Two Wheeler Sales: బైక్స్ తెగ కొనేస్తున్నారుగా.. ఆరేళ్ల రికార్డు బద్దలు.. ఎక్కువగా ఆ కంపెనీ వాహనాలే..
ఈ ఏడాది బైక్‌లు, స్కూటర్లు, మోపెడ్ ఇలా మూడు విభాగాల్లోనూ రెండంకెల వృద్ధి కనిపించింది. మోటార్‌సైకిల్ అమ్మకాలు 16.31 శాతం, స్కూటర్ అమ్మకాలు 22 శాతం, మోపెడ్ అమ్మకాలు 16.55 శాతం మేర పెరిగాయి.
మార్కెట్‌లో ద్విచక్ర, నాలుగు చక్రాల వాహనాలకు క్రమంగా డిమాండ్ పెరుగుతోంది. ఆటో కంపెనీల విక్రయాలు కూడా బాగా ఊపందుకుంటున్నాయి. ప్రతి నెలా వెలువడుతున్న విక్రయాల గణాంకాలే ఇందుకు ప్రత్యక్ష నిదర్శనం. 2024 మొదటి 6 నెలల్లో స్కూటర్లు, మోటార్‌సైకిళ్ల వంటి ద్విచక్ర వాహనాల అమ్మకాల్లో భారీ పెరుగుదల కనిపించింది. కొన్ని నివేదికల ప్రకారం, ఆటో కంపెనీలు 2024 ఏప్రిల్- సెప్టెంబర్ నెలల మధ్య దేశవ్యాప్తంగా డీలర్లకు మొత్తం 1 కోటి 01 లక్షల 64 వేల 980 యూనిట్లు అంటే 10 మిలియన్లకు పైగా ద్విచక్ర వాహనాలను పంపించాయి. ఏడాది ప్రాతిపదికన 16.31 శాతం బలమైన వృద్ధి నమోదైందని ఈ డేటాను బట్టి స్పష్టమవుతోంది.అలాగే నివేదికల ప్రకారం, 6 సంవత్సరాల క్రితం 2018, 2019 మొదటి 6 నెలలు కూడా 10 మిలియన్లు అంటే 1 కోటి యూనిట్లను దాటింది.
నంబర్ 1, నంబర్ 2 స్థానాల్లో తమ ఆధిపత్యాన్ని కొనసాగించేందుకు ఆటో కంపెనీల మధ్య గట్టి పోటీ నడుస్తోంది. హీరో మోటోకార్ప్ 2.94 మిలియన్ యూనిట్లతో 10 శాతం వార్షిక వృద్ధిని నమోదు చేసింది. హీరోకి 28.92 శాతం మార్కెట్ షేర్ ఉంది. అదే సమయంలో, రెండవ స్థానంలో హోండా మోటార్‌సైకిల్, స్కూటర్ ఇండియా లిమిటెడ్ కంపెనీ 2.88 మిలియన్ యూనిట్లతో 31 శాతం వార్షిక వృద్ధిని నమోదు చేసింది. ప్రస్తుతం హోండా 28.34 మార్కెట్ వాటాను కలిగి ఉంది. ఒకప్పుడు రెండు కంపెనీలు కలిసి హీరో హోండా పేరుతో ద్విచక్ర వాహనాలను మార్కెట్‌లోకి విడుదల చేసేవి, ఇప్పుడు రెండు కంపెనీల మధ్య గట్టి పోటీ నెలకొంది. ఏప్రిల్-సెప్టెంబర్ 2024 చివరి నాటికి, రెండు కంపెనీల మధ్య వ్యత్యాసం కేవలం 59,247 హోల్‌సేల్ అమ్మకాలు. ఒక సంవత్సరం క్రితం వరకు ఈ సంఖ్య 475,126 యూనిట్లు . ఆ సమయంలో హీరో మోటోకార్ప్ 33 శాతం మార్కెట్ వాటాను, హోండా 25 శాతం మార్కెట్ వాటాను కలిగి ఉన్నాయి.
TVS మోటార్ H1 FY2025లో 1.74 మిలియన్ యూనిట్ల హోల్‌సేల్ అమ్మకాలను నమోదు చేసింది. ఇది గత సంవత్సరం కంటే 15 శాతం ఎక్కువ. దీంతో టీవీఎస్ మార్కెట్ వాటా 17 శాతంగా ఉంది. బజాజ్ ఆటో 1.21 మిలియన్ యూనిట్ల అమ్మకాలతో మంచి పనితీరును కనబరిచింది. గత ఏడాది ఇదే త్రైమాసికంతో పోలిస్తే కంపెనీకి సంవత్సరానికి 17 శాతం వృద్ధి. దీంతో కంపెనీకి 12 శాతం మార్కెట్ వాటా ఉంది. సుజుకి మోటార్‌సైకిల్ ఇండియా 5,16,530 యూనిట్ల హోల్‌సేల్ అమ్మకాలను సాధించింది, దీనితో కంపెనీ 16 శాతం వృద్ధిని సాధించింది.
లగ్జరీ కార్ల తయారీ సంస్థ జాగ్వార్ ల్యాండ్ రోవర్ రిటైల్ విక్రయాలు ఏడాది ప్రాతిపదికన 36 శాతం పెరిగిందిజ ప్రస్తుత ఆర్థిక సంవత్సరం మొదటి ఆరు నెలల్లో 3214 యూనిట్లకు చేరుకున్నాయి. ఏప్రిల్-సెప్టెంబర్‌లో అమ్మకాలు జోరుగా సాగడంతో మొదటి, రెండో త్రైమాసికాల్లో మంచి విక్రయాలు నమోదయ్యాయని కంపెనీ పేర్కొంది. మెరుగైన సరఫరా కాకుండా, రేంజ్ రోవర్, డిఫెండర్ మోడళ్లకు నిరంతరం పెరుగుతున్న డిమాండ్ కారణంగా అమ్మకాలు ఊపందుకున్నాయి. 2024-25 మాకు గొప్ప సంవత్సరం అని JLR ఇండియా మేనేజింగ్ డైరెక్టర్ అన్నారు. రేంజ్ రోవర్ స్పోర్ట్, రేంజ్ రోవర్‌లను స్థానికంగా తయారు చేయాలనే మా నిర్ణయం మంచి ఫలితాలను చూస్తోంది. అందుకే ఆర్డర్‌లు 60 శాతం పెరిగాయి.
మరిన్ని బిజినెస్ వార్తల కోసం క్లిక్ చేయండి.
