకూరులోని తన బంధువులను కలవటానికి వచ్చిన బాలకృష్ణ.. ముందుగా ఎన్టీఆర్, బసవతారకం విగ్రహాలకు పూలమాలలు వేసి నివాళులర్పించారు. అసెంబ్లీ సమావేశాలను టీడీపీ వాకౌట్ చేయటంతో స్వగ్రామానికి వెళ్లారు. అక్కడి బంధువుల ఇంటికి వెళ్లి కాసేపు ముచ్చటించారు. వారి క్షేమసమాచారం తెలుసుకున్నారు. బాలకృష్ణకు గ్రామస్థులు, అభిమానులు పెద్ద ఎత్తున స్వాగతం పలికారు. చాలా కాలం  తర్వాత బాలకృష్ణ నిమ్మకూరుకు వెళ్లారు. ఈ మధ్యే.. 60వ పుట్టినరోజు వేడుకలను హైదరాబాద్‌లో సాదాసీదాగా జరుపుకున్నారు. కొవిడ్-19 ప్రభావంతో జన్మదినోత్సవ వేడుకలను కూడా బాలయ్య రద్దు చేసుకున్నారు.