WhatsApp Block: 98 లక్షల వాట్సాప్‌ అకౌంట్లు బ్లాక్‌.. కారణం ఏంటి? అన్‌బ్లాక్‌ చేయడం ఎలా?

WhatsApp Block: ప్రతి నెల వాట్సాప్‌ చాలా మంది అకౌంట్లపై నిషేధం విధిస్తూనే ఉంది. వాట్సాప్‌ సంస్థ నియమ నిబంధనలు ఉల్లంఘించిన వారిపై కొరఢా ఝులిపిస్తుంటుంది. నిబంధనలు ఉల్లంఘిస్తే వాట్సాప్‌ అకౌంట్స్‌ను బ్లాక్‌ చేస్తుంటుంది. జూన్‌ నెలలో వాట్సాప్ దాదాపు 98 లక్షల యూజర్ అకౌంట్లను తొలగించింది. ఫేక్ న్యూస్, మిస్ ఇన్ఫర్మేషన్, మాల్వేర్, స్పామ్ లింకులు, గ్రూపుల ద్వారా విద్వేష ప్రచారం, మానవ అక్రమ రవాణా, ఫ్రాడ్, ఫేక్ ప్రొఫైళ్లు,యూజర్ కంప్లైంట్ల ఆధారంగా వాట్సాప్ ఈ ఖాతాలను తొలగించింది. జూన్ నెలలో వాట్సాప్‌కు మొత్తం 23, 596 ఫిర్యాదులు అందగా వాటిలో 16వేల069 ఖాతాల తొలగింపుకు సంబంధించినవి. ఈ ఫిర్యాదులను పరిశీలించిన తర్వాత ఖాతాలపై చర్యలు తీసుకుంది. మరి అకౌంట్‌ బ్లాక్‌ అయితే ఏం చేయాలో తెలుసుకుందాం.

ఇది కూడా చదవండి: Telangana: 18 ఏళ్లు నిండిన వారికి తెలంగాణ ప్రభుత్వం గుడ్‌న్యూస్‌.. ఆగస్ట్‌ 13 వరకు అవకాశం!

వాట్సాప్‌ సంస్థ అకౌంట్‌ ఎందుకు బ్యాన్‌ చేస్తుంది?

ఇవి కూడా చదవండి

ఇక సరికొత్త ఫీచర్స్‌తో న్యూ లుక్‌లో హీరో గ్లామర్‌ 125.. అవేంటంటే

18 ఏళ్లు నిండిన వారికి తెలంగాణ ప్రభుత్వం గుడ్‌న్యూస్‌..

పిల్లవాడి ప్రాణాలను కాపాడేందుకు కుక్క ఏం చేసిందో చూడండి.. వీడియో

యూజర్ ప్రైవసీని కాపాడేందుకు వాట్సాప్ ఎప్పటికప్పుడు యాప్‌లో కీలక మార్పులు తీసుకువస్తుంటుంది. నిబంధనలు ఉల్లంఘిస్తే చర్యలు చేపడుతుంటుంది. యూజర్ల సౌకర్యార్థం వాట్సాప్ ఎప్పటికప్పుడు కొన్ని ఫీచర్లను అప్‌డేట్ చేస్తుంది. వాట్సాప్ వినియోగదారులను దుర్వినియోగం చేసిన వారి ఖాతాలను కూడా బ్లాక్ చేస్తుంది. WhatsApp పాలసీని ఉల్లంఘిస్తే, కంపెనీ ఖాతాను బ్లాక్ చేస్తుంది లేదా బ్యాన్ చేస్తుంది. అయితే, చాలా సందర్భాలలో వ్యక్తుల వాట్సాప్ ఖాతాలను ఎటువంటి పొరపాటు లేకుండా నిషేధించవచ్చు. అటువంటి పరిస్థితిలో మీ ఖాతా కూడా ఎటువంటి పొరపాటు లేకుండా నిషేధించబడితే చింతించకండి. ఈ ప్రక్రియను అనుసరించి సమస్య పరిష్కారం చేసుకోవచ్చు.

ఇది కూడా చదవండి: Electric Scooter: కేవలం రూ.10 వేలతోనే ఎలక్ట్రిక్‌ స్కూటర్‌.. 160కి.మీ మైలేజీ.. 56 లీటర్ల స్టోరేజీ!

మీ వాట్సాప్‌ అకౌంట్‌ను నిషేధిస్తే నోటిషికేషన్‌:

మీ WhatsApp ఖాతా నిషేధించబడినప్పుడు మీకు నోటిఫికేషన్ అందుతుంది. మీ ఖాతా ఎందుకు నిషేధించబడిందో ఈ నోటీసు వివరిస్తుంది. వాట్సాప్ నిబంధనలను ఉల్లంఘించడమే ఇందుకు కారణం. సమాజంపై ప్రతికూల ప్రభావం చూపే సందేశాలను పంపడం, WhatsApp ద్వారా అభ్యంతరకరమైన సమాచారాన్ని పంచుకోవడం మొదలైన వాటి కోసం మీ ఖాతా బ్లాక్ చేయవచ్చు.

ఇది కూడా చదవండి: Auto News: 28 కి.మీ మైలేజ్.. ధర రూ. 6 లక్షలు.. కానీ ఈ కారును 1000 మంది కూడా కొనలేరు.. ఎందుకో తెలుసా?

పొరపాటున నిషేధిస్తే ఏం చేయాలి?

మీ వాట్సాప్‌ ఖాతా పొరపాటున నిషేధించినట్లయితే మీరు వాట్సాప్‌ మద్దతు బృందాన్ని సంప్రదించవచ్చు. యాప్‌కి వెళ్లి ‘HELP’ ఎంపికపై క్లిక్ చేయండి. మీరు ఎదుర్కొంటున్న సమస్యను ఇమెయిల్ ద్వారా నివేదించవచ్చు. మీ సంప్రదింపు నంబర్, పూర్తి వివరాలు, మీ ఖాతాను నిషేధించడానికి గల కారణాన్ని ఇమెయిల్‌లో పంపండి. కొన్నిసార్లు వాట్సాప్‌ మీ ఖాతాను తాత్కాలికంగా నిషేధించవచ్చు. ఈ పరిమితిని 24 గంటల నుండి 30 రోజులలోపు పరిష్కరించవచ్చు. మీరు ఈ కాలంలో GBWhatsApp, WhatsApp Plus వంటి థర్డ్ పార్టీ వాట్సాప్‌ని ఉపయోగించకూడదు. ఈ తాత్కాలిక నిషేధానికి ఈ వేదికలు కూడా కారణం అవుతాయి.

ఇది కూడా చదవండి: Gold Price: మహిళలకు ఇది కదా కావాల్సింది.. రికార్డ్‌ స్థాయిలో తగ్గిన బంగారం ధర