Whiskey: మన దేశంలో ఈ విస్కీకి భారీ డిమాండ్‌.. దిగుమతిలో అమెరికా, చైనాలను వెనక్కి నెట్టేసిన భారత్‌!

మద్యం.. మన భారతదేశంలో వినియోగం భారీగా ఉంటుంది. మద్యం అంటే ఎగిరిగంతేస్తుంటారు. మద్యపానానికి భారతదేశం చాలా పెద్ద మార్కెట్. అయితే, ఖరీదైన దిగుమతి చేసుకున్న హై-ఎండ్ స్కాచ్ విస్కీ వాడకంలో అమెరికా, చైనాలు మొదటి స్థానంలో ఉన్నాయి. అయితే ఆశ్చర్యకరమైన విషయం ఏంటంటే ఈ మద్యం దిగుమతి చేసుకున్న జాబితాలో భారత్‌ అమెరికా, చైనాలను వెనక్కి నెట్టేసింది. భారతదేశంలో ఇప్పుడు స్కాచ్ విస్కీ వినియోగం గణనీయంగా పెరుగుతోంది. ఈ వేగంలో అమెరికా, చైనాలను భారత్ అధిగమించింది. స్విట్జర్లాండ్‌కు చెందిన పరిశోధకుడు సైమన్ జోసెఫ్ ప్రకారం.. గత ఐదేళ్లలో స్కాచ్ లగ్జరీ విస్కీ వినియోగ రేటులో భారతదేశం చైనాను అధిగమించింది. స్కాచ్ విస్కీని అమెరికా కంటే రెండింతలు భారతదేశంలో వినియోగిస్తున్నారు.

అంటే, స్కాచ్ విస్కీ వినియోగంలో పెరుగుదల రేటు భారతదేశంలో ఎక్కువగా ఉంది. ప్రపంచవ్యాప్తంగా స్కాచ్ విస్కీ మార్కెట్ 16 CAGR వద్ద పెరుగుతోంది. 2022 వరకు భారతదేశానికి ఎగుమతి అవుతున్న స్కాచ్ విస్కీ మొత్తం 66 శాతం. ఈ విషయంలో అమెరికా, చైనా వంటి ప్రధాన మార్కెట్ల కంటే భారతదేశంలో స్కాచ్ విస్కీ వేగంగా విస్తరిస్తోంది. UK ఆధారిత స్కాచ్ విస్కీ అసోసియేషన్ విడుదల చేసిన డేటా ప్రకారం.. 2023లో 16.7 కోట్ల స్కాచ్ విస్కీ బాటిళ్లు భారతదేశానికి ఎగుమతి అయ్యాయి. 2019 సంవత్సరంతో పోలిస్తే 27 శాతం పెరుగుదల ఉంది.

భారతదేశంలో లగ్జరీ తరగతికే పరిమితమైన స్కాచ్ లగ్జరీ విస్కీ గణనీయంగా విస్తరిస్తోంది. ఇటీవల భారత్‌లోకి ప్రవేశించిన ఈ వర్గానికి చెందిన ఆల్కహాల్‌కు ఇప్పుడు భారత్‌ ఐదో అతిపెద్ద మార్కెట్‌ కావడం గమనార్హం. అమెరికా, ఫ్రాన్స్, సింగపూర్, తైవాన్ లగ్జరీ స్కాచ్ విస్కీ వినియోగంలో మొదటి 4 దేశాలు.

భారతదేశంలో స్కాచ్ విస్కీ ఎందుకు ప్రాచుర్యం పొందుతోంది?

విలాసవంతమైన స్కాచ్ విస్కీ వినియోగం సాధారణంగా సంపన్నులు, ఎగువ మధ్యతరగతి వారికి మాత్రమే పరిమితం. భారతదేశంలో ధనవంతులు, సంపన్నుల సంఖ్య పెరుగుతున్నందున ఇటీవలి సంవత్సరాలలో స్కాచ్ విస్కీ వినియోగం పెరగడం సహజం. నిపుణులు కూడా అదే చెబుతున్నారు.

ఇది కూడా చదవండి: Mukesh Ambani: ముఖేష్‌ అంబానీ గురించి 10 ఆసక్తికర విషయాలు.. అవేంటో తెలిస్తే ఆశ్చర్యపోతారు!

మరిన్ని బిజినెస్ వార్తల కోసం ఇక్కడ క్లిక్ చేయండి