Multibagger Stock: లక్ష రూపాయలు పెట్టుబడి పెడితే.. సంవత్సరంలో రూ. 44 లక్షలు అయ్యాయి..

స్టాక్ మార్కెట్‎లో కొన్ని పెన్నీ స్టాక్స్ భారీగా పెరిగాయి. అయితే పెన్నీ స్టాక్స్‌లో పెట్టుబడి పెట్టడం చాలా ప్రమాదకరం. తక్కువ లిక్విడిటీ కారణంగా, అస్థిరత ఎక్కువగా ఉంటుంది. అయితే దాని ఫండమెంటల్స్ బలంగా ఉంటే, అది దాని వాటాదారులకు మంచి రాబడిని ఇస్తుంది. టీటీఐ ఎంటర్‌ప్రైజ్ షేర్లు దీనికి మంచి ఉదాహరణ. గత ఏడాదిలో రూ.1 నుంచి రూ. 44.40 పెరిగింది. ఈ సమయంలో అది 4,340 శాతం వృద్ధిని నమోదు చేసింది. ఏడాది క్రితం టీటీఐ ఎంటర్‌ప్రైజ్ షేర్లలో లక్ష రూపాయలు పెట్టుబడి పెడితే దాని విలువ ఇప్పుడు రూ.44.40 లక్షల అయింది.

మీరు స్టాక్ మార్కెట్ నుండి డబ్బు సంపాదించాలనుకుంటే, తెలివిగా పెట్టుబడి పెట్టడం మీకు ప్రయోజనకరంగా ఉంటుంది. కేవలం షేర్లు కొనడం, అమ్మడం ద్వారా డబ్బు సంపాదించలేమని మార్కెట్ నిపుణులు కూడా చెబుతున్నారు. డబ్బు సంపాదించాలంటే ఓపిక పట్టాలి. మీరు మీ పెట్టుబడికి సమయం ఇవ్వాలి. అప్పుడే మీ పెట్టుబడి మీకు భారీ లాభాలను ఇస్తుంది. టీటీఐ ఎంటర్‌ప్రైజ్ స్టాక్ పెట్టుబడిదారులకు మంచి ఆదాయాన్ని అందించింది. గత ఏడాది కాలంలో సెన్సెక్స్ 18.43 శాతం పెరగగా, ఈ కంపెనీ స్టాక్ 4,300 శాతానికి పైగా పెరిగింది. నవంబర్ 30న, ఈ షేరు కొత్త 52 వారాల గరిష్ఠ స్థాయి రూ.52.05కి చేరుకుంది. అయితే అప్పటి నుంచి ఇందులో ప్రాఫిట్ బుకింగ్ కనిపిస్తోంది.

బుధవారం, టీటీఐ ఎంటర్‌ప్రైజ్ షేరు 5 శాతం లాభంతో రూ. 44.40 వద్ద ట్రేడవుతోంది. 18 డిసెంబర్ 2020న షేర్ ధర రూ.1. కంపెనీ మార్కెట్ క్యాప్ రూ.112.80 కోట్లకు పెరిగింది. గత రెండు రోజుల్లో ఈ షేరు 8.82 శాతం లాభపడింది. సెప్టెంబర్ త్రైమాసికం చివరి నాటికి, ఏడుగురు ప్రమోటర్లు కంపెనీలో 25 శాతం వాటాను కలిగి ఉన్నారు. మిగిలిన 75 శాతం పబ్లిక్ వాటాదారుల చేతిలో ఉన్నాయి. 2 లక్షల వరకు వ్యక్తిగత మూలధనంతో 1,236 పబ్లిక్ షేర్‌హోల్డర్లు కంపెనీకి చెందిన 18.10 లక్షల షేర్లను హోల్డ్ చేస్తున్నారు.

TTI ఎంటర్‌ప్రైజ్ అనేది నాన్-బ్యాంకింగ్ ఫైనాన్స్ కంపెనీ. కంపెనీ షేర్లు, సెక్యూరిటీలలో పెట్టుబడి పెడుతుంది. స్వల్పకాలిక, దీర్ఘకాలిక ఫైనాన్స్ చేస్తుంది. TTI ఎంటర్‌ప్రైజ్ స్టాక్‌లో అద్భుతమైన ర్యాలీ కంపెనీ ఆర్థిక స్థితిని పూర్తిగా ప్రతిబింబించదు. సెప్టెంబర్ త్రైమాసికంలో కంపెనీ నికర లాభం 58 శాతం తగ్గి రూ. 13 లక్షలకు చేరుకుంది, సెప్టెంబర్ 2020తో ముగిసిన త్రైమాసికంలో రూ. 31 లక్షలుగా ఉంది.

Note: స్టాక్‌ మార్కెట్‌లో పెట్టుబడి పూర్తిగా నష్టభయంతో కూడుకున్నది. మల్టీబ్యాగర్‌ స్టాక్స్‌ని గుర్తించడానికి చాలా నైపుణ్యం కావాలి. పైన ఇచ్చిన సమాచారం కేవలం అవగాహన కోసం మాత్రమే ఇచ్చాం.

Read Also..  Tesla Smartphone: టెస్లా నుంచి స్మార్ట్‌ ఫోన్‌లు కూడా వచ్చేస్తున్నాయి.. ధర, ఫీచర్లు ఎలా ఉండనున్నాయో తెలుసా?