Property Certificate: ఇల్లు కొనుగోలు చేసేటప్పుడు ఈ సర్టిఫికెట్ చాలా ముఖ్యం.. అదేంటో తెలుసా?
Property Certificate: నాన్-ఎన్కంబరెన్స్ సర్టిఫికేట్ పొందడానికి మీరు తహసీల్ కార్యాలయానికి వెళ్లి ఒక ఫారమ్ నింపాలి. ఈ ఫారమ్పై రెండు రూపాయల నాన్-జ్యుడీషియల్ స్టాంప్ కూడా ఉంటుంది. ఫారమ్ లో సర్టిఫికేట్ కోరడానికి గల కారణం, మీ చిరునామా రుజువు ధృవీకరించిన..
Updated on: Dec 19, 2025 | 5:34 PM
Property Certificate: ఇల్లు కొనడం సామాన్యులకు ఒక కల లాంటిది. నేటి ద్రవ్యోల్బణం పెరుగుతున్న నేపథ్యంలో చాలా మంది ఇల్లు కొనడానికి రుణాలు తీసుకోవలసి వస్తుంది. మీరు ఇల్లు కూడా కొంటుంటే బిల్డర్ నుండి పొందవలసిన ముఖ్యమైన పత్రాల గురించి మీరు తెలుసుకోవాలి. ఆస్తిలో పెట్టుబడి చాలా ముఖ్యమైనది. అందుకే ఈ ప్రక్రియలో చేసే ఏదైనా పొరపాటు భవిష్యత్తులో గణనీయమైన సమస్యలను కలిగిస్తుంది.
అటువంటి పరిస్థితిలో కొనుగోలుదారు ఆస్తి పత్రాలను తనిఖీ చేసేటప్పుడు అవసరమైన అన్ని జాగ్రత్తలు తీసుకోవడం చాలా అవసరం. అలాంటి ఒక పత్రం నాన్-ఎన్కంబరెన్స్ సర్టిఫికేట్. ఇది ఆస్తి రిజిస్ట్రీ, మ్యుటేషన్ పత్రాల వలె ముఖ్యమైనది.
ఈ సర్టిఫికెట్ ఎందుకు అవసరం?
ఏదైనా ఆస్తిని కొనుగోలు చేయడానికి రిజిస్ట్రేషన్ పత్రాలు, మ్యుటేషన్ పత్రాలు ఎంత ముఖ్యమో, నాన్-కంబరెన్స్ సర్టిఫికేట్ కూడా అంతే ముఖ్యమైనదని నిపుణులు అంటున్నారు. ఢిల్లీ, ముంబై వంటి ప్రధాన నగరాల్లోని కొనుగోలుదారులకు ఇది మరింత కీలకం. అందువల్ల బిల్డర్ నుండి ఇల్లు కొనుగోలు చేసేటప్పుడు నాన్-కంబరెన్స్ సర్టిఫికేట్ పొందాలని నిర్ధారించుకోండి. బిల్డర్ నుండి ఇల్లు కొనుగోలు చేసేటప్పుడు ఆస్తికి నాన్-కంబరెన్స్ సర్టిఫికేట్ పొందండి.
నాన్-ఎన్కంబరెన్స్ సర్టిఫికెట్ అంటే ఏంటి?
ఎన్ కంబరెన్స్ సర్టిఫికెట్ అనేది మీ ఆస్తికి సంబంధించిన అన్ని ఆర్థిక లావాదేవీల వివరాలను కలిగి ఉన్న రికార్డు. నాన్-ఎన్ కంబరెన్స్ సర్టిఫికెట్ అనేది మీ ఆస్తిపై ఎటువంటి రిజిస్టర్డ్ ఎన్ కంబరెన్స్లు లేవని ప్రకటించే చట్టపరమైన పత్రం. మీరు మీ గృహ రుణాన్ని తిరిగి చెల్లించిన తర్వాత మీ ఎన్ కంబరెన్స్ సర్టిఫికెట్ అన్ని తిరిగి చెల్లింపు వివరాలను తెలియజేస్తుంది. నాన్-ఎన్ కంబరెన్స్ సర్టిఫికెట్ సాధారణంగా ఆస్తికి సంబంధించిన 12 సంవత్సరాల లావాదేవీ సమాచారాన్ని కలిగి ఉంటుంది. అంటే ఇది ఆస్తి మొత్తం చరిత్రను కలిగి ఉంటుంది. దానిని ఎవరు కొనుగోలు చేశారు? ఎవరు విక్రయించారు? దాని విలువ, దానిపై ఏవైనా రుణాలు ఉన్నాయా అనే దానితో సహా వివవరాలు ఉంటాయి.
ఇది కూడా చదవండి: Best Mileage Bikes: దేశంలో అత్యధిక మైలేజీ ఇచ్చే బైక్స్ ఇవే.. మార్కెట్లో ఫుల్ డిమాండ్!
సర్టిఫికెట్ ఎక్కడ పొందాలి?
ప్రచురితమైన ఒక నివేదిక ప్రకారం, నాన్-ఎన్కంబరెన్స్ సర్టిఫికేట్ పొందడానికి మీరు తహసీల్ కార్యాలయానికి వెళ్లి ఒక ఫారమ్ నింపాలి. ఈ ఫారమ్పై రెండు రూపాయల నాన్-జ్యుడీషియల్ స్టాంప్ కూడా ఉంటుంది. ఫారమ్ లో సర్టిఫికేట్ కోరడానికి గల కారణం, మీ చిరునామా రుజువు ధృవీకరించిన కాపీ కూడా ఉండాలి. ఫారమ్ లో సర్వే నంబర్, స్థానం, ఆస్తికి సంబంధించిన ఇతర వివరాలు ఉండాలి. దరఖాస్తును పూర్తి చేసిన తర్వాత దానిని సబ్-రిజిస్ట్రార్ కార్యాలయానికి సమర్పించండి. మీకు 20 నుండి 30 రోజుల్లో సర్టిఫికేట్ అందుతుంది.
ఇది కూడా చదవండి: Jio Plan: కేవలం రూ.1748 రీఛార్జ్తో 336 రోజుల వ్యాలిడిటీ.. జియోలో సూపర్ ప్లాన్
ఇది కూడా చదవండి: Gold, Silver Prices: మహిళలకు గుడ్న్యూస్.. భారీగా తగ్గిన, బంగారం, వెండి ధరలు
మరిన్ని బిజినెస్ వార్తల కోసం ఇక్కడ క్లిక్ చేయండి
