World Richest Man-2022: ప్రపంచంలోని అత్యంత సంపన్నుల జాబితా.. టాప్ 10 మందిలో ఇద్దరు భారతీయులు
ప్రపంచంలో ధనవంతుల ఆదాయం రోజురజుకు పెరిగిపోతోంది. ప్రపంచంలోని అత్యంత సంపన్న వ్యక్తి ఎలోన్ మస్క్. ఫోర్బ్స్ బిలియనీర్ జాబితా ప్రకారం.. ఇటీవలి కాలంలో ఎలోన్ మస్క్..
Updated on: Nov 29, 2022 | 4:12 PM
ప్రపంచంలో ధనవంతుల ఆదాయం రోజురజుకు పెరిగిపోతోంది. ప్రపంచంలోని అత్యంత సంపన్న వ్యక్తి ఎలోన్ మస్క్. ఫోర్బ్స్ బిలియనీర్ జాబితా ప్రకారం.. ఇటీవలి కాలంలో ఎలోన్ మస్క్ తన ట్విట్టర్ కొనుగోలు తర్వాత రచ్చరచ్చ జరుగుతోంది. ఎలోన్ మస్క్ చాలా కాలం పాటు ప్రపంచంలోనే అత్యంత సంపన్న వ్యక్తిగా కొనసాగుతున్నప్పటికీ, అతని సంపదలో కొంత తగ్గుదల కూడా ఉంది. 2022 సంవత్సరంలో ఎలోన్ మస్క్ నిరంతరం ట్రెండ్లో ఉన్నాడు. ఏడాది పొడవునా టాప్ 10 సంపన్నుల జాబితాలో మొదటి స్థానంలో ఉన్నాడు.
2022 సంవత్సరంలో ప్రపంచవ్యాప్తంగా 2668 మంది బిలియనీర్లు ఉన్నారు. ఇద్దరు భారతీయులతో సహా ప్రపంచంలోని టాప్ 10 ధనవంతుల జాబితాను ఫోర్బ్స్ వెల్లడించింది. గౌతమ్ అదానీ, ముఖేష్ అంబానీ వరుసగా మూడు, ఎనిమిదో స్థానాల్లో కొనసాగుతున్నారు. ఫోర్బ్స్ రియల్ టైమ్ బిలియనీర్స్ ఇండెక్స్ ఇటీవలి నివేదిక ప్రకారం.. ఈ పేర్లు 28 నవంబర్ 2022 వరకు ప్రపంచంలోని పది మంది ధనవంతుల జాబితాలో చేర్చబడ్డాయి. ఈ జాబితాలో బిలియనీర్ల రియల్ టైమ్ నెట్ వర్త్ డేటా ఉంది.
- ఎలోన్ మస్క్: టెస్లా సహ వ్యవస్థాపకుడు, సీఈవో ఎలోన్ మస్క్ ప్రపంచంలోనే అత్యంత ధనవంతుడు. అతని నికర విలువ $ 191.2 బిలియన్. ఇందులో 39 మిలియన్ డాలర్లు పెరిగాయి. ఏదేమైనా ఈ సంవత్సరం అతని నికర విలువ సుమారు $ 200 బిలియన్లు తగ్గింది. దీని కారణంగా అతనికి రెండవ స్థానంలో ఉన్న వ్యక్తికి మధ్య సంపదలో పెద్దగా తేడా లేదు.
- బెర్నార్డ్ ఆర్నాల్ట్ , కుటుంబం: ఎల్వీఎంహెచ్ సీఈవో, చైర్పర్సన్ బెర్నార్డ్ ఆర్నాల్ట్ $179.5 బిలియన్ల నికర విలువతో ప్రపంచంలో రెండవ అత్యంత సంపన్న వ్యక్తి.
- గౌతమ్ అదానీ:అదానీ గ్రూప్ వ్యవస్థాపకుడు, చైర్పర్సన్ గౌతమ్ అదానీ ప్రపంచంలోని మూడవ అత్యంత సంపన్న వ్యక్తి, అతని నికర విలువ $133.6 బిలియన్లకు చేరుకుంది.
- జెఫ్ బెజోస్: అమెజాన్ వ్యవస్థాపకుడు జెఫ్ బెజోస్ ప్రపంచంలోని నాల్గవ అత్యంత సంపన్న వ్యక్తి. అతని మొత్తం నికర విలువ $ 117.3 బిలియన్.
- వారెన్ బఫెట్: బార్క్షైర్ హాత్వే సీఈవో వారెన్ బఫెట్ ప్రపంచంలోని టాప్ 10 ధనవంతుల జాబితాలో ఐదవ స్థానంలో ఉన్నారు. అతని మొత్తం నికర విలువ $108.5 బిలియన్లు.
- బిల్ గేట్స్: మైక్రోసాఫ్ట్ సహ వ్యవస్థాపకుడు బిల్ గేట్స్ ప్రపంచంలోని అత్యంత సంపన్నుల జాబితాలో ఆరవ స్థానంలో ఉన్నారు. అతని నికర విలువ 105.3 బిలియన్ డాలర్లు.
- లారీ ఎల్లిసన్: లారెన్స్ జోసెఫ్ ఎల్లిసన్ ఒరాకిల్ కార్పొరేషన్ సహ వ్యవస్థాపకుడు, మాజీ చీఫ్ ఎగ్జిక్యూటివ్ ఆఫీసర్ ప్రపంచంలోని ఏడవ అత్యంత సంపన్న వ్యక్తి. ప్రస్తుతం అతని నికర విలువ 104.8 బిలియన్ డాలర్లు.
- ముఖేష్ అంబానీ: భారతదేశపు బిలియనీర్ వ్యాపారవేత్త, రిలయన్స్ ఇండస్ట్రీస్ యజమాని ముఖేష్ అంబానీ ప్రపంచంలోని టాప్ 10 సంపన్నుల జాబితాలో 8వ స్థానంలో ఉన్నారు. అతని మొత్తం నికర విలువ $96.4 బిలియన్లు.
- కార్లోస్ స్లిమ్ హేలు: కార్లోస్ స్లిమ్ హేలు, అతని కుటుంబం అనేక మెక్సికన్ కంపెనీలలో పెద్ద హోల్డింగ్లను కలిగి ఉన్నారు. అతను ప్రస్తుతం ప్రపంచంలోని తొమ్మిదవ స్థానంలో ఉన్నారు. అతని నికర విలువ $86.2 బిలియన్లు.
- లారీ పేజ్: ఆల్ఫాబెట్ బోర్డు సభ్యులలో లారీ పేజ్ ఒకరు. ప్రపంచంలోని పదవ అత్యంత సంపన్న వ్యక్తి. ప్రస్తుతం అతని నికర విలువ $ 84.4 బిలియన్.
మరిన్ని బిజినెస్ వార్తల కోసం ఇక్కడ క్లిక్ చేయండి
