Credit Score: మంచి క్రెడిట్ స్కోర్ అంటే ఎంత..? మెరుగుపర్చుకునే టిప్స్ ఇవే..!

సాధారణంగా క్రెడిట్ స్కోర్ 300 నుంచి 900 మధ్యలో ఉండే మూడంకెల సంఖ్య. ఇది మీ క్రెడిట్ యోగ్యతను సూచిస్తుంది. బ్యాంకులు రుణాలు ఇవ్వడానికి అత్యంత ప్రధానంగా మారుతుంది. ఈ నంబర్ బాగుంటేనే మీమీద బ్యాంకులకు విశ్వాసం కలుగుతుంది. తక్కువ వడ్డీకి రుణాలు పొందే అవకాశం లభిస్తుంది. ఆర్థిక లావాదేవీలు, బిల్లులు, క్రెడిట్ కార్డుల చెల్లింపుల ఆధారంగా క్రెడిట్ స్కోర్ ను లెక్కిస్తారు. మెరుగైన క్రెడిట్ స్కోర్ తో అనేక ఉపయోగాలు కలుగుతాయి. తక్కువ వడ్డీకే బ్యాంకు రుణాలను పొందవచ్చు. తక్కువ సమయంలో మంజూరయ్యే అవకాశం ఉంటుంది.

బలమైన క్రెడిట్ స్కోర్ తో రుణం పొందే అవకాశాలు మెరుగవుతాయి. అవసరమైన సమయంలో రుణాలను వేగంగా పొందే అవకాశం కలుగుతుంది. మంచి క్రెడిట్ స్కోర్ ఉన్నవారికి బ్యాంకులు అడిగిన వెంటనే రుణాన్ని మంజూరు చేస్తాయి. క్రెడిట్ స్కోర్ ను మెరుగుపర్చుకోవడానికి ప్రతి ఒక్కరూ చర్యలు తీసుకోవాలి. సమయానికి బిల్లులు, ఇతర చెల్లింపులు జరపాలి. ఈ కింద తెలిపిన పద్దతులు పాటించడం ద్వారా క్రెడిట్ స్కోరును మెరుగుపర్చుకోవచ్చు. క్రెడిట్ నివేదికను క్రమం తప్పకుండా సమీక్షించుకోవాలి. దానిలో ఏమైనా తేడాలు ఉండే సరిచేసుకోవాలి. సకాలంలో చెల్లింపులు జరపడం అనేది అతి ముఖ్యమైన అంశం. క్రెడిట్ స్కోర్ మెరుగుదలకు ఇదే కీలకం. ఆటోమేటిక్ చెల్లింపులను ఎంపిక చేసుకోవడం ద్వారా స్కోర్ ను మెరుగుపర్చుకోవచ్చు.

ఖర్చు అలవాట్లను అంచనా వేసుకోవాలి. దానికి అనుగుణంగా రుణాలను తీసుకోవాలి. ప్రతి నెలా సక్రమ చెల్లింపుల ద్వారా రుణభారాన్ని తగ్గించుకోవచ్చు. తరచూ రుణాల కోసం దరఖాస్తు చేసుకోకూడదు. దాని వల్ల మీరు అప్పుల కోసం ఎదురు చూస్తున్నారనే భావన కలుగుతుంది. క్రెడిట్ స్కోర్ ను మెరుగుపర్చుకోవడం కోసం క్రెడిట్ కార్డు లేదా చిన్న మొత్తంలో రుణం తీసుకోవాలి. వాటికి సక్రమంగా చెల్లింపులు జరపడం ద్వారా స్కోర్ మెరుగవుతుంది. ఆటో చెల్లింపు రిమైండర్లను సెట్ చేసుకోవాలి. దీని వల్ల సకాలంలో చెల్లింపులు జరుగుతాయి. వాయిదాలను మర్చిపోయే అవకాశం ఉండదు. సాధారణంగా 750 దాటితే మంచి క్రెడిట్ స్కోర్ గా భావిస్తారు.

ఇవి కూడా చదవండి

ఎక్స్ఛేంజ్ ట్రేడెడ్ ఫండ్స్..దీనిని అమ్మడం.. కొనడం ఎలా..?

ఇది ప్రపంచంలో ఎత్తైన రైల్వే వంతెన.. ఈ రైల్లో ప్రయాణం స్వర్గంలో

స్థిరంగానే బంగారం ధర.. తెలుగు రాష్ట్రాల్లో తులం ఎంతంటే..?

పసిడి కొనుగోలులో ఆర్బీఐ దూకుడు.. 876 టన్నులకు చేరిన నిల్వలు

మరిన్ని బిజినెస్ వార్తల కోసం ఇక్కడ క్లిక్ చేయండి