Luxury Cars: రూ. 10లక్షలలోపు ధరలోనే ఆడీ, బెంజ్, ఆడీ కార్లు.. ఓ కల తీరిపోద్ది ఇలా..
ఇటీవల యూజ్డ్ కార్లకు డిమాండ్ పెరుగుతోంది. ముఖ్యంగా లగ్జరీ కార్లను కొనుగోలు చేయాలనుకునే వారికి ఇది మరీ బెస్ట్ ఆప్షన్ గా మారుతుంది. సాధారణంగా టాప్ బ్రాండ్ల లగ్జరీ కార్లు వీటి ధరలు రూ. 30 లక్షల నుంచి రూ. 3 కోట్ల వరకు ఉంటుంది. అయితే అవే కార్లను సెకండ్ హ్యాండ్లో కొనుగోలు చేస్తే రూ. 8లక్షల నుంచి ప్రారంభమవుతాయి. రూ. 10లక్షల లోపు ధరలో లభ్యమయ్యే కొన్ని కార్లను మీకు పరిచయం చేస్తున్నాం.
Updated on: Dec 04, 2023 | 8:15 PM
లగ్జరీ కార్లను కొనుగోలు చేయడం అంత తేలిక కాదు. వాటి ధరలు ఆకాశాన్నంటుతాయి. సామాన్యులకు అందవు. పెద్ద బిజినెస్ పర్సన్లు, భారీ మొత్తంలో శాలరీలు వచ్చే ఉద్యోగాల్లో ఉండే వారు మాత్రమే వాటిని కొనుగోలు చేస్తుంటారు. ప్రదానంగా బీఎండబ్ల్యూ, మెర్సిడెస్ బెంజ్, ఆడీ వంటి బ్రాండ్లు లగ్జరీకార్లను ఎక్కువగా తయారు చేస్తుంటాయి. వాటిని కొనుగోలు చేయాలని చాలా మంది కలలు కంటుంటారు. అయితే ఆ కలను సాకారం చేసే ఓ చిట్కా ఉంది. తక్కువ ధరలోనే వాటిని కొనుగోలు చేసుకోవచ్చు. అదెలా అంటారా? సెకండ్ హ్యాండ్ కారు. అవునండి, ఇటీవల యూజ్డ్ కార్లకు డిమాండ్ పెరుగుతోంది. ముఖ్యంగా లగ్జరీ కార్లను కొనుగోలు చేయాలనుకునే వారికి ఇది మరీ బెస్ట్ ఆప్షన్ గా మారుతుంది. సాధారణంగా టాప్ బ్రాండ్ల లగ్జరీ కార్లు వీటి ధరలు రూ. 30 లక్షల నుంచి రూ. 3 కోట్ల వరకు ఉంటుంది. అయితే అవే కార్లను సెకండ్ హ్యాండ్లో కొనుగోలు చేస్తే రూ. 8లక్షల నుంచి ప్రారంభమవుతాయి. రూ. 10లక్షల లోపు ధరలో లభ్యమయ్యే కొన్ని కార్లను మీకు పరిచయం చేస్తున్నాం.
ఆడీ ఏ4.. ఆడీ అనేది ఓ జర్మన్ కార్ మేకర్. దీనికి ప్రపంచవ్యాప్తంగా మంచి పేరుంది. లగ్జరీ కార్లను అందించే వాహనాల్లో అగ్రగామిగా ఉంది. ఈ కంపెనీ మన భారతదేశంలోని అన్ని గ్మెంట్లలో అనేక కార్లను విక్రయిస్తోంది. ఆడి హౌస్ నుంచి అత్యంత విజయవంతమైన సెడాన్లలో ఒకటి ‘ఆడి ఏ4’. ఈ కారు 2011లో మన దేశంలో లాంచ్ అయ్యింది. కొత్త కారు అయితే రూ. 38.10లక్షల నుంచి రూ. 41.20లక్షల మధ్య ఉంటుంది. సెకండ్ హ్యాండ్ కొనుగోలు చేయాలనుకుంటే రూ. 10 లక్షల లోపు ధరలోనే వస్తుంది. దీనిలో 1968సీసీ, 4-సిలిండర్ ఇన్లైన్ డీజిల్ ఇంజిన్తో ఆధారంగా పనిచేస్తుంది. ఈ ఇంజన్ 3800-4200 ఆర్పీఎం వద్ద గరిష్టంగా 140కేడబ్ల్యూ శక్తిని ఉత్పత్తి చేస్తుంది. దీని ధర రూ. 9.75లక్షలు ఉంటుంది. మైలేజీ 12.3కిలోమీటర్లు వస్తుంంది.
బీఎండబ్ల్యూ 5-సిరీస్.. భారతదేశంలోని రూ. 10 లక్షల లోపు లగ్జరీ కార్ల జాబితాలో ఉన్న మరొక జర్మన్ కార్ మేకర్ ఇది. దేశంలో అత్యధికంగా అమ్ముడవుతున్న లగ్జరీ కార్లలో ఒకటిగా గుర్తింపు పొందిన బీఎండబ్ల్యూ 5-సిరీస్ పోర్ట్ఫోలియోలో అనేక ఫీచర్లు, స్పెక్స్ను అందిస్తుంది. పెట్రోల్, డీజిల్ రెండు ఇంజిన్లతోనూ ఇది వస్తుంది. దీనిలో 2996 సీసీ ఇంజిన్ ఉంటుంది. ఇది 258బీహెచ్పీ శక్తిని ఉత్పత్తి చేస్తుంది. 2008లో లాంచ్ అయిన ఈ కారు అసలు ధర రూ. 49.9లక్షల నుంచి రూ. 61.2లక్షలు కాగా.. సెకండ్ హ్యాండ్ కారు ధర రూ. 9లక్షలుంటుంది. మైలేజీ లీటర్ పెట్రోల్ పై 10.6కిలోమీటర్లు వస్తుంది.
మెర్సిడెస్-బెంజ్ సి-క్లాస్.. భారతదేశంలో 10 లక్షల లోపు ఉన్న లగ్జరీ కార్ల జాబితాలో ఇది కూడా బెస్ట్ ఎంపిక. ప్రస్తుత వెర్షన్ పెట్రోల్, డీజిల్ వేరియంట్లలో అందుబాటులో ఉంది. ఈ ఇంజన్ గరిష్టంగా 184 బీహెచ్పీ శక్తిని మరియు 300 ఎన్ఎం గరిష్ట టార్క్ను ఉత్పత్తి చేస్తుంది. 2008లో లాంచ్ అయిన ఈ కారు కొత్తది అయితే రూ. 39.9లక్షల నుంచి రూ. 43.54లక్షలు ఉంటుంది. అదే యూజ్డ్ కారు అయితే రూ. 8.5లక్షలుగా ఉంది. మైలేజీ 11.74 కిలోమీటర్లుగా ఉంది.
బీఎండబ్ల్యూ 3 సిరీస్.. మన దేశంలో అత్యధికంగా అమ్ముడవుతున్న మరో బీఎండబ్ల్యూ కారు ఇది. దీనిలో 1998సీసీ బీఎండబ్ల్యూ ట్విన్ పవర్ టర్బో 4 సిలెండర్ ఇంజిన్ ఆధారంగా పనిచేస్తుంది. ఇది గరిష్టంగా 252హెచ్పీ శక్తిని, 350ఎన్ఎం టార్క్ ని ఉత్పత్తి చేస్తుంది. ఈకారు కొత్తది అయితే రూ. 41.4 లక్షల నుంచి 45.3లక్షలు ఉంటుంది. అదే సెకండ్ హ్యాండ్ కారు ధర రూ. 8.5లక్షలు ఉంటుంది. మైలేజీ 12.05కిలోమీటర్లు వస్తుంది.
మరిన్ని బిజినెస్ వార్తల కోసం ఇక్కడ క్లిక్ చేయండి..
