Balmer Lawrie Jobs: కేంద్ర ప్రభుత్వ రంగ సంస్థలో ఉద్యోగం పొందే అవకాశం.. అర్హులెవరంటే..
Balmer Lawrie Jobs: బామర్‌ లారీ కంపెనీ లిమిటెడ్‌ పలు పోస్టుల భర్తీకి నోటిఫికేషన్‌ జారీ చేసింది. కేంద్ర ప్రభుత్వ రంగ సంస్థ అయిన ఈ కంపెనీలో పలు విభాగాల్లో ఉన్న ఖాళీలను భర్తీ చేయనున్నారు...
Updated on: Jul 18, 2022 | 6:25 AM
Balmer Lawrie Jobs: బామర్‌ లారీ కంపెనీ లిమిటెడ్‌ పలు పోస్టుల భర్తీకి నోటిఫికేషన్‌ జారీ చేసింది. కేంద్ర ప్రభుత్వ రంగ సంస్థ అయిన ఈ కంపెనీలో పలు విభాగాల్లో ఉన్న ఖాళీలను భర్తీ చేయనున్నారు. ఏయే విభాగాల్లో ఎన్ని ఖాళీలు ఉన్నాయి.? ఎలా దరఖాస్తు చేసుకోవాలి.? లాంటి పూర్తి వివరాలు మీకోసం..
భర్తీ చేయనున్న ఖాళీలు, అర్హతలు..
* నోటిఫికేషన్‌లో భాగంగా మొత్తం 22 ఖాళీలను భర్తీ చేయనున్నారు.
* వీటిలో అసిస్టెంట్‌ మేనేజర్‌ (03), కో ఆర్డినేటర్‌ (01), కస్టమర్‌ సర్వీస్‌ ఆఫీసర్‌ (02), మేనేజర్‌ (01), జూనియర్‌ ఆఫీసర్లు (13), ఆఫీసర్‌ (01), బ్రాంచ్‌ మేనేజర్‌ (01) ఖాళీలు ఉన్నాయి.
* పైన తెలిపిన పోస్టులకు దరఖాస్తు చేసుకునే అభ్యర్థులు పోస్టుల ఆధారంగా సంబంధిత సబ్జెక్టుల్లో బ్యాచిలర్స్‌ డిగ్రీ, ఎంటీఎం/ ఎంబీఏ/ తత్సమాన ఉత్తీర్ణత పొంది ఉండాలి. దీంతో పాటు సంబంధిత పనిలో అనుభవం తప్పనిసరిగా ఉండాలి.
* అభ్యర్థుల వయసు పోస్టుల ఆధారంగా 27 నుంచి 38 ఏళ్ల మధ్య ఉండాలి.
ముఖ్యమైన విషయాలు..
* ఆసక్తి, అర్హత ఉన్న అభ్యర్థులు ఆన్‌లైన్‌ విధానంలో దరఖాస్తు చేసుకోవాల్సి ఉంటుంది.
* అభ్యర్థులను రాత పరీక్ష/ పర్సనల్ ఇంటర్వ్యూ ఆధారంగా ఎంపిక చేస్తారు.
* దరఖాస్తుల స్వీకరణకు 05-08-2022ను చివరి తేదీగా నిర్ణయించారు.
* నోటిఫికేషన్‌ కోసం క్లిక్‌ చేయండి..
* పూర్తి వివరాల కోసం ఇక్కడ క్లిక్‌ చేయండి..
మరిన్ని విద్య, ఉద్యోగ వార్తల కోసం క్లిక్‌ చేయండి…
