‘ఎవరి ఉద్యోగాలు తొలగించం’.. ఆ వార్తలపై క్లారిటీ ఇచ్చిన మంత్రి బొత్స

AP govt schools Rationalisation 2022: ఆంధ్రప్రదేశ్‌ రాష్ట్ర వ్యాప్తంగా ఉన్న ప్రభుత్వ పాఠశాల రేషనలైజేషన్ ప్రాసెస్ జరుగుతున్న సంగతి తెలిసిందే. ఐతే ఈ రేషనలైజేషన్ ప్రక్రియ జరిగితే ఉద్యోగాలు పోతాయని గత కొంత కాలంగా జరుగుతున్న ప్రచారంపై విద్యాశాఖ మంత్రి బొత్స సత్యనారాయణ శుక్రవారం (జులై 1) క్లారిటీ ఇచ్చారు. అందరూ అనుకుంటున్నట్లు ప్రభుత్వ పాఠశాలల రేషనలైజేషన్‌లో ఏ ఒక్కరి ఉద్యోగం తొలగించం. రేషనలైజేషన్ జరిగితే ఉద్యోగాలు పోతాయన్న ఆపోహలు వద్దు. కొందరు ఉపాధ్యాయులు, ఉద్యోగులను అభద్రతాభావానికి గురిచేసేందుకు అనేక వదంతులు సృష్టిస్తున్నారు. ఈ అవాస్తవ కథనాలపై ఉపాధ్యాయులు, ఉద్యోగులు ఆందోళన చెందవద్దు. వ్యవస్థలో ఉన్న లోపాలను సరిజేసేందుకు మాత్రమే రేషనలైజేషన్ ప్రక్రియ చేపట్టాం. అంతేకానీ ఈ విధానం వల్ల ఏ ఒక్క ఉపాధ్యాయ పోస్టును తొలగించడం లేదు. మన ప్రభుత్వం ఉద్యోగాలు సృష్టించేదే తప్పా.. తొలగించే ప్రభుత్వం కాదని మంత్రి బొత్స వివరణ ఇచ్చారు.

మరిన్ని తాజా విద్యా, ఉద్యోగ సమాచారం కోసం క్లిక్‌ చేయండి.