TSPSC: తెలంగాణలో నిరుద్యోగులకు శుభవార్త.. కొత్తగా మరో రెండు నోటిఫికేషన్లు విడుదల చేసిన టీఎస్‌పీఎస్సీ.
ప్రభుత్వ ఉద్యోగాల భర్తీకి తెలంగాణ పబ్లిక్‌ సర్వీస్‌ కమిషన్‌ (టీఎస్‌పీఎస్సీ) వరుస నోటిఫికేషన్‌లో విడుదల చేస్తున్న విషయం తెలిసిందే. ఇప్పటికే గ్రూప్స్‌ మొదలు ప్రభుత్వ విభాగాల్లో ఉన్న పలు ఖాళీలకు నోటిఫికేషన్‌ విడుదల చేస్తూ వచ్చిన టీఎస్‌పీఎస్సీ తాజాగా మరో రెండు కొత్త నోటిఫికేషన్లు విడుదల..
Updated on: Dec 29, 2022 | 8:32 AM
ప్రభుత్వ ఉద్యోగాల భర్తీకి తెలంగాణ పబ్లిక్‌ సర్వీస్‌ కమిషన్‌ (టీఎస్‌పీఎస్సీ) వరుస నోటిఫికేషన్‌లో విడుదల చేస్తున్న విషయం తెలిసిందే. ఇప్పటికే గ్రూప్స్‌ మొదలు ప్రభుత్వ విభాగాల్లో ఉన్న పలు ఖాళీలకు నోటిఫికేషన్‌ విడుదల చేస్తూ వచ్చిన టీఎస్‌పీఎస్సీ తాజాగా మరో రెండు కొత్త నోటిఫికేషన్లు విడుదల చేసింది. వీటి ద్వారా మొత్తం 276 ఖాళీలను భర్తీ చేయనున్నారు. దరఖాస్తుల స్వీకరణ ప్రక్రియ వచ్చే నెల 6వ తేదీ నుంచి ప్రారంభం కానుంది. ఇంతకీ ఏయే విభాగాల్లో ఎన్ని ఖాళీలు ఉన్నాయి? ఎలా దరఖాస్తు చేసుకోవాలి? లాంటి పూర్తి వివరాలు మీకోసం..
రెండు నోటిఫికేషన్స్‌లో భాగంగా విద్యా శాఖ, వ్యవసాయ శాఖలో ఉద్యోగాలను భర్తీ చేయనున్నారు. టెక్నికల్ఎడ్యుకేషన్ డిపార్ట్మెంట్లో 37 పీడీ పోస్టులు, ఇంటర్మీడియట్‌ డిపార్ట్మెంట్లో 91 పీడీ పోస్టులకు నోటిఫికేషన్‌ విడుదల చేశారు. పూర్తి వివరాల కోసం టీఎస్‌పీఎస్సీ అధికారిక వెబ్‌సైట్‌ను సందర్శించాలని అధికారులు తెలిపారు. ఈ పోస్టులకు దరఖాస్తు చేసుకునే అభ్యర్థులు వచ్చేనెల 6వ తేదీని నుంచి 27వ తేదీ వరకు ఆన్‌లైన్‌లో దరఖాస్తు చేసుకోవాల్సి ఉంటుంది.
ఇక మరో నోటిఫికేషన్‌లో భాగంగా వ్యవసాయ శాఖలో అగ్రిల్చర్ ఆఫీసర్ పోస్టులను భర్తీ చేయనున్నారు. మల్టీజోన్ –1 లో 100, మల్టీజోన్ –2లో 48 ఖాళీలు ఉన్నాయి. వచ్చేనెల 10వ తేదీ నుంచి 30వ తేదీ వరకు దరఖాస్తులు స్వీకరించనున్నారు. వీటికి సంబంధించిన వివరాలన్నీ టీఎస్‌పీఎస్సీ వెబ్‌సైట్‌లో విడుదల చేయనున్నట్లు టీఎస్‌పీఎస్సీ సెక్రెటరీ అనితా రామచంద్రన్ తెలిపారు.
మరిన్ని విద్య, ఉద్యోగ వార్తల కోసం క్లిక్ చేయండి..
