Indian Navy Recruitment: ఇండియన్‌ నేవీలో 2500 ఉద్యోగాల భర్తీకి నోటిఫికేషన్.. అర్హులెవరంటే..

Indian Navy Recruitment 2022: ఇండియన్‌ నేవీ తాజాగా భారీ ఎత్తున ఉద్యోగాల భర్తీకి నోటిఫికేషన్‌ జారీ చేసింది. భారత ప్రభుత్వ రక్షణ మంత్రిత్వశాఖకు చెందిన ఈ సంస్థ సెయిలర్‌ (Sailor Jobs) పోస్టుల భర్తీకి నోటిఫికేషన్‌ జారీ చేసింది. ఏయే విభాగాల్లో ఎన్ని ఖాళీలు ఉన్నాయి.? ఎలా దరఖాస్తు చేసుకోవాలి.? లాంటి పూర్తి వివరాలు మీకోసం..

భర్తీ చేయనున్న ఖాళీలు, అర్హతలు..

* నోటిఫికేషన్‌లో భాగంగా మొత్తం 2500 ఖాళీలను భర్తీ చేయనున్నారు.

* వీటిలో ఆర్టిఫిషర్‌ అప్రెంటీస్‌ (ఏఏ) – 500, సీనియర్‌ సెకండరీ రిక్రూట్స్‌ (ఎస్‌ఎస్‌ఆర్‌) – 2000 ఖాళీలు ఉన్నాయి.

* ఆర్టిఫిషర్‌ అప్రెంటీస్‌ పోస్టులకు దరఖాస్తు చేసుకునే వారు ఇంటర్మీడియట్‌/10+2లో కనీసం 60 శాతం మార్కులతో మ్యాథ్స్, ఫిజిక్స్‌తో పాటు కెమిస్ట్రీ/బయాలజీ/కంప్యూటర్‌ సైన్స్‌ చదివి ఉండాలి. అభ్యర్థులు 2002 ఆగస్టు 1 నుంచి 2005 జులై 31 మధ్య జన్మించి ఉండాలి.

* సీనియర్‌ సెకండరీ రిక్రూట్స్‌(ఎస్‌ఎస్‌ఆర్‌) పోస్టులకు దరఖాస్తు చేసుకునే వారు ఇంటర్మీడియెట్‌/10+2లో కనీసం 60శాతం మార్కులతో మ్యాథ్స్, ఫిజిక్స్‌తో పాటు కెమిస్ట్రీ/బయాలజీ/కంప్యూటర్‌ సైన్స్‌ ఉత్తీర్ణులై ఉండాలి. అభ్యర్థులు 2002 ఆగస్టు 1 నుంచి 2005 జులై 31 మధ్య జన్మించి ఉండాలి.

ముఖ్యమైన విషయాలు..

* ఆసక్తి, అర్హత ఉన్న అభ్యర్థులు ఆన్‌లైన్‌ విధానంలో దరఖాస్తు చేసుకోవాల్సి ఉంటుంది.

* అభ్యర్థులను రాత పరీక్ష, ఫిజికల్‌ టెస్ట్‌ ఆధారంగా ఎంపిక చేస్తారు.

* ఎంపికైన అభ్యర్థులకు ఆగస్టు 2022 నుంచి శిక్షణ ఇస్తారు. ఏఆర్‌ అభ్యర్థులకు 9 నెలలు, ఎస్‌ఎస్‌ఆర్‌ వారికి 22 నెలల ట్రైనింగ్ ఉంటుంది.

* శిక్షణ సమయంలో నెలకు రూ. 14,600 స్టైపెండ్ ఇస్తారు, అనంతరం రూ. 21,700 నుంచి రూ. 69,100 వరకు జీతం పొందొచ్చు.

* ఆన్‌లైన్‌ దరఖాస్తుల స్వీకరణ మార్చి 29న ప్రారంభమవుతుండగా, ఏప్రిల్‌ 5ని చివరి తేదీగా నిర్ణయించారు.

* పూర్తి వివరాల కోసం ఇక్కడ క్లిక్‌ చేయండి..

Also Read: Gun Firing: తెలంగాణ లో తుపాకుల మోత.. ముఠాల ద్వారా అక్రమ రవాణా.. పోలీసుల విచారణలో షాకింగ్ విషయాలు

Telangana Govt Jobs: ఉచిత శిక్షణ తరగతులను సద్వినియోగం చేసుకోండి: ఎమ్మెల్యే అంజయ్య యాదవ్

Andhra Pradesh: ఏపీఎస్ఆర్టీసీలో 1800లకు పైగా కారుణ్య నియామకాలకు సీఎం గ్రీన్‌ సిగ్నల్‌!