SSC STENO 2025 Exam Dates: ఎస్‌ఎస్‌సీ స్టెనో పరీక్ష తేదీలు వచ్చేశాయ్‌.. అడ్మిట్ కార్డులు ఎప్పుడంటే?

హైదరాబాద్‌, జనవరి 22: దేశ వ్యాప్తంగా ఉన్న వివిధ మంత్రిత్వశాఖలు, విభాగాల్లో స్టెనోగ్రాఫర్ గ్రేడ్ సి, స్టెనోగ్రాఫర్ గ్రేడ్ డి (గ్రూప్ సి) పోస్టుల భర్తీకి నియామక ప్రక్రియ కొనసాగుతున్న సంగతి తెలిసిందే. ఇప్పటికే రాత పరీక్షలు పూర్తవగా స్కిల్‌ టెస్ట్‌ ఈ నెలాఖరులో జరగనుంది. ఇందుకు సంబంధించిన పరీక్ష తేదీలను ఎస్సెస్సీ విడుదల చేసింది. తాజా ప్రకటన మేరకు జనవరి 28, 29 తేదీల్లో ఈ పరీక్షలు జరగనున్నాయి. ఈ మేరకు సిటీ ఇంటిమేషన్‌ స్లిప్పులను కమిషన్‌ వెబ్‌సైట్‌లో పొందుపరిచింది. రాత పరీక్షలో కనీస అర్హత మార్కులు సాధించి నైపుణ్య పరీక్షకు ఎంపికైన అభ్యర్థులు అధికారిక వెబ్‌సైట్‌లో తమ వివరాలతో లాగిన్‌ అయి సిటీ ఇంటిమేషన్‌ స్లిప్‌లను డౌన్‌లోడ్ చేసుకోవచ్చు. పరీక్షకు 4 రోజుల ముందు అడ్మిట్‌ కార్డులను డౌన్‌లోడ్‌ చేసుకోవచ్చు. స్కిల్‌ టెస్ట్‌కు మొత్తం 8,624 మంది గ్రేడ్‌ సికు, 22,456 మంది గ్రేడ్‌ డికు అర్హత సాధించారు.

కాగా దేశవ్యాప్తంగా ఆగస్టు 6, 7, 8, 11 తేదీల్లో ఆన్‌లైన్ విధానంలో రాత పరీక్షలు జరిగిన సంగతి తెలిసిందే. స్కిల్‌ టెస్ట్‌లో వచ్చిన మార్కుల ఆధారంగా తుది ఎంపిక జరుగుతుంది. మొత్తం 261 స్టెనోగ్రాఫర్ గ్రేడ్ సి, గ్రేడ్‌ డి పోస్టుల భర్తీకి ఈ నియామక ప్రక్రియ చేపట్టిన సంగతి తెలిసిందే.

ఎస్‌ఎస్‌సీ స్టెనో స్కిల్‌ టెస్ట్‌ సిటీ ఇంటిమేషన్‌ స్లిప్‌ డౌన్‌లోడ్ కోసం ఇక్కడ క్లిక్‌ చేయండి.

ఐబీపీఎస్‌ ఆర్‌ఆర్‌బీ పీఓ 2025 మెయిన్స్ ఫలితాలు విడుదల.. డైరెక్ట్ లింక్‌ ఇదే

ఇన్‌స్టిట్యూట్ ఆఫ్ బ్యాంకింగ్ పర్సనల్ సెలక్షన్ (IBPS) రీజినల్ రూరల్ బ్యాంక్స్ (RRB) ఆఫీసర్ స్కేల్ I, II ,III మెయిన్స్ పరీక్ష ఫలితాలను విడుదల చేసింది. ఈ మేరకు స్కోర్‌ కార్డులను అధికారిక వెబ్‌సైట్‌లో పొందుపరిచింది. పరీక్షకు హాజరైన అభ్యర్థులు వెబ్ సైట్ లో తమ రోల్‌ నంబరు, పుట్టిన తేదీ నమోదు చేసి ద్వారా ఫలితాలను పొందవచ్చు. మార్కుల వివరాలు తెలుసుకోవడానికి జనవరి 27, 2026 వరకు అవకాశం కల్పించారు. నిర్ణీత గడువు ముగిసిన తర్వాత లింక్ అందుబాటులో ఉండదని ఐబీపీఎస్ స్పష్టం చేసింది.

ఐబీపీఎస్‌ ఆర్‌ఆర్‌బీ పీఓ 2025 మెయిన్స్ ఫలితాల కోసం ఇక్కడ క్లిక్‌ చేయండి.

మరిన్ని విద్యా, ఉద్యోగ కథనాల కోసం క్లిక్‌ చేయండి.