Pulsar RS 400: కొత్త ఏడాది పల్సర్ నయా వేరియంట్ రిలీజ్..? టీజర్ అదిరిపోయిందిగా..!
భారతదేశంలో బైక్ ప్రియులకు పల్సర్ బైక్ గురించి ప్రత్యేకంగా చెప్పాల్సిన అవసరం లేదు. యువతతో పాటు మిడిల్ ఏజ్ పర్సన్స్ వరకు పల్సర్ బైక్స్‌ను ఇష్టపడుతూ ఉంటారు. ఈ నేపథ్యంలో పల్సర్ బైక్ క్రేజ్‌ను దృష్టిలో ఉంచుకుని బజాజ్ కంపెనీ కూడా ఎప్పటికప్పుడు పల్సర్ బైక్స్‌లో నయా వెర్షన్స్‌ను అందుబాటులోకి తీసుకువస్తుంది. 2025వ సంవత్సరంలో బజాజ్ పల్సర్ ఆర్ 400 నయా వెర్షన్ గురించి మరిన్ని వివరాలను తెలుసుకుందాం.
Srinu |
Updated on: Jan 02, 2025 | 4:30 PM
బజాజ్ కంపెనీ తన అఫిషియల్ సోషల్ మీడియా ఖాతాలో ఓ క్రిప్టిక్ టీజర్‌ను విడుదల చేసింది. ఈ టీజర్లో బ్యాక్ గ్రౌండ్లో ప్లే అవుతున్న సింగిల్ సిలిండర్ ఇంజిన్ శబ్దం తప్ప మరేమీ కనిపించడం లేదు. అయితే ఆ పోస్ట్‌కు క్యాప్షన్‌గా “శబ్దం సరిపోతుంది. ఇది ఏంటో మీకు ఇప్పటికే తెలుసు అని పేర్కొంది. ఈ టీజర్‌ను కచ్చితంగా బజాజ్ పల్సర్ ఆర్ఎస్ 400కు కర్టెన్ రైజర్ అని మార్కెట్ నిపుణులు చెబుతున్నారు. బజాజ్ పల్సర్ ఆర్ఎస్ 400 పూర్తిగా ఫెయిర్డ్ పల్సర్ ఎన్ఎస్400జెడ్‌పై ఆధారపడి ఉంటుంది. ఈ కొత్త బైక్ ఎలా ఉంటుందో టీజర్లో ఎక్కువగా చూపించనప్పటికీ దాని స్టైలింగ్ పూర్తిగా ఫెయిర్డ్ పల్సర్ ఆర్ఎస్200లో అందుబాటులో ఉన్న అప్‌డేటెడ్ వెర్షన్‌గా ఉంటుందని అంచనా వేస్తున్నామని నిపుణులు చెబుతున్నారు.
కొత్త పల్సర్ ఆర్ఎస్ 400 373సీసీ సింగిల్-సిలిండర్ ఇంజిన్‌తో వచ్చే అవకాశం ఉంది. అలాగే పల్సర్ ఎన్ఎస్ 400జెడ్ ఆధారిత ఆర్ఎస్ 400 బైక్‌లో 373 సీసీ సింగిల్ సిలిండర్ ఇంజన్‌ను ఉపయోగించే అవకాశం ఉందని నిపుణులు చెబుతున్నారు. ఈ బైక్ యూనిట్ 39.45 హెచ్‌పీ, 35 ఎన్ఎం గరిష్ట టార్క్ న్ను ఉత్పత్తి చేస్తుంది. ట్రాన్స్మిషన్ విధులు 6 స్పీడ్ మాన్యువల్ ద్వారా పని చేస్తాయి. అలాగే పల్సర్ ఆర్ ఎస్ 400 బైక్ చుట్టూ ఎల్ఈడీ లైటింగ్‌తో పాటు బ్లూటూత్ కనెక్టివిటీతో కూడిన డిజిటల్ ఇన్స్ట్రుమెంట్ క్లస్టర్ ఉండే అవకాశం ఉంది.
ఈ నేపథ్యంలో బజాజ్ సోషల్ మీడియాలో షేర్ చేసిన వీడియోపై మీరు ఓ లుక్కేయ్యండి
View this post on Instagram
మరిన్ని బిజినెస్ వార్తల కోసం ఇక్కడ క్లిక్ చేయండి
