AP Polycet Exam 2022: నేడే ఏపీ పాలిసెట్‌-2022 ప్రవేశ పరీక్ష.. 10 గంటల నుంచే పరీక్ష కేంద్రాల్లోకి అనుమతి..

AP Polycet Exam 2022: నేడే ఏపీ పాలిసెట్‌-2022 ప్రవేశ పరీక్ష.. 10 గంటల నుంచే పరీక్ష కేంద్రాల్లోకి అనుమతి..
Ap Polycet 2022

ఆంధ్రప్రదేశ్‌ రాష్ట్రవ్యాప్తంగా ఈ రోజు (మే 29) ఉదయం 11 గంటలకు ఏపీ పాలిసెట్‌ ( Andhra Pradesh Polytechnic Common Entrance Test) - 2022 పరీక్ష ప్రారంభంకానుంది. పరీక్ష నిర్వహణకు అన్ని ఏర్నాట్లు పూర్తి చేసినట్లు..

Srilakshmi C

|

May 29, 2022 | 7:15 AM

AP Polycet 2022 result date: ఆంధ్రప్రదేశ్‌ రాష్ట్రవ్యాప్తంగా ఈ రోజు (మే 29) ఉదయం 11 గంటలకు ఏపీ పాలిసెట్‌ ( Andhra Pradesh Polytechnic Common Entrance Test) – 2022 పరీక్ష ప్రారంభంకానుంది. పరీక్ష నిర్వహణకు అన్ని ఏర్నాట్లు పూర్తి చేసినట్లు ఏపీ టెక్నికల్‌ ఎడ్యుకేషన్‌ కమిషనర్‌ (AP SBTET) డాక్టర్‌ పోలా భాస్కర్‌ తెలిపారు. శుక్రవారం ఆయన విజయవాడలోని ప్రభుత్వ పాలిటెక్నిక్‌ కళాశాలలో విలేకరులతో ఈ మేరకు తెలియజేశారు. పాలిసెట్‌-2022 పరీక్షకు రాష్ట్రవ్యాప్తంగా మొత్తం 1,37,371 మంది విద్యార్థులు దరఖాస్తు చేసుకున్నారు. కాగా నేడు రాష్ట్ర వ్యాప్తంగా మొత్తం 404 పరీక్ష కేంద్రాల్లో జరుగుతుంది. పరీక్షకు హాజరయ్యే విద్యార్థులను పరీక్ష కేంద్రాల్లోకి ఉదయం 10 గంటల నుంచే అనుమతిస్తామని.. పరీక్ష ప్రారంభించిన తర్వాత ఎవరినీ అనుమతించేది లేదని కమిషన్‌ ఇప్పటికే స్పష్టం చేసింది. ప్రవేశ పరీక్ష ఫలితాలు 10 రోజుల్లో విడులవ్వనున్నాయి. మూడేళ్ల పాలిటెక్నిక్‌ డిప్లొమా కోర్సుకు సంబంధించి రాష్ట్రవ్యాప్తంగా 84 ప్రభుత్వ, 175 ప్రైవేటు పాలిటెక్నిక్‌ కళాశాలల్లో 29 విభాగాల్లో మొత్తం 70,569 సీట్లు అందుబాటులో ఉన్నాయి. ప్రవేశ పరీక్షలో ప్రతిభ కనబరచిన వారికి మాత్రమే సీట్లు లభిస్తాయి.

ఇవి కూడా చదవండి

మరిన్ని తాజా విద్యా, ఉద్యోగ సమాచారం కోసం క్లిక్‌ చేయండి.

లేటెస్ట్ న్యూస్ హైలెట్స్ చూడండి

Follow us on

Related Stories

Most Read Stories

Click on your DTH Provider to Add TV9 Telugu