Telangana: తెలంగాణ నిరుద్యోగులకు గుడ్ న్యూస్.. గ్రూప్ 4 ఉద్యోగాలకు ప్రిపేర్ అవుతోన్న వారికి ఉచితంగా శిక్షణ.
తెలంగాణ ప్రభుత్వం వరుసగా ఉద్యోగాలకు నోటిఫికేషన్ విడుదల చేస్తున్న విషయం తెలిసిందే. ఇప్పటికే గ్రూప్ 1తో పాటు పోలీసు నియామక పరీక్షలు పూర్తయ్యాయి. తాజాగా గ్రూప్ 4 నోటిఫికేషన్ విడుదల చేశారు. రాష్ట్ర ఏర్పడిన తర్వాత ఈ స్థాయిలో గ్రూప్4 పోస్టులు విడుదల చేయడం..
Updated on: Dec 07, 2022 | 8:56 AM
తెలంగాణ ప్రభుత్వం వరుసగా ఉద్యోగాలకు నోటిఫికేషన్ విడుదల చేస్తున్న విషయం తెలిసిందే. ఇప్పటికే గ్రూప్ 1తో పాటు పోలీసు నియామక పరీక్షలు పూర్తయ్యాయి. తాజాగా గ్రూప్ 4 నోటిఫికేషన్ విడుదల చేశారు. రాష్ట్ర ఏర్పడిన తర్వాత ఈ స్థాయిలో గ్రూప్4 పోస్టులు విడుదల చేయడం ఇదే తొలిసారి కావడం విశేషం. వివిధ విభాగాల్లో 9168 వేల ఉద్యోగాలను భర్తీ చేయనున్నారు. ఇప్పటికే ఆర్థిక శాఖ అనుమతులు ఇవ్వగా త్వరలోనే రాత పరీక్ష నిర్వహించేందుకు అధికారులు సిద్ధమవుతున్నారు.
ఈ నెల 23 నుంచి జనవరి 12 వరకు దరఖాస్తులు స్వీకరించనున్నారు. అప్లికేషన్ల దాఖలుకు జనవరి 12 చివరి తేదీగా ప్రకటించారు. వచ్చే ఏడాది ఏప్రిల్ లేదా మే లో పరీక్ష ఉండే అవకాశం ఉంది. జూనియర్ అసిస్టెంట్ పోస్టులు 6,859, వార్డు ఆఫీసర్ పోస్టులు 1,862, పంచాయితీరాజ్శాఖలో భారీ స్థాయిలో 1,245 పోస్టులు, 429 జూనియర్ అకౌంటెంట్ పోస్టులు, 18 జూనియర్ ఆడిటర్ పోస్టులు ఉన్నాయి.
ఇదిలా ఉంటే భారీగా ఉద్యోగాల భర్తీ జరగనున్న నేపథ్యంలో గ్రూప్ 4 ఎగ్జామ్కు ప్రిపేర్ అవుతోన్న వారికి మంత్రి హరీష్ రావు శుభవార్త తెలిపారు. ఉద్యోగానికి ప్రిపేర్ అవుతోన్న వారికి ఉచిత శిక్షణ కేంద్రం ద్వారా శిక్షణ ఇవ్వనున్నట్లు ఒక ప్రకటనలో తెలిపారు. సిద్ధిపేట నియోజకవర్గంలో ఉన్న నిరుద్యోగులకు ఈ అవకాశం కల్పించారు. ఈ నెల 9లోపు నిరుద్యోగులు అన్ లైన్లో దరఖాస్తు చేసుకోవాలని మంత్రి సూచించారు. కానిస్టేబుల్, గ్రూప్ 2, టెట్ పోటీ పరీక్షలకు శిక్షణ ఇచ్చిన విధంగానే శిక్షణ ఇవ్వనున్నట్లు చెప్పారు. సిద్దిపేట నియోజక వర్గ పరిధిలోని యువతి, యువకులు అవకాశన్ని సద్వినియోగ పరుచుకోవాలన్నారు. పూర్తి వివరాల కోసం 9030433459, 8555032916 ఫోన్ నెంబర్లలలో సంప్రదించాలని తెలిపారు.
మరిన్ని విద్య, ఉద్యోగ వార్తల కోసం క్లిక్ చేయండి..
