PPF Account: పిల్లల పేరుపై ఉన్న పీపీఎఫ్‌ ఖాతాను మూసివేయాలనుకుంటున్నారా? ఈ నియమాలు తప్పనిసరి
పబ్లిక్ ప్రావిడెంట్ ఫండ్ స్కీమ్ (పీపీఎఫ్‌) అనేది చాలా ప్రసిద్ది పొందిన పథకం. దీనిలో మీరు బలమైన రాబడిని పొందవచ్చు. ఇతర పథకాలతో పోలిస్తే పీపీఎఫ్‌ పథకం చాలా రాబడిని..
పబ్లిక్ ప్రావిడెంట్ ఫండ్ స్కీమ్ (పీపీఎఫ్‌) అనేది చాలా ప్రసిద్ది పొందిన పథకం. దీనిలో మీరు బలమైన రాబడిని పొందవచ్చు. ఇతర పథకాలతో పోలిస్తే పీపీఎఫ్‌ పథకం చాలా రాబడిని ఇస్తుంది. ఈ పథకం ప్రత్యేకత ఏమిటంటే, ఈ పథకం కింద, పెద్దల నుండి పిల్లల వరకు ఖాతాను తెరవవచ్చు. ఈ పథకం ప్రత్యేకత ఏమిటంటే, పిల్లలకు ఖాతా తెరవడానికి కనీస వయస్సు లేదు. 18 సంవత్సరాల కంటే తక్కువ వయస్సు ఉన్న పిల్లలు తల్లిదండ్రుల పర్యవేక్షణలో ఖాతాను తెరవవచ్చు. మీరు ఈ పథకంలో 15 సంవత్సరాల పాటు పెట్టుబడి పెట్టవచ్చు. దీనితో పాటు, పెట్టుబడిపై 7.1% వడ్డీ రేటు అందుబాటులో ఉంది.
ఈ ఖాతాను తెరిచిన తర్వాత తల్లిదండ్రులు చాలాసార్లు ఖాతాను మూసివేయాలని కోరుకుంటారు. పిల్లల పీపీఎఫ్‌ ఖాతాను 15 సంవత్సరాల కంటే ముందే మూసివేయవచ్చు. అయితే దీని కోసం కొన్ని ప్రత్యేక షరతులు ఉన్నాయి. వాటిని పాటించి ఖౄతాను మూసివేసుకునేందుకు ఆస్కారం ఉంటుంది.ఖాతా తెరిచిన ఐదు సంవత్సరాల తర్వాత పిల్లల ఖాతాను మూసివేయవచ్చు. దీనితో పాటు తల్లిదండ్రులు కూడా పిల్లల అవసరాల కోసం మాత్రమే ఖాతా నుండి పాక్షిక ఉపసంహరణలు చేయగలరని గుర్తుంచుకోండి. మీకు పిల్లల చదువు లేదా చికిత్స కోసం డబ్బు అవసరమైతే మీరు ఖాతా నుండి డబ్బును విత్‌డ్రా చేయడం ద్వారా దాన్ని మూసివేయవచ్చు.
పిల్లల కోసం మాత్రమే డబ్బు అవసరమని మీరు రుజువును అందించాల్సి ఉంటుంది. ఈ పథకం కింద పెట్టుబడి పెట్టడం వలన ఆదాయపు పన్ను సెక్షన్ 80C కింద వార్షికంగా రూ. 1.5 లక్షల మినహాయింపు లభిస్తుంది. మీరు పోస్ట్ ఆఫీస్ లేదా ఏదైనా బ్యాంకులో పిల్లల పేరు మీద పీపీఎఫ్‌ ఖాతాను తెరవవచ్చు. ఈ పథకం కింద, మీరు ప్రతి సంవత్సరం కనీసం రూ. 500, గరిష్టంగా రూ. 1.5 లక్షల వరకు పెట్టుబడి పెట్టవచ్చు.
మరిన్ని బిజినెస్ వార్తల కోసం ఇక్కడ క్లిక్ చేయండి
