Petrol,Diesel Price: తగ్గుముఖం పడుతున్న క్రూడాయిల్ ధరలు.. దేశంలో పెట్రోల్, డీజిల్ రేట్లు ఇలా..
ఇటీవల వాహనదారులకు పెట్రోల్,డీజిల్ ధరల నుంచి కొంత ఉపశమనం కలిగిన విషయం తెలిసిందే. ఇటీవల పెట్రోల్,డీజిల్ ధరలపై స్వల్పంగా తగ్గింది..
Updated on: Nov 10, 2022 | 9:48 AM
ఇటీవల వాహనదారులకు పెట్రోల్,డీజిల్ ధరల నుంచి కొంత ఉపశమనం కలిగిన విషయం తెలిసిందే. ఇటీవల పెట్రోల్, డీజిల్ ధరలపై స్వల్పంగా తగ్గింది. ఇక మూడు రోజుల క్రితం 100 డాలర్లకు చేరువైన ముడి చమురు ధర మళ్లీ తగ్గుతోంది. ఆగస్టులో ముడి చమురు రికార్డు కనిష్ట స్థాయికి పడిపోయింది. అయితే ఇవన్నీ ఉన్నప్పటికీ దేశీయ మార్కెట్‌లో పెట్రోల్ – డీజిల్ ధర ఒకే విధంగా ఉంది . గురువారం వరుసగా మూడో రోజు డబ్ల్యూటీఐ క్రూడ్ బ్యారెల్ ధర రూ.85.89కి పడిపోయింది. బ్రెంట్ క్రూడ్ బ్యారెల్ కు 92.65కి పడిపోయింది.
అంతకుముందు రోజు, ముడి చమురు రికార్డు స్థాయిలో కనిష్ట స్థాయికి చేరుకుంది. ఆ తర్వాత ఇక చమురు ఎగుమతి దేశాలు ముడి చమురు ఉత్పత్తిని తగ్గించాలని నిర్ణయం తీసుకున్నాయి. అప్పటి నుంచి క్రూడాయిల్‌లో పెరుగుదల కనిపిస్తోంది. చమురు కంపెనీల నుంచి పెట్రోలు, డీజిల్ ధరల్లో ఉపశమనం లభించనుంది. 5 నెలలకు పైగా దేశీయ మార్కెట్‌లో పెట్రోల్, డీజిల్ ధరల్లో ఎలాంటి మార్పు లేదు.
సవరించిన ధరల ప్రకారం, భారతదేశంలోని ప్రధాన మెట్రోపాలిటన్ నగరాల్లో నేటి పెట్రోల్, డీజిల్ ధరలు ఇలా ఉన్నాయి. ఢిల్లీలో పెట్రోల్, డీజిల్ ధరలు వరుసగా రూ.96.72, రూ.89.62. ఉంది ముంబైలో పెట్రోల్ ధర 106.31 ఉండగా, డీజిల్ ధర రూ.94.27 ఉంది, ఇక చెన్నై పెట్రోల్ రూ.102.63, డీజిల్‌పై లీటరుకు రూ.94.24. కోల్‌కతా లీటర్‌ పెట్రోల్ ధర రూ. 106.03, డీజిల్‌పై రూ.92.76 ఉంది. నోయిడాలో లీటర్‌ పెట్రోల్ రూ.96.57, డీజిల్ లీటరు రూ. 89.96, లక్నోలో లీటర్‌ పెట్రోల్ ధర రూ.96.57 ఉండగా, డీజిల్ ధర రూ.89.76 ఉంది. ఇక బెంగళూరులో లీటర్‌ పెట్రోల్ రూ.101.94 ఉండగా, డీజిల్ ధర రూ. 87.89 ఉంది. అలాగే హైదరాబాద్‌లో లీటర్‌ పెట్రోల్ ధర రూ.109.66 ఉండగా, లీటరు డీజిల్‌పై రూ.97.82 ఉంది.
ఆగస్టు-సెప్టెంబర్‌లో ముడి చమురు రికార్డు స్థాయికి పడిపోయింది. అయితే అప్పుడు దేశీయ మార్కెట్‌లో పెట్రోల్-డీజిల్ ధరల్లో ఎలాంటి మార్పు లేదు. మే 22న చమురు ధరల్లో చివరి మార్పు జరిగింది. 5 నెలలకు పైగా పెట్రోల్, డీజిల్ ధరలు స్థిరంగా ఉండడం ఇదే తొలిసారి. మే 22న ప్రభుత్వం ఎక్సైజ్ సుంకాన్ని తగ్గించింది. దీంతో దేశవ్యాప్తంగా పెట్రోల్, డీజిల్ ధరలు తగ్గాయి. దీని తర్వాత మహారాష్ట్రలో చమురుపై వ్యాట్ తగ్గించారు. దీంతో ఇంధనం ధర తగ్గింది.
ప్రభుత్వ రంగ చమురు మార్కెటింగ్ కంపెనీలు (ఓఎంసీలు) అంతర్జాతీయ బెంచ్‌మార్క్ ధరలు, విదేశీ మారకపు ధరల ప్రకారం ఇంధన ధరలను సవరిస్తాయి. ఓఎంసీలలో భారత్ పెట్రోలియం కార్పొరేషన్ లిమిటెడ్ (బీపీసీఎల్‌), ఇండియన్ ఆయిల్ కార్పొరేషన్ లిమిటెడ్ (ఐఓసీఎల్‌), హిందుస్థాన్ పెట్రోలియం కార్పొరేషన్ లిమిటెడ్ (హెచ్‌పీసీఎల్‌) ఉన్నాయి.
ప్రభుత్వ రంగ చమురు కంపెనీలు ప్రతిరోజూ పెట్రోల్, డీజిల్ ధరలను నిర్ణయిస్తాయి. మీరు ప్రతిరోజూ మీ నగరంలో పెట్రోల్, డీజిల్ ధరలను SMS ద్వారా తనిఖీ చేయవచ్చు. మీరు ఇండియన్ ఆయిల్ కస్టమర్ అయితే, డీలర్ కోడ్ RSPని టైప్ చేయడం ద్వారా 9224992249కి SMS పంపవచ్చు. ఇక హెచ్‌పీసీఎల్‌ కస్టమర్ అయితే డీలర్ కోడ్ HPPRICEని టైప్ చేయడం ద్వారా 9222201122కు SMS పంపవచ్చు. బీపీసీఎల్‌ కస్టమర్‌లు డీలర్ కోడ్‌ను నమోదు చేయడం ద్వారా 9223112222కు RSPని పంపవచ్చు. ఒక రాష్ట్రం నుండి మరొక రాష్ట్రానికి వ్యాట్, సరుకు రవాణా ఛార్జీల వంటి స్థానిక పన్నులలో వ్యత్యాసం వివిధ నగరాల్లో పెట్రోల్, డీజిల్ ధరలను ప్రభావితం చేస్తుంది.
మరిన్ని బిజిెనెస్ న్యూస్ కోసం
