DMHO Narayanapet Jobs: నారాయణపేట జిల్లా దవాఖానాల్లో స్టాఫ్ నర్సు పోస్టులు.. రాత పరీక్షలేకుండా ఎంపిక..
తెలంగాణ రాష్ట్ర ప్రభుత్వానికి చెందిన నారాయణపేట జిల్లా వైద్యారోగ్య అధికారి కార్యాలయం.. ఒప్పంద ప్రాతిపదికన 12 స్టాఫ్ నర్సు పోస్టుల భర్తీకి అర్హులైన అభ్యర్ధుల నుంచి దరఖాస్తులు ఆహ్వానిస్తోంది..
Updated on: Mar 19, 2023 | 9:27 PM
తెలంగాణ రాష్ట్ర ప్రభుత్వానికి చెందిన నారాయణపేట జిల్లా వైద్యారోగ్య అధికారి కార్యాలయం.. ఒప్పంద ప్రాతిపదికన 12 స్టాఫ్ నర్సు పోస్టుల భర్తీకి అర్హులైన అభ్యర్ధుల నుంచి దరఖాస్తులు ఆహ్వానిస్తోంది. ఈ పోస్టులకు దరఖాస్తు చేసుకునే అభ్యర్ధులు ఏదైనా గుర్తింపు పొందిన యూనివర్సిటీ లేదా ఇన్‌స్టిట్యూట్‌ నుంచి బీఎస్సీ నర్సింగ్/జీఎన్‌ఎంలేదా తత్సమాన కోర్సులో ఉత్తీర్ణత సాధించి ఉండాలి. తెలంగాణ నర్సింగ్ కౌన్సిల్‌లో తప్పనిసరిగా రిజిస్టర్ చేసుకుని ఉండాలి. దరఖాస్తుదారుల వయసు 18 నుంచి 44 ఏళ్ల మధ్య ఉండాలి.
ఈ అర్హతలున్న వారు ఆఫ్‌లైన్‌ విధానంలో మార్చి 29, 2023వ తేదీ సాయంత్రం 5 గంటలలోపు కింది అడ్రస్‌లో దరఖాస్తులు సమర్పించవల్సి ఉంటుంది. దరఖాస్తు సమయంలో జనరల్ కేటగిరీకి చెందిన వారు రూ.350లు, బీసీ కేగగిరీకి చెందిన అభ్యర్ధులు రూ.250లు, ఎస్సీ/ఎస్టీ కేటగిరీ అభ్యర్దులు రూ.150లు రిజిస్ట్రేషన్‌ ఫీజు కింద చెల్లించవల్సి ఉంటుంది. బీఎస్సీ నర్సింగ్/జీఎన్‌ఎంలో సాధించిన మార్కులు, రిజర్వేషన్‌, అనుభవం, ఇంటర్వ్యూ ఆధారంగా అభ్యర్ధులను ఎంపిక చేస్తారు. అర్హత సాధించిన వారికి నెలకు రూ.29,900ల వరకు జీతంగా చెల్లిస్తారు. ఇతర సమాచారం అధికారిక నోటిఫికేషన్‌లో చెక్‌ చేసుకోవచ్చు.
అడ్రస్‌..
Dist. Medical and Health Office, Singaram X-road, Narayanpet District, Telangana.
నోటిఫికేషన్ కోసం క్లిక్ చేయండి.
పూర్తి సమాచారం కోసం క్లిక్ చేయండి.
మరిన్ని తాజా విద్యా, ఉద్యోగ సమాచారం కోసం క్లిక్ చేయండి.
