మీకు సైన్స్‌ అంటే భయమా..! కెరీర్‌లో ఎదగడానికి ఇంకా చాలా ఆప్షన్స్‌ ఉన్నాయి..? అవేంటో తెలుసుకోండి..

Career News: మీకు సైన్స్ చదవాలని అనిపించకపోతే దాని గురించి చింతించాల్సిన పని లేదు. జీవితంలో ఏదో ఒక మంచి జరుగుతుంది. నిజానికి కెరీర్‌ని

Career

uppula Raju |
Updated on: Dec 31, 2021 | 3:40 PM

Career News: మీకు సైన్స్ చదవాలని అనిపించకపోతే దాని గురించి చింతించాల్సిన పని లేదు. జీవితంలో ఏదో ఒక మంచి జరుగుతుంది. నిజానికి కెరీర్‌ని సెట్ చేసుకోవడానికి పేరు, డబ్బు సంపాదించడానికి చాలా ఆప్షన్స్‌ ఉన్నాయి. మీ ఆసక్తికి అనుగుణంగా ఏదైనా సబ్జెక్ట్ లేదా ఫీల్డ్‌ని ఎంచుకోవచ్చు. మీరు ఆ రంగంలో ఇతరులకన్నా మెరుగ్గా రాణిస్తారు. అవకాశాలు మీ అధీనంలో ఉంటాయి విజయం మీ పాదాలను ముద్దాడుతుంది. సైన్స్ చదవకపోతే జీవితంలో ఎదగలేమనే భావన విడనాడండి. మీకు నచ్చిన కోర్సును చేయకపోతే కెరీర్‌లో ఒత్తిడిని అనుభవించవచ్చు. మంచి కళాశాల రాకపోతే విద్యార్థులు నిరుత్సాహానికి గురయ్యే పరిస్థితి చాలాసార్లు కనిపించింది. అయితే నిరాశ చెందడం కెరీర్‌కు మంచిది కాదు. మరింత వ్యూహాన్ని పదునుపెట్టండి. భవిష్యత్‌ మీ కోసం అవకాశాల తలుపులు తెరుస్తుంది.

మీకు కెరీర్‌లో డిజైనింగ్‌పై ఆసక్తి ఉంటే సంకోచం లేకుండా గ్రాఫిక్ డిజైనింగ్ చదవండి. ఈ రోజుల్లో ఫ్రీలాన్సర్లు ఈ రంగంలో అత్యధికంగా సంపాదిస్తున్నారు. మీరు గేమ్‌ని డిజైన్ చేయాలనుకుంటే సంబంధిత మెటీరియల్‌ల కోసం పరిశోధించండి. కంప్యూటర్ సైన్స్ డిగ్రీ పొందడం ప్లస్ పాయింట్ అవుతుంది. కొన్ని కారణాల వల్ల మీరు దీన్ని చేయలేకపోతే నిరాశ చెందాల్సిన అవసరం లేదు. మీ ప్రతిభను మెరుగుపరుచుకోవడానికి ప్రయత్నిస్తూ ఉండండి. మీ వద్ద అందుబాటులో ఉన్న వాటి బలంతో ముందుకెళ్లండి. మీకు మంచి ఉద్యోగం రాకుండా ఎవరూ ఆపలేరు.

మీ ఆసక్తుల గురించి మీకు అవగాహన ఉంది. మీరు కనే కలల వెంట పరుగెత్తవచ్చు. ఐఐటీలో కూడా అలాంటి విద్యార్థులు చాలా మంది ఉన్నారు కానీ వారు ఏమి కావాలనుకుంటున్నారో వారికి తెలియదు. ప్రసిద్ధ కళాశాల లేదా ఇన్‌స్టిట్యూట్ నుంచి మీకు నచ్చిన డిగ్రీని పొందడానికి మీరు కష్టపడి పనిచేయడం ఉత్తమం. కాలేజీలో మీలాంటి విద్యార్థులు ఇంకా చాలా మంది ఉండే అవకాశం ఉంది. వారి ఆసక్తులు , నేపథ్యాలు మీతో సమానంగా ఉండవచ్చు. అలాంటి వారిని కలవండి మీ కలలను నిజం చేసుకోవడానికి ప్రయత్నించండి.

మీకు సైన్స్ అంటే ఇష్టం లేకపోతే ఎవరి ఒత్తిడికి లోనై ఈ సబ్జెక్ట్ తీసుకోవడం అస్సలు మంచిది కాదు. బలవంతంగా చదివితే ప్రయోజనం ఉండదు. చాలా మంది తల్లిదండ్రులు తమ పిల్లలకు సైన్స్ చదవమని సలహా ఇవ్వడం లేదా కొన్ని సందర్భాల్లో పదే పదే ఒత్తిడి చేయడం కనిపిస్తుంది. ఇలా చేయడం వల్ల కెరీర్ ముగిసే సమయానికి చాలా బాధపడుతారు. మీకు ఇలాంటి పరిస్థితి ఉంటే మీ కుటుంబ సభ్యులతో మీ అభిరుచులు, ఇష్టాయిష్టాల గురించి చర్చించడం ఉత్తమం.