Tata Motors: టాటా మోటార్స్‌ కీలక నిర్ణయం.. 15వేల కోట్లతో కొత్త ఉత్పత్తుల అభివృద్ధి..!

Tata Motors: ఎలక్ట్రిక్ వాహనాలకు పెరుగుతున్న డిమాండ్ పెరుగుతోంది. టాటా మోటార్స్ ఎలక్ట్రిక్ వాహనాల (Electric Vehicles) విభాగంలో భారీ పెట్టుబడి పెట్టాలని యోచిస్తోంది . టాటా మోటార్స్ వచ్చే ఐదేళ్లలో ఎలక్ట్రిక్ వాహనాల విభాగంలో రూ.15,000 కోట్ల పెట్టుబడులు పెట్టనుందని కంపెనీ సీనియర్ అధికారి ఒకరు తెలిపారు. టాటా మోటార్స్ ప్యాసింజర్ వెహికల్స్ బిజినెస్ ప్రెసిడెంట్ శైలేష్ చంద్ర మాట్లాడుతూ.. నెక్సాన్ వంటి వాహనాలతో కొత్తగా అభివృద్ధి చెందుతున్న EV సెగ్మెంట్‌లో అగ్రగామిగా ఉన్న టాటా మోటార్స్, రాబోయే కాలంలో ఈ విభాగంలో మరో 10 కొత్త ఉత్పత్తులను అభివృద్ధి చేయాలని యోచిస్తోందని తెలిపారు.

కంపెనీ 1 బిలియన్ డాలర్లు సేకరించింది

ఇందు కోసం వచ్చే ఐదేళ్లలో ఎలక్ట్రిక్‌ వాహనాల కోసం రూ.15 వేల కోట్ల పెట్టుబడులు పెడతామని శైలేష్ చంద్ర తెలిపారు. ఇందులో వివిధ రకాల బాడీ స్టైల్స్, ధరలు, డ్రైవింగ్ రేంజ్ ఆప్షన్‌లతో దాదాపు 10 ఉత్పత్తులపై పని చేయబోతున్నామని అన్నారు. అయితే కంపెనీ తన EV విభాగం కోసం ప్రైవేట్ ఈక్విటీ దిగ్గజం TPG నుండి $ 1 బిలియన్లను సేకరించింది. దీనితో వ్యాపారం యొక్క మొత్తం విలువ $9.1 బిలియన్లకు చేరుకుంది.

ఔరంగాబాద్ మిషన్ ఫర్ గ్రీన్ మొబిలిటీ (AMGM) కార్యక్రమంలో భాగంగా 101 ఎలక్ట్రిక్ వాహనాల బ్యాచ్ నగరవాసులకు డెలివరీ చేసేందుకు నిర్ణయం తీసుకున్నట్లు తెలిపారు. AMGM ఇజ్ కింద 250 ఎలక్ట్రిక్ వాహనాలను ఆర్డర్ చేసినట్లు తెలిపారు. ఛార్జింగ్ సౌకర్యాలతో EV పర్యావరణ వ్యవస్థ అభివృద్ధిని వేగవంతం చేయాల్సిన అవసరం ఉందని అన్నారు.

ఎలక్ట్రిక్ వాహనాల కొనుగోలుదారుల ప్రొఫైల్ వేగంగా మారుతుందని, చాలా మంది EV కొనుగోలుదారులు మొదటిసారి కారును కొనుగోలు చేస్తున్నారని చంద్ర తెలియజేశారు. మేము ఎలక్ట్రిక్ కారును విడుదల చేసినప్పుడు, ఆ సమయంలో మా మొదటి కారుగా ఉపయోగించేవారు 20-25 శాతం మాత్రమే ఉండేవారని, ఇప్పుడు ఈ సంఖ్య 65 శాతానికి పెరిగిందని ఆయన అన్నారు. టాటా మోటార్స్ ఇప్పటివరకు 22,000 ఎలక్ట్రిక్ వాహనాలను విక్రయించిందన్నారు.

ఇవి కూడా చదవండి:

RBI: బ్యాంకులపై ఆర్బీఐ కొరఢా.. నిబంధనలు పాటించని 8 బ్యాంకులపై జరిమానా విధింపు..!

Ola Electric Scooter: ఓలా నుంచి సరికొత్త ఎలక్ట్రిక్‌ స్కూటర్‌.. ఆ రెండు రోజులే అవకాశం..!