EV Bike: ఫ్లిప్కార్ట్లో ఆ ఈవీ బైక్ లాంచ్.. ఆ మేటర్లో తగ్గేదేలే..!
ప్రపంచవ్యాప్తంగా ఇటీవల కాలంలో ఎలక్ట్రిక్ వాహనాలకు డిమాండ్ పెరుగుతుంది. టాప్ కంపెనీల నుంచి స్టార్టప్ కంపెనీల వరకు ఎలక్ట్రిక్ వాహనాలను మార్కెట్లో రిలీజ్ చేస్తున్నాయి. అయితే కొన్ని స్టార్టప్ ఈవీ కంపెనీలకు డీలర్షిప్ అనేది ప్రధాన సమస్యగా మారింది. ఈ నేపథ్యంలో తమ వాహనాలను అందుబాటులో ఉంచడానికి ఈ-కామర్స్ సైట్ అయిన ఫ్లిప్కార్ట్ ద్వారా కూడా అమ్మకాలు చేస్తున్నాయి. ప్రముఖ ఈవీ కంపెనీ మేటర్ ఈవీ తన గేర్డ్ ఈవీ మోటర్ సైకిల్ అయిన గేర్ను ఫ్లిప్కార్ట్లో విక్రయిస్తున్నట్లు ప్రకటించింది.
Updated on: May 03, 2025 | 4:15 PM
ప్రముఖ ఈవీ కంపెనీ అయిన మేటర్ తన గేర్డ్ ఎలక్ట్రిక్ మోటార్ సైకిల్ అయిన ఏరాను ఈ కామర్స్ ప్లాట్ఫారమ్ ఫ్లిప్కార్ట్లో అమ్మకానికి అందుబాటులో ఉంచింది. రూ.1,83,308 (ఎక్స్- షోరూమ్) ప్రారంభ ధరకు ఈ బైక్ను అధికారికంగా విడుదల చేసింది. ఫ్లిప్కార్ట్ ‘బిగ్ సేవింగ్స్ డేస్ సేల్’తో పాటు మ్యాటర్ ఏరా లాంచ్ ప్రకటించారు. ముఖ్యంగా మేటర్ కంపెనీ ఈ సేల్లో ఈ బైక్ కొనుగోలు చేసిన వారికి ప్రత్యేక ప్రయోజనాలను అందిస్తుంది. ఫ్లిప్కార్ట్లో ఈ బైక్ను కొనుగోలు చేసిన వారికి రూ.39,827 వరకు మల్టీ డిస్కౌంట్లతో పాటు ప్రోత్సాహకాలను అందిస్తుంది.
ఫ్లిప్కార్ట్లో అందించే ఆఫర్స్లో భాగంగా ప్రత్యేక లాంచ్ ధర, ఫ్లిప్కార్ట్ నుంచి ఫ్లాట్ఫారమ్ నిర్దిష్ట తగ్గింపు, పరిమిత-కాల క్రెడిట్ కార్డ్ ఆఫర్లు ఉన్నాయి. అధిక స్పెక్ మ్యాటర్ ఏరా 5000+ ఎలక్ట్రిక్ మోటార్ బైక్ ఆర్ రూ.1,93,826 (ఎక్స్-షోరూమ్) నుండి ప్రారంభమవుతుంది. దేశంలో అధునాతన ఎలక్ట్రిక్ ద్విచక్ర వాహనాల స్వీకరణను ప్రోత్సహించడానికి తీసుకునే చర్యల్లో భాగంగా ఈ స్కూటర్ను ఫ్లిప్కార్ట్లో అందుబాటులో ఉంచామని కంపెనీ ప్రతినిధులు చెబుతున్నారు. ఏరా స్పెసిఫికేషన్లు విషయానికి వస్తే మేటర్ ఏరా ఎలక్ట్రిక్ మోటార్ సైకిల్ సెగ్మెంట్కు మాన్యువల్ గేర్బాక్స్ను పరిచయం చేసింది. ఈ బైక్లో ఎకో, సిటీ, స్పోర్ట్ అనే మూడు రైడింగ్ మోడ్స్తో 4 స్పీడ్ ట్రాన్స్మిషన్ ఆకట్టుకుంటుంది.
మేటర్ ఏరాఈవీ బైక్ వైవిధ్యమైన రైడ్ కాంబినేషన్లను అనుమతిస్తుంది. సాధారణంగా సాంప్రదాయ ఈవీలు అందించే దానికంటే ఎక్కువ డైనమిక్ అనుభవాన్ని కోరుకునే రైడర్లను ఆకర్షించడం లక్ష్యంగా పెట్టుకుంది. ఈ బైక్ లిక్విడ్-కూల్డ్ పవర్ ట్రెయిన్తో ఆకట్టుకుటుంది. ఏరా 5 కేడబ్ల్యూహెచ్, ఐపీ67 రేటెడ్ బ్యాటరీతో కూడా వస్తుంది, ఇది ఒకే ఛార్జ్ పై 172 కిలోమీటర్ల వరకు మైలేజ్ అందిస్తుంది. ఈ బైక్ 2.8 సెకన్లలోపు 0 నుంచి 40 కిలోమీటర్ల వేగాన్ని అందుకుంటుంది. మేటర్ ఏరా నావిగేషన్, మీడియా, కాల్స్, ఓవర్-ది-ఎయిర్ అప్డేట్ కు మద్దతుతో 7 అంగుళాల టచ్ స్క్రీన్ డ్యాష్ బోర్డ్ ఉంది. ఈ బైక్లో హెూమ్ ఛార్జింగ్ కోసం 5 ఏఎంపీ సాకెట్లకు అనుకూలమైన స్టాండర్డ్ ఆన్ బోర్డ్ ఛార్జర్ కూడా ఉంది. అలాగే రియల్ టైమ్ డేటా యాక్సెస్, రిమోట్ లాకింగ్, జియో-ఫెన్సింగ్, మెయిన్టెన్స్ అలెర్ట్స్ అందించే మొబైల్ యాప్ కూడా వస్తుంది.
మరిన్ని బిజినెస్ వార్తల కోసం ఇక్కడ క్లిక్ చేయండి
