CCMB Recruitment: సీసీఎంబీ హైదరాబాద్లో సైంటిస్టు ఉద్యోగాలు.. నెలకు రూ. 2 లక్షలకు పైగా జీతం పొందే అవకాశం.
CCMB Recruitment: సెంటర్ ఫర్ సెల్యూలర్ అండ్ మాలిక్యూలార్ బయాలజీ (సీసీఎంబీ) పలు ఉద్యోగాల భర్తీకి నోటిఫికేషన్ జారీ చేసింది. హైదరాబాద్లోని ఈ సంస్థలో సైన్స్ అండ్ టెక్నాలజీ...
Updated on: Sep 21, 2021 | 6:59 AM
CCMB Recruitment: సెంటర్ ఫర్ సెల్యూలర్ అండ్ మాలిక్యూలార్ బయాలజీ (సీసీఎంబీ) పలు ఉద్యోగాల భర్తీకి నోటిఫికేషన్ జారీ చేసింది. హైదరాబాద్లోని ఈ సంస్థలో సైన్స్ అండ్ టెక్నాలజీ విభాగంలో ఉన్న ఖాళీలను భర్తీ చేయనున్నారు. నోటిఫికేషన్కు సంబంధించిన పూర్తి వివరాలపై ఓ లుక్కేయండి..
భర్తీ చేయనున్న ఖాళీలు, అర్హతలు..
* నోటిఫికేషన్లో భాగంగా మొత్తం 08 ఖాళీలను భర్తీ చేయనున్నారు.
* వీటిలో సైంటిస్ట్ (01), సీనియర్ సైంటిస్టులు (05), సీనియర్ ప్రిన్సిపల్ సైంటిస్టులు (02) ఖాళీలు ఉన్నాయి.
* పైన తెలిపిన పోస్టులకు దరఖాస్తు చేసుకునే వారు లైఫ్ సైన్స్ సబ్జెక్టుల్లో పీహెచ్డీ ఉత్తీర్ణత సాధించి ఉండాలి. అంతేకాకుండా సంబంధిత విభాగంలో పోస్ట్ డాక్టోరల్ అనుభవం ఉండాలి.
* అభ్యర్థుల వయసు పోస్టులను అనుసరించి 32 నుంచి 50 ఏళ్ల మధ్య ఉండాలి.
ముఖ్యమైన విషయాలు..
* అర్హత, ఆసక్తి ఉన్న అభ్యర్థులు మొదట ఆన్లైన్ విధానంలో దరఖాస్తు చేసుకోవాల్సి ఉంటుంది. అనంతరం హార్డ్ కాపీని ఆఫ్లైన్ విధానంలో అందించాలి.
* ఎంపికైన అభ్యర్థులకు పోస్టుల ఆధారంగా నెలకు రూ. 1,14,151 నుంచి రూ. 2,12,421 వరకు చెల్లిస్తారు.
* అభ్యర్థులను షార్ట్లిస్టింగ్, ఇంటర్వ్యూ ఆధారంగా ఎంపిక చేస్తారు.
* ఆన్లైన్ దరఖాస్తుల స్వీకరణకు 11-10-2021 చివరితేదీ కాగా, హార్డ్ కాపీలను పంపించడానికి 19-10-2021 చివరి తేదీ.
* హార్డ్ కాపీలను సెక్షన్ ఆఫీసర్, సీఎస్ఐఆర్-సెంటర్ ఫర్ సెల్యూలర్ అండ్ మాలిక్యులార్ బయోలజీ, ఉప్పల్ రోడ్, హబ్జిగూడ, హైదరాబాద్ 500007, తెలంగాణ అడ్రస్కు పంపించాలి.
* పూర్తి వివరాల కోసం ఇక్కడ క్లిక్ చేయండి..
NIT Recruitment: నేషనల్ ఇన్స్టిట్యూట్ ఆఫ్ టెక్నాలజీలో నాన్ టీచింగ్ పోస్టులు.. ఎవరు అర్హులంటే.?
నిరుద్యోగులకు సువర్ణవకాశం..! 4 ట్రేడ్లలో శిక్షణ ఇవ్వనున్న ఇండియన్ రైల్వే.. అర్హులెవరంటే..?
