Luxury House: ఈ భవనం ముందు అంబానీ ఇల్లు ఆంటిలియా చాలా చిన్నది… దీని యజమాని ఎవరు?
Luxury House: ఆంటిలియాకు ఎదురుగా ఉన్న 43 అంతస్తుల లోధా ఆల్టమౌంట్. ముంబైలోని గోవాలియా ట్యాంక్ సమీపంలోని ఫర్గెట్ హిల్ రోడ్లో ఉన్న ఈ టవర్ను ప్రఖ్యాత ప్రాపర్టీ డెవలపర్, రాజకీయ నాయకుడు మంగళ్ ప్రభాత్ లోధా నిర్మించారు. ఇప్పుడు మాక్రోటెక్ డెవలపర్స్గా పిలువబడే లోధా గ్రూప్..
Updated on: Oct 06, 2025 | 5:06 PM
Luxury House: ముంబైలోని ఆల్టమౌంట్ రోడ్ దేశంలోని అత్యంత ఖరీదైన, విలాసవంతమైన ప్రాంతాలలో ఒకటి. ఇది భారతదేశంలోని అత్యంత సంపన్న వ్యక్తుల విలాసవంతమైన ఇళ్లకు నిలయం. ప్రపంచంలోని అత్యంత ఖరీదైన ప్రైవేట్ నివాసాలలో ఒకటైన ముఖేష్ అంబానీకి చెందిన ఆంటిలియా ఈ ప్రాంతంలో ఎక్కువగా చర్చలో ఉంటుంది. ఈ 27 అంతస్తుల అద్భుతమైన భవనం 4,532 చదరపు మీటర్ల విస్తీర్ణంలో ఉంది. ఇది లగ్జరీకి ప్రధాన ఉదాహరణగా పరిగణిస్తారు. కానీ ఆంటిలియా పక్కనే మరింత అద్భుతమైన, పొడవైన మరొక భవనం ఉందని మీకు తెలుసా? దాని యజమాని కేవలం సాధారణ వ్యక్తి కాదు, బిలియనీర్ వ్యాపారవేత్త, రాజకీయ నాయకుడు.
ఇది కూడా చదవండి: Public Holiday: ఇక్కడ అక్టోబర్ 7న పాఠశాలలు, కార్యాలయాలకు సెలవు.. ప్రభుత్వ ఉత్తర్వులు జారీ
లోధా ఆల్టమౌంట్: ఆంటిలియాకు గట్టి పోటీ
ఆంటిలియాకు ఎదురుగా ఉన్న 43 అంతస్తుల లోధా ఆల్టమౌంట్ (Lodha Altamount). ముంబైలోని గోవాలియా ట్యాంక్ సమీపంలోని ఫర్గెట్ హిల్ రోడ్లో ఉన్న ఈ టవర్ను ప్రఖ్యాత ప్రాపర్టీ డెవలపర్, రాజకీయ నాయకుడు మంగళ్ ప్రభాత్ లోధా నిర్మించారు. ఇప్పుడు మాక్రోటెక్ డెవలపర్స్గా పిలువబడే లోధా గ్రూప్ అత్యాధునిక సౌకర్యాలతో ఈ టవర్ను రూపొందించింది. లోధా ఆల్టమౌంట్లో 43 అంతస్తులలో మొత్తం 52 లగ్జరీ అపార్ట్మెంట్లు ఉన్నాయి.
మంగళ్ ప్రభాత్ లోధా: బిలియనీర్ వ్యాపారవేత్త, రాజకీయ నాయకుడు:
మంగళ్ ప్రభాత్ లోధా 1980లో ముంబైలో తన రియల్ ఎస్టేట్ వ్యాపారాన్ని ప్రారంభించారు. నేడు ఇది భారతదేశంలోని అతిపెద్ద, అత్యంత విజయవంతమైన అభివృద్ధి సమూహాలలో ఒకటి. ఆయన విజయవంతమైన వ్యాపారవేత్త మాత్రమే కాదు.. చురుకైన రాజకీయ నాయకుడు కూడా. ఫోర్బ్స్ ప్రకారం.. జనవరి 5, 2025 నాటికి ఆయన నికర ఆస్తుల విలువ $12 బిలియన్లకు పైగా ఉంది. దీనితో ఆయన భారతదేశంలోని అత్యంత ధనవంతులలో ఒకరిగా నిలిచారు.
లోధా ఆల్టమౌంట్ ఆంటిలియా కంటే మెరుగైనదా?
లోధా ఆల్టమౌంట్ అందం, వైభవం దీనిని యాంటిలియా నుండి వేరు చేస్తాయి. ఈ భవనం పూర్తిగా నల్ల గాజుతో నిర్మించారు. ఇది దీనికి సమకాలీన, ఆధునిక రూపాన్ని ఇస్తుంది. ఇందులో స్విమ్మింగ్ పూల్, జిమ్, స్పా, ఫాస్ట్ లిఫ్ట్లు వంటి ఐదు నక్షత్రాల సౌకర్యాలు ఉన్నాయి. ప్రతి అపార్ట్మెంట్ అరేబియా సముద్రం, మెరిసే ముంబై నగరం దృశ్యాలను అందిస్తుంది. ఈ భవనం యాంటిలియా కంటే ఎక్కువ ప్రైవసీని అందిస్తుంది.
ఆల్టామౌంట్ రోడ్డు ఎందుకు ప్రత్యేకమైనది?
ఆల్టమౌంట్ రోడ్ ముంబైలోని ఒక ప్రాంతం. ఇక్కడ భారతదేశంలోని అత్యంత ధనవంతులు, ప్రసిద్ధ వ్యక్తులు నివసిస్తున్నారు. ఇక్కడ భూమి ధరలు దేశంలోనే అత్యధికంగా ఉన్నాయి. అందువల్ల ఈ ప్రాంతంలో నిర్మించబడిన ఇళ్ళు, భవనాలు కేవలం నివాసాలు మాత్రమే కాదు, సంపద, ప్రతిష్టకు చిహ్నాలు.
ఇది కూడా చదవండి: Viral Video: వామ్మో.. ఎంతపెద్ద పామునైనా కరకర నమిలేస్తుంది.. ఇలాంటి పక్షిని మీరెప్పుడైనా చూశారా?
మరిన్ని బిజినెస్ వార్తల కోసం ఇక్కడ క్లిక్ చేయండి
