Jobs: నిరుద్యోగులకు బంపరాఫర్‌.. నవోదయ విద్యాలయాల్లో నాన్‌ టీచింగ్ పోస్టులు..

కేంద్ర ప్రభుత్వ రంగ విద్య సంస్థ అయిన నవోదయ నిరుద్యోగులకు శుభవార్త తెలిపింది. ఈ విద్యా సంస్థలో ఉన్న ఖాళీల భర్తీకి నోటిఫికేషన్‌ జారీ చేసింది. దేశవ్యాప్తంగా ఉన్న పలు నవోదయ విద్యాలయాల్లో ఉన్న నాన్‌ టీచింగ్ పోస్టులను భర్తీ చేయనున్నట్లు ప్రకటించింది. ఇందులో భాగంగా మొత్తం 1377 ఖాళీలను భర్తీ చేయనున్నారు. ఏయే విభాగాల్లో ఖాళీలు ఉన్నాయి.? ఎలా దరఖాస్తు చేసుకోవాలి.? లాంటి పూర్తి వివరాలు ఇప్పుడు తెలుసుకుందాం..

నవోదయ విద్యాలయాల్లో ఉన్న మొత్తం 1377 నాన్‌ టీచింగ్ పోస్టులను భర్తీకి నోటిఫికేషన్ జారీ చేశారు. ఇందులో భాగంగా జూనియర్ సెక్రటేరియట్‌ అసిస్టెంట్, ఫీమేల్‌ స్టాఫ్‌ నర్స్‌, ఎలక్ట్రిషియన్‌, ప్లంబర్‌, మెస్‌ హెల్పర్‌, ఎమ్‌టీస్‌తో పాటు పలు విభాగాల్లో ఉన్న ఖాళీలను భర్తీ చేయనున్నట్లు ప్రకటించారు. ఈ పోస్టులకు దరఖాస్తు చేసుకునే అభ్యర్థుల పోస్టుల ఆధారంగా పదో తరగతి, 12 వతరగతి, సంబంధిత విభాగంలో డిప్లొమా, బ్యాచిలర్స్‌ డిగ్రీ, పీజీ ఉత్తీర్ణతతోపాటు పని అనుభవం ఉండాలి.

ఆసక్తి, అర్హత ఉన్న అభ్యర్థులు ఆన్‌లైన్‌ విధానంలో దరఖాస్తు చేసుకోవాల్సి ఉంటుంది. ఆన్‌లైన్‌ దరఖాస్తుల స్వీకరణకు ఏప్రిల్‌ 30వ తేదీని చివరి తేదీగా నిర్ణయించారు. అభ్యర్థులను రాతపరీక్ష, ట్రేడ్‌/స్కిల్‌ టెస్ట్, ఇంటర్వ్యూ, డాక్యుమెంట్‌ వెరిఫికేషన్, మెడికల్‌ ఎగ్జామినేషన్‌ ఆధారంగా ఎంపికచేస్తారు. దరఖాస్తు ఫీజుగా రూ. 500 చెల్లించాల్సి ఉంటుంది. ఇక ఎగ్జామ్‌ సెంటర్ల విషయానికొస్తే తెలుగు రాష్ట్రాల్లో హైదరాబాద్‌, నిజామాబాద్‌, ఖమ్మం, కరీంగనగర్‌, అనంతపురం, కాకినాడ, నెల్లూరు, గుంటూరు, కర్నూలు, విజయవాడ, విశాఖపట్నంలో సెంటర్లను ఏర్పాటు చేశారు. పూర్తి వివరాల కోసం ఇక్కడ క్లిక్‌ చేయండి.

మరిన్ని విద్య, ఉద్యోగ వార్తల కోసం క్లిక్ చేయండి..