SBI Balance Check: వారెవ్వా ఎస్బీఐ.. వినియోగదారులకు ఎన్ని అవకాశాలో.. ఇంట్లో నుంచే సమస్తం చేసుకోవచ్చు..
గతంలో ఖాతాలో సొమ్మును చెక్‌ చేసుకోవాలంటే బ్యాంకుకు వెళ్లాల్సి వచ్చేది. అక్కడ లైన్‌లో నిలబడి బ్యాంకు సిబ్బందికి పాస్‌ బుక్‌ ఇచ్చి చెక్‌ చేయించుకునేవారు. తర్వాత ఏటీఎమ్‌లు వచ్చినా అక్కడ కూడా లైన్‌ లో నిలబడడం తప్పనిసరి అయ్యింది. ఇప్పుడు టెక్నాలజీ మారింది. ఇంటి దగ్గర నుంచే బ్యాలెన్స్ తనిఖీ చేసుకునే పద్దతులు వచ్చాయి. స్టేట్‌ బ్యాంక్‌ ఆఫ్‌ ఇండియా (ఎస్బీఐ) ఖాతాదారులు బ్యాలెన్స్‌ను తనిఖీ చేసుకునే విధానాలను తెలుసుకుందాం.
మన జీవితానికి ఆర్థిక భద్రత, భరోసా కల్పించడంలో బ్యాంకులు కీలక పాత్ర పోషిస్తాయి. జీవితాంతం వీటి ద్వారా లావాదేవీలు కొనసాగిస్తూ ఉంటాం. ముఖ్యంగా తమ బ్యాంకు ఖాతాలలో ఎంత సొమ్ము ఉందో తెలుసుకోవడం ప్రతి ఒక్కరికీ చాలా అవసరం. ఇటీవల ప్రభుత్వ పథకాల సొమ్ములు బ్యాంకు ఖాతాలలో పడుతుండడంతో ఈ అవసరం మరీ పెరిగింది. గతంలో ఖాతాలో సొమ్మును చెక్‌ చేసుకోవాలంటే బ్యాంకుకు వెళ్లాల్సి వచ్చేది. అక్కడ లైన్‌లో నిలబడి బ్యాంకు సిబ్బందికి పాస్‌ బుక్‌ ఇచ్చి చెక్‌ చేయించుకునేవారు. తర్వాత ఏటీఎమ్‌లు వచ్చినా అక్కడ కూడా లైన్‌ లో నిలబడడం తప్పనిసరి అయ్యింది. ఇప్పుడు టెక్నాలజీ మారింది. ఇంటి దగ్గర నుంచే బ్యాలెన్స్ తనిఖీ చేసుకునే పద్దతులు వచ్చాయి. స్టేట్‌ బ్యాంక్‌ ఆఫ్‌ ఇండియా (ఎస్బీఐ) ఖాతాదారులు ఆన్‌లైన్‌లో బ్యాలెన్స్‌ను తనిఖీ చేసుకునే విధానాలను తెలుసుకుందాం.
మొబైల్ యాప్‌లు..
ఎస్బీఐ మొబైల్ యాప్‌ల ద్వారా బ్యాలెన్స్‌ను తనిఖీ చేసుకోవచ్చు. నేడు ప్రతి ఒక్కరి దగ్గరా స్మార్ట్‌ఫోన్‌ తప్పనిసరిగా ఉంటోంది. వాటి ద్వారా మొబైల్ యాప్‌లను ఉపయోగించి బ్యాలెన్స్ వివరాలు తెలుసుకునే అవకాశం ఉంది.
ఎస్బీఐ యోనో యాప్.. స్టేట్‌ బ్యాంక్‌ ఆఫ్‌ ఇండియా ప్రధాన మొబైల్ బ్యాంకింగ్ యాప్ ఇది. మొబైల్ బ్యాంకింగ్ పిన్ (ఎంపిఐఎన్‌)ను ఉపయోగించి లాగిన్ అవ్వాలి. ఖాతాలు విభాగానికి వెళితే, మీ బ్యాలెన్స్ వివరాలు కనిపిస్తాయి. యోనో లైట్‌ ఎస్బీఐ.. యోనో యాప్ సరళీకృత వెర్షన్ను యోనో లైట్‌ ఎస్బీఐ అంటారు. మీ నెట్ బ్యాంకింగ్ ఆధారాలను ఉపయోగించి లాగిన్ అవ్వాలి. ఆ తర్వాత వ్యూ బ్యాలెన్స్ ఎంపికపై క్లిక్ చేస్తే బ్యాలెన్స్ వివరాలు కనిపిస్తాయి. బీహెచ్‌ఐఎమ్‌ ఎస్బీఐ పే యాప్.. యూపీఐ చెల్లింపుల కోసం దీన్ని రూపొందించినప్పటికీ బ్యాలెన్స్ కూడా తనిఖీ చేసుకోవచ్చు. మీ పిన్ నంబర్ ను ఉపయోగించి లాగిన్ అవ్వాలి. ఆ తర్వాత వ్యూ బ్యాలెన్స్ ఎంపికపై క్లిక్ చేయండి.
ఎస్‌ఎంఎస్‌ సర్వీస్‌.. ఎస్బీఐ ఖాతాలో బ్యాలెన్స్‌ను తనిఖీ చేసుకోవడానికి ఎస్‌ఎమ్‌ఎస్‌ సర్వీస్‌ను వాడుకోవచ్చు. బీఏఎల్‌ అని టైప్ చేసి మీ రిజిస్టర్డ్ మొబైల్ నంబర్ నుంచి 09223766666కి ఎస్‌ఎమ్‌ఎస్‌ పంపండి. వెంటనే మీకు బ్యాలెన్స్ వివరాలు తెలుపుతూ మెసేజ్‌ వస్తుంది.
నెట్ బ్యాంకింగ్.. మీ ఆధారాలను ఉపయోగించి ఎస్బీఐ నెట్ బ్యాంకింగ్ వెబ్‌సైట్ కి లాగిన్ అవ్వండి. మై అక్కౌంట్‌కు వెళ్లి ఖాతా బ్యాలెన్స్‌పై క్లిక్ చేయండి. వెంటనే వివరాలు ప్రత్యక్షమవుతాయి.
వాట్సాప్ ద్వారా.. మీ స్మార్ట్‌ఫోన్‌లో +919022690226 నంబర్‌ను సేవ్ చేసుకోండి. దీనితో వాట్సాప్ చాట్‌ను తెరవండి. చాట్ బాక్స్‌లో ‘హాయ్’ అని టైప్ చేయండి. మీకు ఎంపికలు కనిపిస్తాయి. వాటిలో బ్యాలెన్స్ పొందండి అనే దానిపై క్లిక్ చేయండి.
ఇతర పద్ధతులు..
తాజాగా రికార్డ్ చేయబడిన బ్యాలెన్స్ కోసం మీ భౌతిక పాస్‌బుక్‌ను పరిశీలించుకోవచ్చు. టోల్ ఫ్రీ కస్టమర్ కేర్ నంబర్‌కు కాల్ చేసి తెలుసుకునే అవకాశం కూడా ఉంది. అయితే మొబైల్ యాప్, ఎస్‌ఎమ్‌ఎస్‌ ద్వారా బ్యాలెన్స్ తెలుసుకోవడానికి మీ మొబైల్ నంబర్‌ను ఖాతాతో తప్పకుండా లింక్‌ చేసుకుని ఉండాలి.
భద్రతా చిట్కాలు..
- ఆన్లైన్ బ్యాంకింగ్ తో ఎన్నో ఉపయోగాలు ఉన్నాయి. ఇంటి దగ్గర నుంచే బ్యాంకింగ్ వ్యవహరాలు సులువుగా చేసుకోవచ్చు. అయితే వీటి విషయంలో కొన్ని జాగ్రత్తలు తీసుకోవాలి.
- ఖాతాలకు పటిష్టమైన, ప్రత్యేకమైన పాస్‌వర్డ్‌లను పెట్టుకోండి. పుట్టిన రోజులు, పెంపుడు జంతువుల పేర్లు, సులభంగా ఊహించగలిగే సమాచారాన్ని ఉపయోగించొద్దు. అలాగే ప్రతి 2 నుంచి 3 నెలలకు వాటిని మార్చుతూ ఉండాలి.
- మీ బ్యాంక్‌ నుంచి వచ్చినట్టు చూపే ఇమెయిల్స్‌, టెక్స్ట్‌లు, ఫోన్‌ కాల్స్‌కు ఎప్పుడూ మీ లాగిన్ వివరాలు చెప్పొద్దు. ఎస్‌బీఐతో ఏ ఇతర బ్యాంకులు కూడా ఆ విధంగా మిమ్మల్ని సమాచారం అడగవు.
- ఇంటర్నెట్ సెంటర్లు తదితర పబ్లిక్, షేర్డ్ కంప్యూటర్‌లలో మీ ఖాతాను యాక్సెస్ చేయవచ్చు. ఒకవేళ అనివార్యమైతే మీరు పూర్తిగా లాగ్ అవుట్ అయ్యారో లేదో చూసుకోండి. మీ బ్రౌజింగ్ హిస్టరీని క్లియర్ చేయండి.
- ఆఫర్లు, స్కామ్‌లతో జాగ్రత్తగా ఉండాలి. అనుమానాస్పద లింక్‌లపై క్లిక్ చేయకూడదు. అవి మీ సమాచారాన్ని దొంగిలించడానికి లేదా మాల్వేర్‌తో మీ పరికరానికి హాని కలిగించే ప్రయత్నాలు కావచ్చు.
- ఆన్లైన్ బెదిరింపుల నుంచి కాపాడుకోవడానికి మీ కంప్యూటర్, స్మార్ట్‌ఫోన్‌ను తాజా యాంటీవైరస్, యాంటీ మాల్వేర్ సాఫ్ట్‌వేర్‌తో అప్‌డేట్ చేసుకోండి.
- మీ బ్రౌజర్ అడ్రస్ బార్‌లో యూఆర్‌ఎల్‌ని టైప్ చేయడం ద్వారా నేరుగా నెట్ బ్యాంకింగ్ వెబ్‌సైట్‌ను ఎల్లప్పుడూ యాక్సెస్ చేయండి. ఇమెయిల్‌లు, ఇతర మూలాధారాల నుంచి లింక్‌లను క్లిక్ చేయవద్దు.
- ఏటీఎమ్‌లను ఉపయోగిస్తున్నప్పుడు జాగ్రత్తగా ఉండాలి.
మరిన్ని బిజినెస్ వార్తల కోసం ఇక్కడ క్లిక్ చేయండి..
