TS SSC Supplementary Exam 2024: తెలంగాణ పదో తరగతి సప్లిమెంటరీ పరీక్షల షెడ్యూల్ విడుదల.. ఫీజు చెల్లింపుకు చివరి తేదీ ఇదే!
TS 10th Class Result 2024: తెలంగాణ పదో తరగతి ఫలితాలు సోమవారం (ఏప్రిల్ 30) ఉదయం విద్యాశాఖ సెక్రటరి బుర్రా వెంకటేశం విడుదల చేసిన సంగతి తెలిసిందే. రాష్ట్ర వ్యాప్తంగా ఈ ఏడాది మొత్తం 5,05,813 మంది విద్యార్ధులు పరీక్షలు రాయగా.. వారిలో 4,94,207 రెగ్యులర్ విద్యార్ధులు, 11,606 ప్రైవేట్ విద్యార్దులు ఉన్నారు. వీరిలో 4,51,272 (91.31 శాతం) మంది ఉత్తీర్ణత పొందారు. టెన్త్ పరీక్షల్లో ఫెయిల్ అయిన విద్యార్ధులతోపాటు..
Updated on: Apr 30, 2024 | 3:06 PM
హైదరాబాద్, ఏప్రిల్ 30: తెలంగాణ పదో తరగతి ఫలితాలు సోమవారం (ఏప్రిల్ 30) ఉదయం విద్యాశాఖ సెక్రటరి బుర్రా వెంకటేశం విడుదల చేసిన సంగతి తెలిసిందే. రాష్ట్ర వ్యాప్తంగా ఈ ఏడాది మొత్తం 5,05,813 మంది విద్యార్ధులు పరీక్షలు రాయగా.. వారిలో 4,94,207 రెగ్యులర్ విద్యార్ధులు, 11,606 ప్రైవేట్ విద్యార్దులు ఉన్నారు. వీరిలో 4,51,272 (91.31 శాతం) మంది ఉత్తీర్ణత పొందారు. టెన్త్ పరీక్షల్లో ఫెయిల్ అయిన విద్యార్ధులతోపాటు తక్కువ మార్కులు వచ్చిన వారు అడ్వాన్స్డ్ సప్లిమెంటరీ పరీక్షలు రాయడానికి అవకాశం ఉంటుంది.
తెలంగాణ పదో తరగతి ఫలితాలను ఇక్కడ నేరుగా డౌన్లోడ్ చేసుకోవచ్చు.
ఈ సందర్భంగా తెలంగాణ పదో తరగతి డ్వాన్స్డ్ సప్లిమెంటరీ పరీక్షల షెడ్యూల్ను కూడా విద్యాశాఖ విడుదల చేసింది. జూన్ 3 నుంచి 13 వరకు పదో తరగతి డ్వాన్స్డ్ సప్లిమెంటరీ పరీక్షలు జరుగుతాయి. ఆయా తేదీల్లో ఉదయం 9.30 నుంచి మధ్యాహ్నం 12.30 గంటల వరకు పరీక్షలు జరుగుతాయి. మే 16తో ఫీజు చెల్లింపులు ముగుస్తాయి. అలాగే రీ కౌంటింగ్, రీ వెరిఫికేషన్కు.. ఫలితాలు ప్రకటించిన తేదీ నుంచి 15 రోజుల వరకు (మే 15 వరకు) జరుగుతుంది. రీ కౌంటింగ్కు ఒక్కోసబ్జెక్టుకు రూ.500 చెల్లించాలి. రీవెరిఫికేషన్ కోసం రూ.1000 చెల్లించాలి.
ఫెయిల్ అయిన విద్యార్ధులందరూ రీ కౌటింగ్, రీ వెరిఫికేషన్ ఫలితాల కోసం ఎదురు చూడకుండా 2024 జూన్ అడ్వాన్స్డ్ సప్లిమెంటరీ పరీక్షల కోసం ఫీజు చెల్లించి, పరీక్షలకు హాజరుకావాలని, ఈ అవకాశాన్ని జారవిడుచుకోవద్దని పాఠశాల విద్యాశాఖ విద్యార్ధులకు సూచించింది. విద్యార్ధులు తమ పాఠశాల ప్రధానోపాధ్యాయుడికి మాత్రమే ఫీజు చెల్లించాలి.
మరిన్ని విద్యా, ఉద్యోగ కథనాల కోసం క్లిక్ చేయండి.
