September 1 Rule Changes: బిగ్ అలర్ట్.. సెప్టెంబర్ 1 నుంచి మారనున్న కొత్త రూల్స్.. జేబుకు చిల్లులే..
ఇప్పుడు ఆగస్టు నెల ముగియడానికి కొన్ని రోజులు మాత్రమే మిగిలి ఉన్నాయి. అటువంటి పరిస్థితిలో కొత్త నెల నుండి చాలా పెద్ద మార్పులు కనిపిస్తాయి. ఇది సాధారణ ప్రజల జేబులపై నేరుగా ప్రభావం చూపుతుంది. సెప్టెంబర్ నెల నుండి అలాంటి కొన్ని ప్రత్యేక మార్పులు జరగనున్నాయి. ఇది మీ జేబుపై ప్రభావం చూపుతుంది. ఈ మార్పులలో ఎల్పీజీ గ్యాస్ సిలిండర్ ధర నుండి క్రెడిట్ కార్డ్ల నియమాల వరకు అన్నీ ఉంటాయి..
![September 1 Rule Changes: బిగ్ అలర్ట్.. సెప్టెంబర్ 1 నుంచి మారనున్న కొత్త రూల్స్.. జేబుకు చిల్లులే..](https://images.tv9telugu.com/wp-content/uploads/2024/08/september-1-rule-changes.jpg?w=1280)
ఇప్పుడు ఆగస్టు నెల ముగియడానికి కొన్ని రోజులు మాత్రమే మిగిలి ఉన్నాయి. అటువంటి పరిస్థితిలో కొత్త నెల నుండి చాలా పెద్ద మార్పులు కనిపిస్తాయి. ఇది సాధారణ ప్రజల జేబులపై నేరుగా ప్రభావం చూపుతుంది. సెప్టెంబర్ నెల నుండి అలాంటి కొన్ని ప్రత్యేక మార్పులు జరగనున్నాయి. ఇది మీ జేబుపై ప్రభావం చూపుతుంది. ఈ మార్పులలో ఎల్పీజీ గ్యాస్ సిలిండర్ ధర నుండి క్రెడిట్ కార్డ్ల నియమాల వరకు అన్నీ ఉంటాయి. అలాగే ప్రభుత్వ ఉద్యోగులకు డియర్నెస్ అలవెన్స్కు సంబంధించి ప్రత్యేక ప్రకటనలు ఉండవచ్చు. సెప్టెంబరు నెలలో ఎలాంటి మార్పులు జరగవచ్చో, అది మీ జేబుపై ఎంత ప్రభావం చూపుతుందో తెలుసుకుందాం.
ఇది కూడా చదవండి: Nita Ambani: అంబానీ భార్య నీతా అంబానీ ఆస్తుల విలువ ఎంతో తెలుసా?
LPG సిలిండర్ ధర
ప్రతినెలా 1వ తేదీన LPG ధరను ప్రభుత్వం మారుస్తుంది. వాణిజ్య గ్యాస్ సిలిండర్లు, ఎల్పీజీ ధరలలో మార్పులు కనిపిస్తున్నాయి. అటువంటి పరిస్థితిలో ఈసారి కూడా సిలిండర్ ధరలో మార్పు ఉంటుందని భావిస్తున్నారు. గత నెలలో వాణిజ్య ఎల్పీజీ గ్యాస్ సిలిండర్ ధర 8.50 రూపాయలు పెరిగింది. జూలైలో దాని ధర 30 రూపాయలు తగ్గింది.
ఏటీఎఫ్, సీఎన్జీ-పీఎన్జీ రేట్లు:
ఎల్పీజీ సిలిండర్ ధరలతో పాటు, చమురు మార్కెట్ కంపెనీలు ఎయిర్ టర్బైన్ ఫ్యూయల్ (ATF), సీఎన్జీ-పీఎన్జీ ధరలను కూడా సవరిస్తాయి. ఈ కారణంగా మొదటి తేదీలో వాటి ధరలలో మార్పులు చూడవచ్చు.
ఫేక్ కాల్స్, మెసేజ్ల రూల్స్:
ఫేక్ కాల్స్, ఫేక్ మెసేజ్లను అరికట్టాలని టెలికాం కంపెనీలను ట్రాయ్ ఆదేశించింది. ఈ విషయంలో సెప్టెంబర్ 1 నుంచి నిబంధనలు మారనున్నాయి. ఇందుకోసం ట్రాయ్ కఠినమైన మార్గదర్శకాలను జారీ చేసింది. జియో, ఎయిర్టెల్, వొడాఫోన్, ఐడియా, బిఎస్ఎన్ఎల్ వంటి టెలికాం కంపెనీలను సెప్టెంబర్ 30 నాటికి 140 మొబైల్ నంబర్ సిరీస్ల నుండి బ్లాక్చెయిన్ ఆధారిత డిఎల్టికి అంటే డిస్ట్రిబ్యూటెడ్ లెడ్జర్ టెక్నాలజీ ప్లాట్ఫారమ్కు టెలిమార్కెటింగ్ కాల్లు, వాణిజ్య సందేశాలను మార్చాలని ట్రాయ్ సూచించింది. సెప్టెంబరు 1 నుంచి ఫేక్ కాల్స్పై నిషేధం విధించే అవకాశం ఉంది.
క్రెడిట్ కార్డ్ నియమాలు:
హెచ్డీఎఫ్సీ బ్యాంక్ సెప్టెంబర్ 1 నుండి యుటిలిటీ లావాదేవీలపై రివార్డ్ పాయింట్ల పరిమితిని నిర్ణయించబోతోంది. దీని కింద కస్టమర్లు ఈ లావాదేవీలపై ప్రతి నెలా 2,000 పాయింట్ల వరకు మాత్రమే పొందగలరు. థర్డ్ పార్టీ యాప్ ద్వారా ఎడ్యుకేషనల్ పేమెంట్ చేస్తే హెచ్డీఎఫ్సీ బ్యాంక్ ఎలాంటి రివార్డ్ ఇవ్వదు.
ఐడీఎఫ్సీ ఫస్ట్ బ్యాంక్
ఐడీఎఫ్సీ ఫస్ట్ బ్యాంక్ సెప్టెంబర్ 2024 నుండి క్రెడిట్ కార్డ్లపై చెల్లించాల్సిన కనీస మొత్తాన్ని తగ్గిస్తుంది. చెల్లింపు తేదీ కూడా 18 నుండి 15 రోజులకు తగ్గించనుంది. ఇది కాకుండా, మరో మార్పు కూడా ఉంది. సెప్టెంబర్ 1, 2024 నుండి యూపీఐ, ఇతర ప్లాట్ఫారమ్లలో చెల్లింపుల కోసం RuPay క్రెడిట్ కార్డ్లను ఉపయోగించే కస్టమర్లు ఇతర చెల్లింపు సర్వీస్ ప్రొవైడర్ల క్రెడిట్ కార్డ్లను ఉపయోగించే వారి రివార్డ్ పాయింట్లను పొందుతారు.
డియర్నెస్ అలవెన్స్ :
సెప్టెంబర్లో కేంద్ర ప్రభుత్వ ఉద్యోగులకు పెద్ద ప్రకటన వచ్చే అవకాశం ఉంది. ప్రభుత్వం ఉద్యోగులకు డియర్నెస్ అలవెన్స్ను 3 శాతం పెంచే అవకాశం ఉందని భావిస్తున్నారు. ప్రస్తుతం ప్రభుత్వ ఉద్యోగులకు 50 శాతం డియర్నెస్ అలవెన్స్ (డీఏ) ఇస్తుండగా, 3 శాతం పెరిగిన తర్వాత అది 53 శాతానికి చేరనుంది.
ఉచిత ఆధార్ కార్డ్ అప్డేట్ :
ఉచిత ఆధార్ కార్డ్ అప్డేట్ కోసం చివరి తేదీ సెప్టెంబర్ 14గా ఉంది. దీని తర్వాత, మీరు ఆధార్కు సంబంధించిన కొన్ని విషయాలను ఉచితంగా అప్డేట్ చేయలేరు. సెప్టెంబరు 14 తర్వాత ఆధార్ను అప్డేట్ చేసుకోవడానికి కొంత రుసుము చెల్లించాల్సి ఉంటుంది. అయితే, ముందుగా ఉచిత ఆధార్ అప్డేట్ కోసం చివరి తేదీ 14 జూన్ 2024 ఉండేది. ఆ తర్వాత సెప్టెంబర్ 14 వరకు పొడిగించింది. అయితే ఈ గడువును పొడిగిస్తుందా? లేదా అనేది వేచి చూడాలి.
ఇది కూడా చదవండి: Car Mileage: మీ కారు మైలేజీ పెరగాలా? అయితే డ్రైవింగ్లో ఈ పొరపాట్లు చేయకండి!
మరిన్ని బిజినెస్ వార్తల కోసం ఇక్కడ క్లిక్ చేయండి