CNG Bike: పెట్రోల్‌ కష్టాలకు ఇక చెక్‌.. త్వరలోనే మార్కెట్లోకి సీఎన్‌జీ బైకులు..
అవును ప్రముఖ వాహన తయారీ సంస్థ బజాజ్ త్వరలోనే సీఎన్‌జీ బైక్‌లను తీసుకొచ్చే పనిలో పడింది. ఇందులో భాగంగానే ప్రపంచంలో మొట్టమొదటి సీఎన్‌జీ బైకును తీసుకొచ్చే పనిలో పడింది. గతేడాది నుంచే ఇందుకు సంబంధించిన వార్తలు వస్తున్నాయి. అయితే తాజాగా కంపెనీ ఎండీ రాజీవ్ బజాజ్ ఇందుకు...
రోజురోజుకీ పెరిగిపోతున్న పెట్రోల్‌ ధరలతో బైక్‌ బయటకు తీయాలంటేనే భయపడే పరిస్థితి వచ్చింది. అయితే పెట్రోల్‌ సమస్యకు సీఎన్‌జీ చెక్‌ పెట్టిందని చెప్పాలి. పెట్రోల్‌తో పోల్చితే సీఎన్‌జీ ధర తక్కువగా ఉండడంతో వాహనదారులకు ఊరటలభించింది. అయితే సీఎన్‌జీ సదుపాయం కేవలం కార్లకు మాత్రమే అందుబాటులో ఉంది. మరి సీఎన్‌జీ సపోర్ట్‌ చేసే బైక్‌లు కూడా ఉంటే భలే ఉంటుంది కదూ! వినడానికి ఆశ్చర్యంగా ఉన్నా ఇది నిజం కానుంది.
అవును ప్రముఖ వాహన తయారీ సంస్థ బజాజ్ త్వరలోనే సీఎన్‌జీ బైక్‌లను తీసుకొచ్చే పనిలో పడింది. ఇందులో భాగంగానే ప్రపంచంలో మొట్టమొదటి సీఎన్‌జీ బైకును తీసుకొచ్చే పనిలో పడింది. గతేడాది నుంచే ఇందుకు సంబంధించిన వార్తలు వస్తున్నాయి. అయితే తాజాగా కంపెనీ ఎండీ రాజీవ్ బజాజ్ ఇందుకు సంబంధించి కీలక ప్రకటన చేశారు. వచ్చే త్రైమాసికంలో సీఎన్‌జీ బైక్‌ను విడుదల చేసేందుకు సన్నాహాలు చేస్తున్నామని మంగళవారం ఓ ఇంటర్వ్యూలో చెప్పుకొచ్చారు.
సీఎన్‌జీ బైక్‌లు అందుబాటులోకి వస్తే.. ఇంధన ధర, నిర్వహణ ఖర్చు 50-65 శాతం మేర తగ్గుతుందని రాజీవ్ బజాజ్ తెలిపారు. సంప్రదయ ఇంధన వాహనాలతో పోలిస్తే ఉద్గార స్థాయి తక్కువగా ఉంటుంది. సీఎన్‌జీ బైకుల వల్ల కార్బన్ డయాక్సైడ్ 50 శాతం, కార్బన్ మోనాక్సైడ్ 75 శాతం, నాన్-మీథేన్ హైడ్రోకార్బన్ ఉద్గారాల్లో దాదాపు 90 శాతం తగ్గుతాయని కంపెనీ చెబుతోంది.
ఇక సీఎన్‌జీ బైక్‌ను కేవలం ఒక్క వేరియంట్‌లోనే కాకుండా.. 100సీసీ నుంచి 160సీసీ వరకు అన్ని వేరియంట్లలో సీఎన్‌జీ బైకులను విడుదల చేస్తామని రాజీవ్ బజాజ్ వివరించారు. ప్రస్తుతానికి 125సీసీ సెగ్మెంట్‌పై కంపెనీ ఎక్కువ దృష్టి సారించింది. రానున్న రోజుల్లో దాదాపు ప్రతి 15 రోజులకు ఒక కొత్త బైకును విడుదల చేయాలనే లక్ష్యంతో ఉన్నట్టు ఆయన వెల్లడించారు.
మరిన్ని బిజినెస్ వార్తల కోసం క్లిక్ చేయండి..
