Interest Rates: తాజాగా వడ్డీ రేట్లను సవరించిన బ్యాంకులు ఇవే.. కొత్త రేట్లు అమలు ఎప్పటినుంచంటే..

Interest Rates: రిజర్వ్ బ్యాంక్ ఆఫ్ ఇండియా బుధవారం రెపో రేటును 0.50 శాతం పెంచింది. గత 36 రోజుల్లో రిజర్వ్ బ్యాంక్ (ఆర్‌బీఐ) రెపో రేటును పెంచడం ఇది రెండోసారి. అంతకుముందు మే 4న రెపో రేటును 0.40 శాతం పెంచింది. ఆ సమయంలో బ్యాంకులు కూడా తమ వడ్డీ రేట్లలో మార్పులు చేశాయి. ఈసారి ఏ బ్యాంకులు వడ్డీ రేట్లను పెంచుతున్నాయి, ఎంత మేర పెంచుతున్నాయి అనే విషయాన్ని గమనిద్దాం..

ప్రైవేటు సెక్టార్ బ్యాంకింగ్ దిగ్గజం ICICI జూన్ 8, 2022 నుంచి ఎక్స్‌టర్నల్ బెంచ్‌మార్క్ లెండింగ్ రేటు (EBLR)ని సవరించింది. అదే రోజు రిజర్వ్ బ్యాంక్ కూడా రెపో రేటును 4.90 శాతానికి పెంచింది. బ్యాంక్ ఆఫ్ బరోడా రెపో లింక్డ్ లెండింగ్ రేటును కూడా సవరించింది. అంటే రిజర్వ్ బ్యాంక్ రెపో రేటు 4.90 శాతంపై బ్యాంక్ మార్క్ అప్ 2.50 శాతం. పంజాబ్ నేషనల్ బ్యాంక్ కూడా వడ్డీ రేట్లను సవరించింది. ఇప్పుడు PNB రెపో లింక్డ్ లెండింగ్ రేటు (RLLR) 7.40 శాతం గురువారం నుంచి అమలులోకి వచ్చింది.

బ్యాంక్ ఆఫ్ ఇండియా కూడా తన రెపో బేస్డ్ లెండింగ్ రేట్ RBLRని మార్చింది. బ్యాంక్ ఆఫ్ ఇండియా వెబ్‌సైట్ ప్రకారం.. ఇప్పుడు దాని ప్రభావవంతమైన RBLR 7.75 శాతానికి పెరిగింది. మీరు HDFC నుంచి గృహ రుణం తీసుకున్నట్లయితే.. ఇప్పుడు మీరు పెరిగిన EMI చెల్లించవలసి ఉంటుంది. గృహ రుణాలపై 0.50 శాతం పెరిగిన రేటు జూన్ 10, 2022 నుంచి అమలులోకి వచ్చింది. ఇకపై HDFC హోమ్ లోన్ వడ్డీ రేట్లు 7.55 శాతం నుంచి ప్రారంభమవుతాయి. ఇండియన్ ఓవర్సీస్ బ్యాంక్ (IOB) కూడా రెపో రేటు ఆధారిత వడ్డీ రేటును పెంచింది. IOB రెపో ఆధారిత వడ్డీ రేటును కూడా 0.50 శాతం పెంచింది. బ్యాంక్ రెపో లింక్డ్ లెండింగ్ రేటు (RLLR)ని 7.75 శాతానికి పెంచింది. ఈ పెంపు జూన్ 10, 2022 నుంచి అమలులోకి వస్తుంది.

ప్రస్తుత పెంపు తర్వాత, రెపో రేటులో మొత్తం పెంపుదల 0.9 శాతంగా ఉంది. సెంట్రల్ బ్యాంక్ రేట్ల పెంపు కారణంగా.. బ్యాంకులు, హౌసింగ్ ఫైనాన్స్ కంపెనీలు వంటి రుణదాతలు తమ రుణ రేట్లను అదే పద్ధతిలో పెంచుతున్నాయి. దీని ప్రకారం మీ EMI పెరుగుతుంది. మీరు ఏదైనా బ్యాంకులో రూ.30 లక్షల రుణం తీసుకున్నట్లయితే. ఇది 7 శాతం వార్షిక వడ్డీని ఆకర్షిస్తుంది.. మీరు దానిని 20 సంవత్సరాల కాలానికి తీసుకున్నారనుకుంటే. మీ EMI రూ.23,259 నుంచి రూ.24,907కి పెరుగుతుంది. అంటే ఈఎంఐ దాదాపు రూ.1,648 పెరుగుతుంది. దీన్ని మరింత సులభంగా అర్థం చేసుకోవాలంటే.. మీ ప్రతి లక్ష రుణానికి చెల్లించాల్సిన EMI రూ. 55 పెరుగుతుందని చెప్పవచ్చు.