Smart Watch: భారత్‌ మార్కెట్లో స్మార్ట్‌వాచ్‌ల హవా.. ఆ రెండు కంపెనీల జోరు.. మరిన్ని అమ్మకాల దిశలో పరుగులు!

Smart Watch: భారత్‌లో నాయిస్ అదేవిధంగా బోట్ కంపెనీ స్మార్ట్‌వాచ్‌ను ప్రజలు ఎక్కువగా ఇష్టపడుతున్నారు. దేశీయ బ్రాండ్‌లు 2021మూడో క్వార్టర్‌‌‌‌‌‌‌‌‌‌‌‌‌‌ లో స్మార్ట్‌వాచ్ మార్కెట్‌లో దాదాపు 75% వాటాను ఈ రెండు కంపెనీలు సాధించాయి. 2020లో ఇదే సమయంలో ఈ రెండు కంపెనీల వాటా38%తో పోలిస్తే.. టాప్ 2 బ్రాండ్‌లు 293% వార్షిక వృద్ధితో మార్కెట్ వాటాలో దాదాపు మూడింట రెండు వంతుల వాటాను కలిగి ఉన్నాయి. మార్కెట్ పరిశోధన సంస్థ కౌంటర్‌పాయింట్ రీసెర్చ్ ప్రకారం, మార్కెట్‌లోని మొత్తం షిప్‌మెంట్‌లలో స్మార్ట్‌వాచ్ షిప్‌మెంట్స్ 28% వాటాను కలిగి ఉన్నాయి. ఈ బ్రాండ్‌లు కొత్త స్మార్ట్‌వాచ్‌ను విడుదల చేయడమే దీనికి కారణం. అలాగే, అనేక ప్లాట్‌ఫారమ్‌లలో ప్రమోషన్లు కూడా దీనికి కారణంగా చెబుతున్నారు.

సీనియర్ రీసెర్చ్ అనలిస్ట్ అన్షికా జైన్ ప్రకారం, 2021 మూడవ త్రైమాసికంలో మార్కెట్ పోటీని సృష్టిస్తోంది. ఇందులో నాయిస్ అదేవిధంగా బోట్ కంపెనీ కలిసి దాదాపు 50% మార్కెట్ స్వాధీనం చేసుకున్నాయి. ఈ త్రైమాసికంలో బోల్ట్, యాపిల్, రియల్‌మే అత్యంత వేగంగా అభివృద్ధి చెందుతున్న బ్రాండ్‌లుగా అవతరించాయి.

ఈ సంవత్సరం స్మార్ట్‌వాచ్‌ల విడుదల చాలా ఎక్కువగా..

ఈ సంవత్సరం స్మార్ట్‌వాచ్‌ల విడుదల చాలా ఎక్కువగా ఉంది. ఇది ఇప్పటివరకు భారతీయ మార్కెట్‌కు అతిపెద్ద సహకారం అని జైన్ చెప్పారు. ప్రముఖుల హైప్, డిస్కౌంట్లు, సరసమైన, ఫీచర్ ప్యాక్ చేయబడిన పరికరాలు దాని ఎగుమతుల వృద్ధికి గణనీయంగా దోహదపడ్డాయి. అలాగే గత ఏడాదితో పోలిస్తే స్మార్ట్‌వాచ్‌ల విడుదల కూడా బాగా పెరిగింది.

తక్కువ బడ్జెట్ స్మార్ట్‌వాచ్‌లకు ఎక్కువ డిమాండ్..

అసోసియేట్ పరిశోధకుడు హర్షిత్ రస్తోగి ప్రకారం, మార్కెట్‌లో రూ.10,000 కంటే ఎక్కువ ధర కలిగిన 90% కంటే ఎక్కువ స్మార్ట్‌వాచ్‌లు ఉన్నాయి.. అయితే రూ.2,500-3,000 మధ్య ధర కలిగిన స్మార్ట్‌వాచ్‌లకు అత్యధిక డిమాండ్‌ ఉంది. ఇది మొత్తం మార్కెట్‌కు దాదాపు 40% సహకరిస్తుంది. కొత్త లాంచ్‌లు ఇంకా తక్కువ ధరలకు వస్తున్నందున, రూ. 2,000 లోపు స్మార్ట్‌వాచ్‌లు మార్కెట్‌లో ఎక్కువగా డిమాండ్ చేయబడవచ్చని నివేదిక పేర్కొంది.

మొత్తమ్మీద స్మార్ట్‌వాచ్‌లు భారత మార్కెట్లో సంచలనం సృష్టిస్తున్నాయని నిపుణులు చెబుతున్నారు.

ఇవి కూడా చదవండి: Malala Marriage: నోబెల్ శాంతి బహుమతి గ్రహీత మలాలా వివాహం..సోషల్ మీడియాలో ప్రకటన!

Corona: మిలియన్ల మంది ప్రాణాలను బలిగొన్న కరోనా ఆ ఖైదీ ప్రాణాన్ని కాపాడింది.. ఎలాగంటే..