IBPS PO Mains Result 2021-22: ఐబీపీఎస్‌ పీఓ 2022 ఫలితాలు విడుదల.. ఇలా చెక్‌ చేసుకోండి..

IBPS PO Mains result 2021 released: ఇన్‌స్టిట్యూట్ ఆఫ్ బ్యాంకింగ్ పర్సనల్ సెలక్షన్ (IBPS) PO మెయిన్స్ 2021-22 ఫలితాలు గురువారం (ఫిబ్రవరి 10) విడుదలయ్యాయి. అభ్యర్థులందరూ ఐబీపీఎస్‌ పీఓ మెయిన్స్ 2022 స్కోర్‌కార్డులను అధికారిక వెబ్‌సైట్ ibps.inలో చెక్‌ చేసుకోవచ్చు. అభ్యర్థులు తమ రిజిస్ట్రేషన్ నంబర్/రోల్ నంబర్, పాస్‌వర్డ్/పుట్టిన తేదీని నమోదు చేయడం ద్వారా వారి ఫలితాలను చెక్‌ చేయవచ్చు. ఫిబ్రవరి 16 వరకు వెబ్‌సైట్‌లో ఫలితాలు అందుబాటులో ఉంటాయి. ముగింపు గడువులోగా అభ్యర్ధులు ఫలితాలను చెక్‌ చేసుకోవాలని ఐబీపీఎస్‌ ఈ సందర్భంగా అభ్యర్థులకు సూచించబడింది.

ఐబీపీఎస్‌ పీఓ మెయిన్స్ 2022 స్కోర్‌కార్డులను ఏవిధంగా డౌన్‌లోడ్‌ చేసుకోవాలంటే..

• ముందుగా అధికారిక వెబ్‌సైట్ ibps.in వెబ్‌ పేజ్‌ను ఓపెన్‌ చెయ్యాలి.
• హోమ్‌పేజ్‌లో కనిపించే CRP-PO/MTS-XI మెయిన్స్‌ పరీక్ష ఫలితాలు అనే లింక్‌పై క్లిక్‌ చెయ్యాలి.
• అభ్యర్ధికి సంబంధించిన రిజిస్ట్రేషన్ నంబర్/రోల్ నంబర్, పాస్‌వర్డ్/పుట్టిన తేదీని నమోదు చేసి, సబ్‌మిట్‌ క్లిక్‌ చెయ్యాలి.
• ఐబీపీఎస్‌ పీఓ మెయిన్స్ 2021-22 ఫలితాలు స్క్రీన్‌పై కనిపిస్తాయి.
• స్కోర్‌కార్డు పేజ్‌ను డౌన్‌లోడ్ చేసుకుని, ప్రింట్ అవుట్ తీసుకోవాలి.

ఐబీపీఎస్‌ పీఓ మెయిన్స్ 2021-22 పరీక్షలు గతనెల (జనవరి) 22న జరిగింది. పీఓ మెయిన్స్‌ పరీక్షలో మొత్తం 200 మార్కులకు ఆబ్జెక్టివ్ టైప్‌ ప్రశ్నలు, 25 మార్కులకు డిస్క్రిప్టివ్‌ పరీక్ష ఉంటుంది. ఇతర ముఖ్య సమాచారం కోసం ఐబీపీఎస్‌ అధికారిక వెబ్‌సైట్‌ను సందర్శించండి.

Also Read: